Ba u rung te ranga mam uama i tar e here ii a tuhil ^a me poeiena,

“Sei uama iasa teka,

balia te hatare goi lö a manka tega butu moto iou.”

2 Na nonei tara tsi pöata puku has u Namnamei tere Sunahan e kaia i tar.

Ba lia e taregu u töa u gumgum u göagono i Kolö na e Sunahan te gum ia i tanen.

3 Nonei e alesala here ii a man hatu a man niga koru te ngö rari u tsaspa ^b na u konilian.^c

Na töa bötou,

te tara here ii a hatu a bibil te ngöeri a emeral,

e hahisi u gumgum u göagono.^d

4 Na u huol u maloto na u tohats u gumgum u göagono i gum hahisi u gumgum u göagono tere Sunahan,

na u huol u maloto na tohats tara pal kapan i gum ia tara man gumgum teka.

U hasobö i taren e hiaka na nori i ka has mei u hatan tsunono u goul i bakuren.

5 U kanaha e butuma turu gumgum u göagono tere Sunahan,

na u gururu na man tana manka e olongo hasima.

Na u tohit u bito i kulupuia i matana u gumgum u göagono.

Nori u tohit u namnamei tere Sunahan.

6 I matana u gumgum u göagono e ka hasmei a ka te tara here ii u tasi bate here nei u galas u tara bubutu.

Na tohats a ka a töatöa te ka mei u mata u parpara i mam na i murimuri e hahis hasi u gumgum u Göagono.

7 A töa ka a töatöa e tara here ii a laion.

A hahuol e tara here ii a tunan bulmakau.

A hatopisa a matanen e tara here ii a katuun.

Na hatohats e tara here ii a manu te tapana.

8 A tohats hoboto a ka a töatöa teka i ka mei a man tönomo a man pakapaka,

na nori i saputu has mei u mata i tuenrei ren na iahana u pakapaka has.

Tara lan na bong nori e hets nitöar bate mar hets uaier teka:

9 Ba te roron solosei ria nori a tohats a ka a töatöa teka e Sunahan bate hapane ren na e haniga has uaier i tanen,

nonei te gum na turu gumgum u göagono,

nonei te töatöa nitöana.

10-11 Tara mamana pöata ti markato uaien teka,

ba u huol u maloto na tohats a tsunono te hopöe ria a peisaren i puta i matana e Sunahan te töatöa nitöana ba nori te hatsunone ren.

Nori i lapo naia u hatan tsunono i taren i matana u gumgum u göagono bate poeier,