Buki ame ana togínina geya tayagoiyeta. E nakae geya tayagoiyeta kaga unana igini. Ame tetalayana isowóduwo tutayana Isileli goi geya tayaamo tolovina ikaaiyaka.

Buki ame gagaina unana Ruti guma Moabe Totuyoyowo go, Isileli tubuna tayamo yoina Boasa taiyao sinai. Sinai go, niga kidi tubudi Devida isowóduwo. Devidayana moe Yeisu tubuna.

Ame bukiyana ivatulukoida bego Yaubada imatakaavateda. Nakona mou tababanedi go, mouyadi goi ada dedevina bei tababane unana ida Yaubada imatakaavateda. Aiyuwoina ivatulukoida kubunuwa manuna. Ruti kubunuwa ana kaba gita. Mainao tauyana yaona Naomi ikubunuwe, e niga Boasa nakae ikubunuwe.