3 Kwabẹjekwa ụnwanyi,

ji phẹ anọedu ùbvù;

mbụ ndu ọphu adụdu g'ọ dụ phẹ ililekpọo.

4 Teke ọ bụ lẹ nwanyị,

ji iya anọedu nweru ụnwegirima;

ọzoo ụnwu nwa-nwa;

g'ụnwegirima ono nwụta l'ọo ẹphebedua evukpọadaru ụzo leta ndu unuphu phẹ ẹnya;

l'o nokwa iphe,

gbaru ndu kẹ Chileke bụ ono.

Ọo ya bụ;

g'ẹphe eshi nno melataru ndu nwụru phẹ nụ ree,

ẹphe meru phẹ.

Ọ kwa iphe ono bụ iphe,

dụ ree l'iphu Chileke.

5 Ọle gẹ nwanyị,

ji iya anọedu;

ẹbe ọ dụdu g'ọ dụ iya ililekpọo;

ọphu ọ tọ dụdu onye eleta iya ẹnya;

bụkwaru Chileke bẹ ọo-nọdu ele ẹnya l'ẹka.

G'ọ tọ tụ-gbejekwa ẹka l'anọdu epfu anụ Chileke eswe l'ẹnyashi.

Iphe,

ọonoduje epfuru Chileke bụ g'ọ kwọo ya lẹ mkpa.

6 Nwanyị,

ji iya anọedu ọphu anọdujeepho eme iphe,

bataru iya l'obu bẹ nwụhuakwaru anwụhu;

l'ẹka ọ nọ ndzụ.

7 Noo iphe,

ii-pfuru phẹ bụ onoya;

mbụ pfua ya kwata pfushiaru phẹ iya ike;

k'ọphu ẹphe a-nọdu eme umere,

gbaru phẹ nụ.

Ọo ya bụ;

g'ọ tọ dụ iphe,

aa-ta phẹ ụta iya.

8 Ọ -bụru l'o nweru onye harụ ndu ẹphe l'iya bụ;

ọphu ooletadu phẹ ẹnya;

kelekele ndu ọphu bụ ndibe phẹ gẹdegede;

onye ono bụkwa iphe,

oogoshi bụ lẹ ya te ekwedu kẹ Kéreshi;

mbụ l'onye te ekwedu kẹ Kéreshi bẹ gbẹkwa ka iya nụ mma.

9 G'e te edejekwa ẹpha nwanyị,

ji iya anọedu l'ẹkwo;

mbụ onye ọphu teke anọ-rwudu ụkporo apha ẹto lẹ mgboko;

gbahaẹpho onye bụ nwoke lanụ kpoloko bẹ ọ lụjeru;

10 waa nwanyị,

aatụ-dzuru ọnu iya;

l'oome ree shii.

G'ọ bụkwaru nwanyị,

hefutaru ụnwu iya ree;

bụru onye akwajẹ ẹbyaa ree;

bụru nwanyị,

gudewaa mini kwọo ndu-nsọ ọkpa;

bya abụru nwanyị,

yewaru ndu eje iphe-ẹhuka ẹka;

bụkwarupho onye wowaru onwiya yekọta l'eme iphe-ọma mgburugburu kpọo.

11 Jịkajekwa ede ẹpha nwanyị,

ji iya anọedu,

bụkwadu nwẹpa.

Noo kẹle ọobujeru teke ẹgu nwoke gụtaeru phẹ phọ;

ẹphe aghaaru Kéreshi azụ wata achọ g'ẹphe e-me je alụru ji ọzo.

12 Ẹphe -mewa iya nno bụkwa iya bụ lẹ Chileke a-nma phẹ ikpe l'ẹphe te emeẹdu iphe ono,

ẹphe kweru Kéreshi ukwe ememe onoya.

13 Tẹme ọzo bụru l'ẹphe a-wata eme ẹnyiru;

tsoru ekpuphe l'ụlo l'ụlo edophe gwẹrigwerigweri;

bụru o-jeru-opfu,

'e kuduru iya;

epfugbaa iphe,

agbakpọdaaru phẹ l'epfupfu.

14 Nokwa g'o gude mu sụ gẹ nwanyị,

ji iya anọedu,

bụkwadu nwẹpa je alụru ji ọzo;

nwụshia ụnwegirima;

leta ụlo iya ẹnya.

Ọo ya bụ;

g'onye ọhogu anyi ono te enwe iphe,

ọo-hụma anyi l'ẹhu gude epfubyishi anyi.

15 L'o nwekwarụ ndu ọphu hawarụnu Kéreshi wata etso Nsetanu.

16 Ọo ya bụ;

ọ -dụru nwoke ọzo nwanyị kweru kẹ Kéreshi,

nweru abụbu,

ji iya anọedu ndzụ;

g'onye ọbu letakwa abụbu iya ono ẹnya.

G'onye ono ta apakwaru mkpa ẹhu nwanyị ono bya ebo Chịochi.

G'ọ bụekwarupho ndu ọphu ji phẹ anọedu;

ẹbe ẹphe amadụ g'ẹphe e-me onwophẹ bẹ Chịochi a-nọduje eleta ẹnya.

17 Iphe,

gbaru g'e meje iya bụ g'a kwabẹje ndu e meru ọgerenya Chịochi ùbvù ọkpobe akwabẹ;

mbụkwa ndu ọphu l'ejeru Chịochi ozi ree;

kelekele kẹ ndu ono,

kukeberu ẹhu asa opfu Chileke asasa;

ezikwa iya phọ ezizi ono.

18 Noo kẹle e deru iya l'ẹkwo-opfu Chileke sụ:

“Te ekechijekwa eswi ọnu mẹ ọ -nọdu azọshiru ngu ereshi.”

Bya asụkwapho:

“Onye akanya gbaru k'anata ụgwo akanya iya.”

19 Ọ -bụru l'o nweru onye sụru l'onye e meru ọgerenya Chịochi bẹ meru ẹji;

te eyekwaru onye ọbu ọnu;

a -gụfukwa l'a dụ ẹbo;

ọzoo ẹto gbaa ya ekebe iphe ọbu l'o meru iya eviya.

20 Ndu ọphu,

bụ ndu eme ẹji bẹ ịi-bajẹru mba l'edzudzu-ọha.

Ọo ya bụ gẹ ndu ọphunapho atsụhukwanu ebvu.

21 Mu nọkwa l'iphu Chileke;

mẹ l'iphu Nnajịuphu,

bụ Jizọsu Kéreshi yẹe l'iphu ụnwu-ojozi-imigwe ono,

ọ họtaru ono epfushiru ngu iya ike sụ g'i mejekwa iphemiphe-a,

mu epfuru ngu-a g'ọ ha;

g'ọ tọ dụkwa ọphu ii-mephodoje.

Ọphu ọ dụkwa iphe,

ii-leje nemadzụ ẹnya l'iphu eme.

22 Rịje-odakwa ọriri;

tẹme l'ị byabẹ nemadzụ ẹka l'ishi.

G'ẹka ngu ta adụjekwa l'iphe-ẹji,

ndu ọzo eme.

Dobeẹkwapho onwongu ọ̀rù.

23 Ọ tọ bụekwapho mini kpoloko bụ iphe,

ịi-ngụje.

Ngụtajekwa mẹe nwanshịi m'ọbvu ẹpho ngu ono;

mẹ ẹhu ba adụ ike ngu onoya,

bụ iphe ono anọduje eme ngu tekenteke onoya.

24 O nweru ndu ẹjo-iphe,

ẹphe eme dabyiru ẹba;

mbụ ọ gbẹkwanu dụ g'ọ bụ l'iphe-ẹji,

ẹphe eme bẹ vuwaa phẹ ụzo eje gẹ Chileke nmaa phẹ ikpe.

O nwekwarụpho ndu ọphu nkephẹ akpọadaa ụpfu tẹme l'ọo vọ-lishihu.

25 Nokwaphọ g'eme ree dụ.

O nweru ree,

nemadzụ e-me l'ọ bụru ree,

a tụkoru ele l'ẹnya.

Teke ọ bụ l'o nweru ree,

e meru;

ọphu a hụmaduru iya nta;

a -nọnyakwaapho bẹ ọo-tụkokwaa vọ-lishihukọta.