Timotiꞌyo ratau tore aro mabian mabion poka aro noo iri nio
5
Rama tobei aro apo tota nain,
ro ramaeka mariro moi poka bamau moa aka nimo.
Aro mabian tokopo,
ramau moi naite poka bamamau moi aro bana nemo amiaru.
2 Nemo pasin ramau mou opu tota poka bamau mou moo nimo amiaru.
Ka pasin roinaru ramau ronoi tore aro mabion tokopo mau poka bamau mou rou nimo amiaru,
pasin ora bonaite ka bo ninivu ine nio Naniyo.
3 Pasin naite ramau more aro mabion bian nere bibiri biraikeꞌrere ka bekeri erike poka.
4 Ora sapos mabion bian neu barai batraikeu,
aro mee e apo opu tare neu poni bekeri,
boo nana nere rerau ine nio Naniyo bo,
ora rerau naite rore ereyaru.
Ora ka rerau rou mo tota naite.
Pasin orara,
berarau rore aro aka ba mo nereo.
Ora botau roria,
roporae bere riana ro,
aka ba mo boo nere berau.
Ka pasin ora bo bonaite ine nio Naniyo.
5 Sapos mabion aruta bian neu barai batraikeu ka neu ouweke poka bokei ka aro ribaubou bo biun,
ro bilip aua toa Naniyo ka beten rotau rora umo ba roro poka rora ka rotiere toa Naniyo roina ra arebiu.
6 Ora,
mabion bian neu barai beni ka botau bokei o bomain tou pasin neu bokera oria,
boeka poka bokei laip,
ora aua neu bokei poka beba borai beni.
7 Ora ka,
ramaeka more aro mabion bian nere bibiri beni bo,
roina rere kiyeukoe pasin neu beten rerau roa Naniyo.
Roina pasin naite poni rerau ka aro tarebin mabian mabion rereinariu ro inemain rere eka rore roria au inemain berarau nain.
8 Aro bibau bore aro noo iri nei nain ka aro tarebin berau bekeri rire oro nere bo,
bilip nere bere rokoru ka bere inemain aua ka bere tabarikare pasin inemain nere aro hiden.
9 Naa nere rebe rare rere aro mabion bian nere bibiri beni bo roina sios roinatiu ro arebire.
Ka naa nere rebe rare rere aro mabion ainini nere botabarikau 60-pla ka aro mabion bian aruta poni beruna.
10 Mabion orara naa naite roko ka neu boo naite naite rotatau poni.
Bo botau roria,
botau mee neu oyaru rotau toi naite ka auto aumeme botunare ka rokotore aro kuroumo tarebin ka oꞌrotau rarai aua tore aro bere bilip roa Naniyo bekare oro neu ka pi rotarenitu kaa nere.
Ka boo rae bua mao bo,
ro arebire mabian mabion roporae nae rereko,
ka roina roarebire boo naite pon rotau tore.
11 Naa nere aro mabion tokopo bian nere bibiri kare rumunare nain,
botauke oꞌrokoitore bian rereko bua.
Au orara roinatiu rotau tore oreba rekorou boo nio Kraisꞌyo.
12 Sapos pasin rorawo,
mabion erara au inemain bekorou laip nere ereyaru rou promis nere berau bere kiyeukore naina benaiateu berau bo.
13 Au rae mao,
pasin neu rebatou bereko ka oro rerekiro rore aro tarebin.
Ka pasin rebatona poni berau nain,
oro berekiro rou ro bere ore rou aumeme nere aro prae berarau ka renori ro rere eka barekekere aro tarebin.
Ora ka ro bukunai berau bo bonaite reyau naine.
14 O botana prakaka roria ronaite aro mabion tokopo ereria bian nere bibiri beni bo,
bian reruna bua ka maa reru ka oro nere rerau rou naite.
Ka sapos rerau roria bo beba inemain neiyo bo,
tara rountore ro rere bitibiti rore aro mabion mabian bere bilip.
15 Tiarau!
Aumate botau tore aro prae nereo mabion tokopo bian nere bibiri beni,
prae nere bere toboru ka tara naite bere rokoru ka berau bere kiyakore Satanꞌyo.
16 Ka sapos mabion aruta bo bilip toa Kraisꞌyo ka mabion tarebin prae nere bian nere bibiri beni bekeri riu oro neuwo poka aro neuwo,
ora ka boo neu ro arebire.
Ka au orara nae rokotou sios rotau tore nain.
Sios boinatiu roarebire aro mabion tarebin bian nere bibiri beni ka aro biun rii arebire nain.
Nemei remau more aro benori tia rore boo neu sois berau
17 Aro binobi tia ka boo neu sios biorebarau bo,
boo nei bibau bonaite aua,
sios naa neu riabukobe nake ka niare sios rikoboi aro prae.
Ora roina aro boo naite nei ribau roina ture ribau bore aro nana ka ro oria ri autim,
sois o rotare rarai tore tia.
18 Botauke ro beme ritim koina apoika nio Naniyo boeka roria,
“Ro neu bulumakau rebe kabukeu nain roporae boo neu botau bonou titiau rais tepa roina rere rokoroko.”b
Bebe save ro rae boeka roria,
“Aro wokman ira,
niare riko bou boo bibau bou bo.”
19 Ro eba ramakia beba ro rabiti toa beba binobi tia tou sios au inemain batau nain.
Sapos beba peipin bea e tripela bieka roria bii tiara au ora batau,
ora eba ramakiyei.
20 Ka sapos aruta nei aro wokman neu sios sin batatau poka bo,
ora ramaeka krumonai ro nio ine nere aro neu sios.
Rama eka more mou pasin nio,
roina roarebire aro tarebin mao rere rabu rerau rora naine.
Timotiꞌyo ratiarau ke pasin nio aiyaru
21 Banaeka noma aua ine nio Naniyo ka Krais Yesusꞌyo ka aro ensel nio,
boo bukunai ramau mou naite poka banaeka noma bo.
Pasin naite ramau more poka bamau more aro mabion mabian bukunai.
Pasin naite ramau more poni aro amiyaru bama raikime more nain.
22 O rotama kiri nain ka ikuramu eno ramere tiai aro morameri rinobi tia boo nio Naniyo ribau nain.
Sapos ramau roria bo,
ora Naniyo ratiarama poka,
nemo mao bamau mire aru aro au inemain berarau.
Ora ka kama tiarau ke nemo amiyaru roina rakemi ninivu ine nio Naniyo.
23 Pi pon rama ton naine.
Bonaite wain mama rama ton roina roarebiu to nemo ka roina rekatou koina tima bo rounkiye.
24 Au inemain aro berarau bo,
bokae kuroumonai berenai pon ka bonoi berenai pon kote aro auinemain berarau bo renoru kote.
Tui aro tarebin pasin inemain nere bere tomo ka tui pasin inemain nere rotau rekare kuroumonai.
25 Ora poka,
pasin naite naite boina kroumonai aua.
Ka sapos prae neu pasin naite bere tomo bo,
roina rere tomo aka naine.