Toto ere ina pas eboe oyai kurumo touwa mamaꞌa ra pas eboe atew. Bia pas atew eboe aitinau ya beu bah ‘hetman’ bou sios ya God. Toto pakoe oyai tou histri yei Kristen sios eyai bea pas eboe okae iya Jon. Na Jon eboe aposel raba ya mah akekei rowa tebo Jisas. Jon pas eboe atew onoe towa Gaius na bia Gaius eboe bia raba ya mah boꞌo naite ataw tou aoretarire aro Kristen bombiam bou sios ya Jon bia ya mah noti to awaie ya God autim tou awoꞌo ya Jisas Krais.

Jon pas eboe atew tou pasin bou niorepariꞌiy aro Kristen yei boꞌo ya Biapako eboe epaw. Taim nemaw beaeboe, emiritau tebo bea nemi aro boꞌo aie ya God taim emiaririy aro boꞌo ya God epaw pou to awaie ya God yautim. Pas eboe, Jon akuwa Gaius mah naroe araka tou pasin bou naririy aro Kristen. Na tu Jon akuwa Gaius mah banatiatere toꞌro sios lida raba awoꞌo ya Diotrefes. Bia eboe mah naete pasin naite ataw tou naete akoko yei aro Kristen obu bah nopi to ya God niautim oro ya bou. Ra Jon awoꞌo aitinaꞌa tau bia raba awoꞌo Demitrius na pasin ya mah otiritau bea ya asave ya God. Em ra ku ipo bou pas eboe mah nokuwau pasin bou bilip nau pasin bou raiyipe poiy aro obu na bokemo nemuri moiy aro raꞌai Kristen obu bah to awaie ya God niautim.