144.000gunada selloshkamunda
7
1 Chi k'ipaga chusku angelguna kai pachaj chusku ladugunabi shayasha,
achpabi,
jatun yaku kuchabi,
maijin yuragunallabish maijin wairash ama p'ukuchunmia jarkusha shayajta rikugani.
2 Shinaidi indi llujshina ladumunda kutin shuj ángel,
kausuj Diosbujb selloda apashka ichiyagujtami rikugani.
Kai angelmi kai achpada,
yaku kuchada na allida ruri pudinada japij chusku angelgunamu jinchida kaparisha,
3 “Ñukuchij Diosbujta rurujkunadaga ñukuchi narikish selloda frentebi churujllabidijka,
c kai achpada,
yaku kuchada,
yuragunadash ima na allidaga amarij rurichichu,”
niga.
4 ʻSelloshkagunaga Israelbuj chunga ishki churigunaj wawagunapuramunda patsuj chusku chunga chusku warangagunami (144.000) ganʼ nijta uyugani.d
5 Selloshkagunaga Judaj wawagunapuramunda chunga ishki warangaguna (12.000),
Rubenbujmunda chunga ishki waranga,
Gadbujmunda chunga ishki waranga,
6 Aserbujmunda chunga ishki waranga,
Neftalibujmunda chunga ishki waranga,
Manasesbujmunda chunga ishki waranga,
7 Simeonbujmunda chunga ishki waranga,
Levibujmunda chunga ishki waranga,
Isacarbujmunda chunga ishki waranga,
8 Zabulonbujmunda chunga ishki waranga,
Jozijmunda chunga ishki waranga,
Benjaminbujmundash chunga ishki warangagunami gaga.
Yuruj churanada taugaguna churushkamunda
9 Shina rikushka k'ipaga taugalladi pish na cuenti pudibuj tuki llaktagunamunda,
tuki laya gentegunamunda,
pueblogunamunda tuki laya parlubi parlujkunamunda,
mandusha tiyarinaj ñaubuki,
shinaidi Malta Ovejaj ñaubuki,
yuruj sundij churanada churushka,
ramos p'angagunada tsutsukishka shayagujtami rikugani.
10 Paigunaga,
“Mandusha tiyarinabi Tiyaguj ñukuchij Diosbish,
Malta Ovejash kishpichigami,”
nisha jinchida kaparigaguna.
11 Shinaidi mandusha tiyarinaj,
yuyijkunaj,
kausida charij chuskugunaj muyundijbi tuki angelgunami shayagaguna.
Chibimi mandusha tiyarinaj ñaubuki Diosta ʻAllimi ganguiʼ ningu,
pambabi tuparingama kumurishaga,
12 “¡Shina gachun!
Ñukuchij Diostami ima urash na tukuringama,
allimi,
k'uillami,
tukida yachujmi,
allibi churashkami,
poderda charijmi,
imadash pudijllami gangui,
ʻDiosolopaiʼ nisha,
¡Shina gachun!”
nigaguna.
13 Chimunda yuyijkunamunda shujka,
“Chi yuruj sundij churanada churushkagunaga ¿pigunadikun,
shinaidi maimundadi shamushkaguna?”
nisha ñukada tapuga.
14 Shina niki,
“Hijo taita,
kanlladimi yachungui,”
niganimi.
Chimunda paiga,
“Paigunaga chi jatun llakigunamunda llujshimujkunami gan;
e Malta Ovejaj yaurbi paigunaj sundij churanagunada tajshusha yurujyachijkunamigun.
15 Shinushami Dios mandusha tiyarinaj ñaubuki gasha
p'unllash tutash Diosbuj wasibi Paibujta ruranguna.
Paiguna imash ama tukuchun mandusha tiyarinabi Tiyajmi
Paibujlla tuldushka wasibi wakichinga.
16 Ña na yarijachingagunachu,
na yakunachingagunachu,
indish ima laya rupi shitashash paigunada na rupachingachu.
17 Ashtanbish mandusha tiyarina kuchubi tiyaj Malta Ovejami
paigunadaga michij shina chapanga,
f Paimi kausida kuj yaku p'ugyugunamu pushanga,
g
shinaidi Diosmi paigunaj ñawigunamunda
iki llujshishkadash chakichinga.”ih