Selloshkada paski Pudijmunda
5
1 Chi mandusha tiyarinabi Tiyajbuj alli ladu makibiga,
shuj kururashka papelda ñaubujmush washamush escribishka,
shinaidi kanchis sellogunan ichkushkada charijtami rikugani.a
2 Shinaidi poderda charij shuj angelda rikugani;
chi ángel jinchida kaparishaga,
“¿Kururushka papelda paskibuj,
shinaidi selloshkagunada llikishtibujka pidi tiyanga?”
nisha tapuga.
3 Jawa pachabish kai pachabish achpa ukubish chi kururushkada paskungukish ima tiyashkada rikungakish pish na pudigachu.
4 Shinushaga chi kururashka papelda paskusha ima tiyashkada riki pudibujlladash na japishkamundami,
ñukaga manchanaidi wakugani.
5 Ñuka shina wakagukimi yuyijkunamunda shujka,
“Ama wakichu,
Judaj wawagunapuramunda León nishkagab shinaidi Rey Davidbuj sapimunda iñaj nishkagac vincigami,
Paimi chi kururushka papelda paskungu kanchis selloshkada llikishtangukish pudinga,”
niga.
6 Chimundaga chi yuyijkunaj shinaidi kausida charij chuskugunaj chaubibi,
mandusha tiyarina kuchubimi shuj Malta Ovejag shayajta rikugani;
chiga wañuchishka layami rikuriga.
d Kanchis kachugunada,
e kanchis ñawigunadamif chariga,
chigunaga kai illujta pachamu Dios kachushka Paibuj kanchis espiritugunami gan.
7 Malta Ovejaga mandusha tiyarinabi Tiyajbujmu kuchuyashaga alli ladu makimunda chi kururushka papelda japiga.
8 Chi kururashkada japikiga,
kausida charij chuskuguna,
ishki chunga chusku (24) yuyijkunash Malta Ovejaj ñaubukimi kungurigaguna.
Tukigunami tukana arpagunada charigaguna,
shinaidi kuri copagunabi incienso jundadami apagaguna;
chigunaga Diosbujlla gajkuna Diosta mañushkagunadami rikuchigun.h
9 Shinaidimi kai mushuj cantudash cantagaguna:
i
“Kanllami,
wañuchishka gasha,
Kambuj yaurda jichushkan,
tuki laya gentegunamunda,
tuki laya shimibi parluj,
tuki pueblo tuki llaktagunamunda gaj gentegunada
Diosbuj gachun randishkangui.
j
Chimundami kururushka papelda japisha,
selloshkagunada paskungajka Kanlla kabingui.
10 Paigunamundami mushuj mandanada rurasha
ñukuchij Diosbujta rurachun
mandujkuna shinaidi curaguna gachun ruragangui;
k
shinami kai pachada mandungaguna.”
11 Chi k'ipa rikushaga mandasha tiyarinaj,
kausida charijkunaj,
shinaidi yuyijkunaj muyundiki,
waranga warangaguna,
maida na cuentibuj tauga angelguna parlarijtami uyugani.l
12 Paiguna jinchida kaparishaga,
“¡Wañuchishka Malta Ovejaga,
poderda charij,
tukida charij,
tukida yachaj,
imadash pudijlla,
allibi churushka,
k'uillami nishka,
tukimunda yalli ‘Jatunmi gangui’ nishkada
Paiga japinaidimi kabin!”
nigagunami.
13 Shinaidimi jawa pachabi,
kai pachabi,
achpa ukubi,
shinaidi jatun yaku kuchabish,
Dios imalla rurushkagunash,
tuki chigunabi tiyashkagunash kashna nijtami uyugani:
“Mandusha tiyarinabi Tiyajta,
Malta Ovejadash,
ima urash na tukuringama ʻAllimi ganguiʼ nishkash,
allibi churashkash,
k'uilla gashkash,
poderda charij nishkash gachun,”
nikimi,
14 kausida charij chuskugunaga,
“Shina gachun,”
shinaidi ishki chunga chusku yuyijkunash kungurishaga ʻAllimi ganguiʼ nigugagunami.