Abuku seku deiyo ngeboda, Lukas kuramu. Lukasdi, buku Rasul peda sekamu. Lukasda, Yesusdi wepra deiamu neng, sun 12 neng kan-kan ton men kuramu dinin, er cap, Paulus cap, kikiman pel doramrei (Pilemon 24; Kolose 4:14). Lukasda, nimi kwetena ngebo kuramu. Tonda, Lukas Yahudi yala gum ngebo, Yunani ngebo kuramu. Er kabo Teofilus cap, yuk teka tenemi nesala cap tep, abuku sekra dokotepu. Deiyoda, ‘Yunani nesala peda teka tenepmengopda, Allahdi er nyapu keipkamsere. Teka tenepkameng’ tenen, abuku seku. Lukasdi, ‘Yesus kuramu keca yuma betapra kael kepkameng’ tenen, pio telep kupra, lelepra seku. Buku Lukas neitamai, ‘Angeda ila mambule’ tenen, seku ngeda, nimi lyemna keca cap, Allah er Lek Sambala cap, tali kankan kunge nesala cap, nerapu cap, Allah morona cap tep, upu weik seku. Yambulanun walwal kunup dinin, Injil buku sekeipsei taru tep ngeda, nimi weika di ukuprap tenenupe. Markus menmena seku dinin, amendada Matiusdi er buku seku. Adinenda, Lukasdi abuku sekeipseue.