“Ọwa-a bụ ozi,

onye ono ezi;

mbụ onye ono gude Unme ẹsaa Chileke ono waa kpokpode ẹsaa ono.

Mu makọtakwaru-a iphemiphe,

unu emeje g'ọ ha.

L'aanọduje eku unu ndu nọ ndzụ;

ọle unu bụ ndu nwụhuru anwụhu.

2 Ọ tọ dụekwa g'ọo-nọ-beru nta-a iphe ọbu,

unu nweru ọbu anyịhu ẹnya ree.

Ọo ya bụ;

unu tehukwa nwụru ẹnya;

kwabẹru iya ẹnya k'ọphu ọo-rọ-kerehu.

Mu daleakwaru unu hụmawaa l'iphemiphe,

unu eme ta adụdu ọphu unu metabewaru g'ọ gbaru l'iphu Chileke mu.

3 Ọo ya bụ;

unu nyatajẹkwapho ozi-ọma ono,

unu gude nchị unu nụma kwetakwaphọ ono.

Unu pfụkwarupho pfụshia ike l'iphe ozi-ọma ono epfu.

G'izimanụ lwakwa unu azụ.

Teke ọ bụ l'unu te etehuduru nwụru ẹnya bẹ mu a-tụkwa unu l'ụzorehu;

mbụ byaẹpho g'onye-oshi,

ata dụdu onye amajẹ teke ọobya.

Ọo ya bụ l'unu ta abyadụ ama teke mu a-byapfuta unu.

4 Ọle g'ọ dụhabe;

o nwekwarụ nwụmadzu olemole,

unu l'ẹphe nọ lẹ Sadisu;

ndu te emerwụshiduru uwe phẹ.

Ọ bụru ndu ono bẹ e-ye uwe ọchaa;

mu l'ẹphe eburu;

kẹle ẹphe goshiwaru l'ọo iphe ono rwuberu phẹ.

5 Ọ kwa onye alwụje ọgu ono lwụta bẹ e-ye uwe ọchaa ono.

Ọphu mu abyakwa ehufu ẹpha onye ono l'ẹkwo,

e deshiru ẹpha ndu dzụ ndzụ ojejoje.

Mu a-pfụru l'iphu Nna mu;

mẹ l'iphu ụnwu-ojozi iya,

nọ l'imigwe;

pfua ya hoo haa l'onye ono bẹ bụkwa onye nọ mu l'ẹka.

6 “ ‘G'onye nweru nchị ngabẹkwa iya;

nụma iphe-a,

Unme Chileke epfu anụ iphe,

bụ Chịochi g'ẹphe ha-a.’ ”

7 Waa iphe,

ii-de nụ ojozi-imigwe kẹ Chịochi Filadelufiya baa:

“Ọwa-a bụ ozi,

onye ono,

dụ nsọ bya abụru onye ire-lanụ ono ezi.

Onye ono,

bụ iya gude ire-igodo eze ono,

bụ Dévidi.

Onye abụjeru:

ọ -gụhaa ụzo;

ọ tọ dụedu onye ọzo asụru iya agụ-chi;

teke ọ gụ-chiru iya agụ-chi;

ọ tọ dụedu onye ọzo sụru iya agụha.

8 Sụ-a;

mu makọtakwaru-a iphemiphe,

unu emeje g'ọ ha.

Mu gụhaakwaru ụzo gheberu unu ọnu;

ọphu ọ dụkwa onye sụru iya agụ-chi agụ-chi.

Mu makwarụ-a l'ike ta adụ-zidu unu;

ọle unu pfụlekwaru-a pfụ-shia ike l'opfu ono,

mu pfuru ono;

unu nọdu emekwa iya phọ ememe;

ọphu unu agọjedu ẹgo l'unu ta abụdu ndibe mu.

9 “Iphe unu a-hụma bụ lẹ ndu ono bụ ndu ndzukọ ọphu abajẹru Nsetanu ẹja ono;

ndu ono adzụje ụka sụ l'ẹphe bụ ndu Jiu l'ẹbe ẹphe abụ iya ono;

ndu ono bẹ mu e-me:

ẹphe abya egbushi ikpere l'alị baarụ unu ẹja.

Noo gẹ mu e-shi mee:

ẹphe amaru lẹ mu yeru unu obu bụ ono.

10 Eshinu unu tarụ nshi ono,

bụ iya bụ iphe,

mu karụ unu g'unu meje ono;

bẹ mbẹdua e-gudeshikwaphọ unu mẹ ọhutama -byaẹpho;

mbụ ọhutama ono l'abya l'eliphe l'ophu;

g'ọ hụa iphe,

bụ ndiphe l'ophu ama ono.

11 Ọ tọ dụekwa g'ọo-nọ-beru mu abya.

Unu gudeshikwa iphe ono,

bụwaa k'unu ono ikike g'ọ tọ dụ onye l'anata unu okpu-eze ono.

12 Ọ kwa onye alwụje ọgu ono lwụta bẹ mu e-me g'ọ bụru itso nọ l'ime eze-ụlo Chileke mu;

ọphu ọo-lụfubaedu iya alụfu.

Mu eworu ẹpha Chileke mu dee ya l'ọnu-iphu;

dekwaa ya phọ ẹpha mkpụkpu kẹ Chileke mu ono,

bụ iya bụ Jierúsalẹmu ọ̀phúú.

Mkpụkpu ono bụ l'imigwe ẹka Chileke mu ono nọ bẹ oo-shi bya.

Mu abya edefụkwaa phọ ẹpha ọ̀phúú nkemu l'ọnu-iphu onye ono.

13 “G'onye nweru nchị ngabẹkwa iya;

nụma iphe-a,

Unme Chileke epfu anụ iphe,

bụ Chịochi g'ẹphe ha-a.

14 “Waa iphe,

ii-de nụ ojozi-imigwe kẹ Chịochi Layodeshiya baa:

“Ọwa-a bụ ozi,

oozi;

mbụ onye ono,

ẹpha iya bụ:

Nokwa g'ọ dụ”;

mbụ onye ono,

ọ gbaru kẹ g'e gude ire iya ẹka l'iphemiphe,

oopfu ono;

bya abụru iya bụ onye pfuru anyi ọkpobe-opfu Chileke;

bya abụkwaru iya phọ bụ onye iphemiphe,

Chileke meru dobe lẹ mgboko shi l'ẹka.

15 Mu makọtakwaru-a iphemiphe,

unu emeje g'ọ ha;

l'unu te ejidu oyi ọphu unu evudu ọku.

Unu gege anọdu eji oyi;

ọzoo l'unu evu ọku.

16 Ọo ya bụ;

l'eshinu unu dụ wụruwuru;

unu te ejidu oyi ọphu unu evudu ọku bẹ mu a-gbụfu unu.

17 L'unu anọduje aba abaa enweru iphe;

l'iphe akabẹ kweru unu;

l'ọ tọ dụkpodaa iphe ụko iya dụru unu.

Nshịo unu;

unu ta amadurọ l'unu dụ k'ayọru ọshi;

l'unu akpa nri;

unu nọdu atsụ ishi bya agbakwarụ phọ ọto.

18 Ọo ya bụ l'ìdzù,

mu a-chịru unu nta-a bụ g'unu bya azụta mu mkpọla-ododo mbụ ọphu a kpụru l'ọku-ụzu;

k'ọphu adụedu mkpaba dụ iya nụ;

g'oo-mee unu g'unu bụru ndu nweru iphe;

unu abyakwaphọ bya azụta mu uwe ọchaa g'unu yeje g'unu ta agbahẹru ọto;

ọo ya bụ g'iphere adụ-buhu unu.

Unu azụtakwa mu phọ ọbvu ẹnya tee l'ẹnya ono g'unu awata aphụ ụzo.

19 L'ọ kwa ndu mu yeru obu bẹ mu abajẹru mba;

hụa phẹ ahụ̀hù;

g'ẹphe maru iphe.

Ọo ya bụ;

unu gude nụ obu unu g'ọ ha meje gẹ mu pfuru ono;

g'izimanụ iphe-ẹji unu lwadụpho unu azụ.

20 Unu lenu;

mu pfụakwaru l'ọnu mgbo akụ ẹka l'ụzo.

Onye nụmaru olu mu;

gụhaaru mu ụzo;

mu abata;

mu l'iya erigba nri;

onye eria kẹ nwibe iya;

onye eria kẹ nwibe iya.

21 Ọ kwa onye alwụje ọgu ono lwụta bẹ mu e-kwe g'ọ nọ-kube mu l'aba-eze mu;

bụnaa gẹ mbẹdua lwụru lwụta bya anọ-kube Nna mu l'aba-eze iya-a.

22 “G'onye nweru nchị ngabẹkwa iya;

nụma iphe-a,

Unme Chileke epfu anụ iphe,

bụ Chịochi g'ẹphe ha-a.”