Iyona ina kawanoi
‘Guna mou goi Yauwe atumadadem,
e kukatumapugu.†
Same 120:1
Ámasa ana dadava goi apodeda vaita manuna,
e guna kawanoi kunove.†
3 Boi kulavegu asou ana dimówana tututu goi,
e négwasa ilataoigu
be nakae im kaivaya gagaidi sikautumgu.†
4 Tuwo yau guna nuwonúwana kagu,
“Matam goi bogina kuvatapiyegu.”†
Go tuwo nava bei im Vada Kimaasabaina‡ agitemnei.
5 Asou négwasa ituko ima nukotogu goi,†
nakae dimówana ilataoigu,
e dodouna dabagu ipaimi.
6 Asou ana niku unana toina goi.
Ana kaigigita aliupa ikaaiyaka ikaubodegu,
tauna deri nakae akaaiyaka.
Go Yauwe, guna Yaubada,
ámasa goi ma yawoigu kwabimneigu.†
7 E guna lotówana alotowo bego akámasa go,
Yauwe anuwookavate.
Tuwo akawanoiyem,
e guna kawanoiyana ituko iwo
im Vada Kimaasabaina‡ goi kunovegu.†
8 Avatauwa neta siinumisa tokwalu
geya basabasaidimo yaidi goi,
e Yauwe ina kubunuwa geya sibabaneyeta.†
9 Go yau sem magu vesi yaapalina
bei yoguyogu akasale kom yaim.
Kaga boi akaatotuli moitamo nakae bei aguinuwe.†
Go yava unana moe Yauwe!’
Same 3:8
10 E iyanayana kina Yauwe ilovinae Iyona ilagobe. Tuwo moitamo ilagobe ina mamaya goi itowo.