Sardisbi gaj crijkunamu parlushkamunda
3
1 “Sardis pueblobi gaj iglillaj angelmu kashna nisha escribi:
Diosbuj kanchis espiritugunada shinaidi kanchis luzerogunada Charijka kaidami nin:
Tuki kan rurushkagunada Ñukaga yachanimi,
ʻKausagujmiʼ nishka gashash wañushkami gangui.
2 Kan ima ruragushkagunash Diosbuj ñaubuki illujta p'aktachishkadaga na rikunichu;
shinushaga kan alli ruragushka narij tukurijllabidi jatarisha jinchi jinchida rurush kati.
3 Shinushaga yachachishkagunada uyusha japishkada yuyarisha juchagunada sakisha kazush katingui.
Na shina yuyillan chapashkakiga shuj shuwama shamuj shinami nash yuyishkada kambujmu risha.
4 Shina gakish Sardis pueblobi kausujkunamunda shujkunami churanagunada na mapayachij shinaguna tiyan;
yuruj churanada churarishkaaÑukan puringaguna;
paiguna shina purinaga kabinlladimi.
5 Na alligunada maijin mishujkunallamumi yuruj churanadaga churachishka ganga;
shinaidi paigunaj shutidaga na tukurij kausida japinaj libromundash na p'ichushachu.
bAshtanbish Ñukaj Taitaj ñaubukish Paibuj angelgunaj ñaubukish ʻÑukajmiʼ nishami.
6 ¡Maijinbish rinrinda charijka tandanukushka crijkunamu Diosbuj Espíritu ima nishkada uyachun!”
Filadelfiabi gaj crijkunamu parlushkamunda
7 “Filadelfiabi gaj iglillaj angelmush kashna nisha escribi:
Rey Davidbuj llaveda CharijcIma Juchash Illuj,
Kabishkada Rurujka kaidami nin,
Pai paskushkadaga pish na ichki pudinchu,
ichkushkadash pish na paski pudinchu.
8 Ñukaga tuki kan rurushkadami yachani;
na tukida ruri pudishash Ñuka parlushkada kazushami ‘Na rijsinichu’ nishaga na nishkangui.
Shinusha riki,
kambuj ñaubuki pish na ichki pudina shuj pungudami paskusha churani.
9 Riki,
Satanasbujta rurungu tandanukujkunami nash israel gashash ‘Israelmi ganchi’ nisha llagmujkunada kambujmu kachani.
Ñuka kanda k'uyushkada yachachunmi kambuj ñaubuki paigunadaga kumurichisha.d
10 ‘Na sakirishalla katingui’ nisha Ñuka mandushkadaga p'aktachishkangui;
chimundami tuki kai pachabi kausujkuna ima laya gashkada rikungu llakichina shami p'unllabimi kangunadaga cuidasha.
11 Ñukaga ñallami shamusha.
Kanmu Ñuka kushka coronada ama pish kichuchunga jinchida crisha kati.
12 Na alligunada mishujkunamunga Ñukaj Diosbuj wasibi pilar shina gachunmi churasha,
e chimundaga ima urash na llujshingachu;
paigunabimi Ñukaj Diosbuj shutidash,
f Ñukaj Diosbuj pueblo shutida,
jawa pachamunda Ñukaj Diosmunda shamuj mushuj Jerusalenbuj shutidami escribisha churasha;
shinaidi Ñukaj mushuj shutidash paigunabimi escribisha churasha.
13 Maijinbish rinrinda charijka tandanukushka crijkunamu Diosbuj Espíritu parlagushkada uyachun.”
Laodiceabi gaj crijkunamu parlushkamunda
14 “Laodiceabi gaj iglillaj angelmush kashna nisha escribi:
Shina gachun Nijka,
gimadash kabishkallada Parluj,
Taita Dioskun kai pachabi tuki imalla tiyashkada Ruruj kashnami nin.h
15 Tuki kan rurushkagunada Ñukaga yachanimi.
Kanga chirish rupujkish na ganguichu.
¡Chimundami chiri gachun na gashaga rupuj gachun munani!
16 Kashna na chiri na rupuj,
ashtangarin kunujlla gashkamunda kandaga Ñukaj shimimunda shungushtashami.
17 Kanga,
‘Charijmi gani,
pachun charij tukushkani,
imash na jualtunchu,’
ninguimi.
Shina gashash,
llakinaidi purij,
pinganaidi gaj,
imadash na charij,
ñawi na rikuj,
ima churanash illuj gashkada na cuenta kunguichu.i
18 Ñukajmundaga kan kabishkadi charij tukungaj ninabi rupachishka k'uidij kuridash,
kan pinganaidi llatunlla laya gashkamunda churaringaj yuraj churanadash,
shinaidi rikungaj ñawibi churana jambidash randina alliminga nishami yuyachini.
19 Tuki Ñuka k'uyashkagunadaga rimushami allida rurachun yachachini.
jShinusha Dios yuyilla gasha juchada sakisha Diosmu vuelti.
20 Riki,
Ñukaga ‘Wasiyuj’ nisha pungumunda kayashami shayaguni;
maijinsh Ñuka kayashka shimida uyusha punguda paskukiga,
paibuj wasimu waigushaga,
paigun iguldami mikushun.
21 Ima layami Ñuka vincisha Ñuka Taita mandusha tiyanabi Paiyun tiyarigani,
shinaidimi na alligunada mishujkunamunga Ñukan mandachun Ñukaj tiyarinabi tiyarichun kusha.
22 Maijinbish rinrinda charijka tandanukushka crijkunamu Diosbuj Espíritu parlagushkada uyachun.”