1 ခါ နီ ဒီ ဝီ ကာလာင် လွင် လှုက်လှာန် အာနုဝ်။ ဂေ ဂွန် အီမာယ် အာနုဝ် အီ စိူဝ် အာဆေမ်၊ အာဟာမ် ဘော အာယာဖေတ်၊ ဂေ အူယ် ဝီ တီ ဝီ မိုဝ်း ဂွန် အီမာယ် ဝါယ် အိုမ် ဟဲ့ ဟွတ့် မ့ပုန် ကာဒါယ်။

2 ဂွန် အီမာယ် အာယာဖေတ် ဘော စိူဝ် အာဂူမ်၊ အာမာဂုဝ်ကဆိတ်၊ အာမာဒါယ်၊ အာယာဝ်၊ အာထူဘာ၊ အာမဲဆိတ် ဘော အာထီရာတ်။

3 ဂွန် အီမာယ် အာဂူမ် ဝီ စိူဝ် အာခေနာတ်၊ အာရိပ်၊ အာထုဝ်ဂြာမ်။

4 ဂွန် အီမာယ် အာယာဝ် ဘော စိူဝ် အာလီဆာ၊ အာထာဆိတ်၊ အာခီထိမ် ဘော ရုဝ်ဒါနိမ်။

5 လှုက်လှာန် ဂေ ဒူအီ ဇိုဝ် တီ၊ ဂေ ဟဲ့ ဘဲန် အာမျုဝ် ဒူအီ အီ ကွယ် ကာတတ် အိုမ် နမ်မုက်ဆာရာ။ ဂေ ဒူအီ တီ မုး လှုက်လှာန် အာယာဖေတ် တွိုန်။ ဂေ ဟဲ့ ဝီ ဘဲန် အာမျုဝ် ဒူအီ၊ အူ မျုဝ် ကွယ် အူ မိူင် ဘော အူ မျုဝ် ကာလာင် အူ ဂြုဝ်း။ ဂေ ဒွန် မျုဝ် ဘော မိုဝ်း ခြိုဝ် ဂေ၊ အာမျုဝ် ဂေ။

6 ဂွန် အီမာယ် အာဟာမ် တွိုန် ဘော စိူဝ် အာကူဆာ၊ အာမီရာတ်၊ အာဖုတ် ဘော အာကာနန့်။

7 ဂွန် အီမာယ် အာကူဆာ တွိုန် ဘော စိူဝ် အာဆေဘာ၊ အာဟာဝီလ၊ အာဆာပ်ဒါ၊ အာရမာ ဘော အာဆာပ်ထေခါ။

ဂွန် အီမာယ် အာရမာ ဘော စိူဝ် အာဆာဘာ ဂါယ် အာဒေဒါန်။

8 အာကူဆာ ဝီ မိုဝ်း ဂွန် အီ စိူဝ် အာနိမ်။ အာနိမ် ဟဲ့ မုး ဒါ ဆိုက် အီ ကျ ဒီ ကာဂုဝ်း ဘော မိုဝ်း ပွုန် တာင် ဒဲင် ကာဒါယ်။ 9 ဇဝ်ဖြာ ဟဲ့ တဲး အန် ကျ ဒီ မှေတ့် ဒုဝ် ပြဲ။ ခုဝ် အန် တီ ဂေ ဒူအီ ဘော နပ် ဒီ တဝ်း လွင် အီ ဟဝ်၊ “အန် ပီ အာနိမ် တွိုန်။ ဇဝ်ဖြာ ဟဲ့ တဲး အန် မှေတ့် ဒုဝ် ဆတ်၊ ဟဲ့ တဲး အန် ကျ။” 10 မိူင် ပီ အိုပ် အာနိမ် တွိုန် မုး မိူင် ဘာဘဲ ဂါယ် မိူင် အေရေတ်။ န့ မိုဝ်း ဘော မိူင် အေကာတ် ဂေ မိူင် ကာလေန် အီ ကွယ် ခဲင် ကာဒါယ် မိူင် အီ စိူဝ် မိူင် စှီနာ။ အန် အိုပ် တူတ့် မိူင် ဂေ တီ။ 11 အန် ဟဲ့ ဟွတ့် အိုပ် မိူင် ဂေ တီ၊ အန် ဝီ လေး ဟာဝ် အိုပ် မိူင် အာဆူရာ။ အန် မိူဝ် ဒဲ မိူင် ကာမာယ်။ မိူင် ဂေ တီ ဘော စိူဝ် မိူင် နီနီဝေ၊ မိူင် ရေဟုဝ်ဘူတ်အီရ ဘော မိူင် ကေလး။ 12 အန် မိူဝ် ဒဲ ဘော မိူင် ရေဆေန်။ မိူင် ရေဆေန် တီ၊ န့ ကွယ် ကာတဲ မိူင် နီနီဝေ ဂါယ် မိူင် ကေလး တွိုန်။ မိူင် တီ မုး မိူင် တာင်။

13 အာမီရာတ် တွိုန် ဝီ မိုဝ်း ဂွန် အီ ဘဲန် အာမျုဝ် ဒူအီ ဘဲန် မျုဝ်။ န့ မုး အာမျုဝ် ဒူအီ လူဒိတ်၊ အာမျုဝ် ဒူအီ အာနာမိတ်၊ အာမျုဝ် ဒူအီ လေဟာဘိတ်၊ အာမျုဝ် ဒူအီ နာထူဟိတ်၊ 14 အာမျုဝ် ဒူအီ ဖာထုဝ်ဆိတ်၊ အာမျုဝ် ဒူအီ ခါဖြုဝ်ိတ် ဘော ဂေ ဒူအီ ခါဆူဟိတ် တီ ဟဲ့ ဘဲန် ဂုန့် မာ ဂေ ဒူအီ ဖီလီထီ။ ဂေ ဒွန် မျုဝ် ဇိုဝ် တီ၊ ဂေ မုး လှုက်လှာန် ဒါ အာမီရာတ် တွိုန်။

15 အာကာနန့် တွိုန် မိုဝ်း ဂွန် ဂိန့် အီ စိူဝ် အာဆီဒူန်။ ဘော အာဟေတ် မုး ဂွန် အီမာယ် အာကာနန့်။ 16 ဘော ဂေ ဒူအီ ယေဘူဆိတ်၊ ဒူအီ အာမုဝ်ရိတ်၊ ဒူအီ ဂီဂါဆိတ်၊ 17 ဒူအီ ဟီဝိတ်၊ ဒူအီ အာခိတ်၊ ဒူအီ ဆီနိတ်၊ 18 ဒူအီ အာရာဒိတ်၊ ဒူအီ ဇေမာရိတ်၊ ဘော ဂေ ဒူအီ ဟာမာထိတ်၊ ဂေ ဘောကာဂ့လျီတ် မုး လှုက်လှာန် အာကာနန့် တွိုန်။

19 အာမျုဝ် ဒူအီ ဂေ တီ၊ ဂေ အီ မုး လှုက်လှာန် အာကာနန့် တွိုန်၊ ဂေ ဝီ ဟာဝ် ကွယ် ဘဲန် ပ့လုဝ့် ဘဲန် ပ့လုဝ့်။ ဂေ ဝီ ဟာဝ် ကွယ် ခဲင် မိူင် ဆီဒူန် ကော ဇမ် မိူင် ဂီရာတ်၊ မိူင် ဂါဆာ ဘော မိူင် ဆုဝ်ဒူမ် ဂါယ် မိူင် ဂုဝ်မုဝ်၊ မိူင် ဒါမာ၊ မိူင် ဇေဘုဝ်ယိမ် ဘော မိူင် လေဆာ။ မိူင် တီ ဒွန် မိူင် ဟဲ့ ဘဲန် ဒူင် ကွယ် ဂေ။

20 အာ တီ မုး ဂွန် အီမာယ် ဒါ အာဟာမ် တွိုန်။ ဂေ ဟဲ့ ကာယဝ်း ဘဲန် အာမျုဝ် ဒူအီ ဘဲန် မျုဝ် ဘဲန် မျုဝ်။ ဂေ ဘော မိုဝ်း ဂြုဝ်း ဘဲန် မျုဝ် ဘဲန် မျုဝ်။ ဒူအီ ဒွန် မျုဝ် ဘော မိုဝ်း မိူင် အန်။

21 ဘော အာဆေမ် တွိုန် မိုဝ်း ဂွန် အီမာယ်။ အန် ဟဲ့ ဘဲန် ဂုန့် ဒင် အာမျုဝ် အာအေဘာ။ အာအေဘာ မုး အီကတ် အာယာဖေတ်။ ဂေ ဘောကာဂ့လျီတ် ဟဲ့ ဘဲန် ဂုန့် ဒင် အာမျုဝ် ဒူအီ ဟဲဘြဲ။^a

22 ဂေ ဂွန် အီမာယ် အာဆေမ် စိူဝ် အာအေလမ်၊ အာဆူရာ၊ အာဖာဆာတ်၊ အာလုတ် ဘော အာရာမ်။

23 ဂေ ဂွန် အီမာယ် အာရာမ် တွိုန် စိူဝ်

အာအုတ်၊ အာဟုန်၊ အာဂေတ် ဘော အာမဲဆိတ်။

24 အာဖာဆာတ် ဝီ မိုဝ်း ဂွန် အီ စိူဝ် အာဆေလာ။ အာဆေလာ ဝီ မိုဝ်း ဂွန် အီ စိူဝ် အာအေဘာ။

25 အာအေဘာ ယီ မိုဝ်း ဂွန် အီမာယ် အာ ဝီ။

အူ ဝီ စိူဝ် အာဖေလေ။^b ခုဝ်၊ ဒေါ ကွယ် အန် ကာဒါယ် ကာယဝ်း။ ဝါ အန် စိူဝ် အာယုဝ်ကာထာန်။

26 အာယုဝ်ကာထာန် တွိုန် ဝီ မိုဝ်း ဂွန် အီ စိူဝ်

အာမုဝ်ဒါတ်၊ အာဆေလေပ်၊ အာဇာမာဝေတ် ဘော အာယေရာတ်၊ 27 အာဟာဒူမ်၊ အာအူဆာန် ဘော အာဒီခါ၊ 28 အာအုဝ်ဘာန်၊ အာဘီမာအေန် ဘော အာဆေဘာ၊ 29 အာအုဝ်ဖီ၊ အာဟာဝီလ ဘော အာယုဝ်ဘာပ်။ ဒူအီ ဂေ တီ ဒွန် အီ ဟဲ့ မုး ဂွန် အီမာယ် အာယုဝ်ကာထာန် တွိုန်။

30 ဒူင် ကွယ် ဂေ ဒူအီ ဇိုဝ် တီ၊ န့ စုး ဒီ မိူင် မေဆာ၊ ဟာဝ် ဇမ် မိူင် ဆေဖာ။ ဟဲ့ ဟွတ့်၊ န့ ကော ဝီ ဟုဝ့် ဇမ် ဒီ နွန် အီ ကွယ် နာ လေး ဆီငဲ။

31 အာတီ ဟဲ့ မုး တူတ့် ဂေ ဂွန် အီမာယ် အာဆေမ် ဘော လှုက်လှာန် အန် အီ ကာလာင် ဂြုဝ်း ဘဲန် မျုဝ် ဘဲန် မျုဝ်၊ အီ ကွယ် ခဲင် မိူင် မှဝ် မိူင် အန်။

32 ဂေ ဒူအီ ဇိုဝ် တီ အီ ဒဲမ် အုန် ခဲင် ဇာရာင် နီ၊ ဂေ မုး တူတ့် လှုက်လှာန် အာနုဝ် တွိုန်။ ဂေ ဟဲ့ ဝီ ဘဲန် ခြိုဝ် ဘဲန် ခြိုဝ်၊ ဘဲန် မျုဝ် ဘဲန် မျုဝ်။ ဝါယ် အိုမ် တာင် တွိုန် ဟဲ့ ပုန် ကာဒါယ်၊ ဂေ ဝီ ဘဲန် ဒူအီ အာမျုဝ် ကိူန်၊ ဒူအီ အာမျုဝ် တာင်။ ဂေ အီ ကွယ် ဒဲင် ကာဒါယ် ဝါယ် အိုမ် ဟဲ့ ပုန် ကာဒါယ်၊ ဂေ ဘောကာဂ့လျီတ် ဟဲ့ ဘဲန် လှုက်လှာန် ဒူအီ ဂေ တီ။