EFESIOS
Efesiosbi kallari parluguna
Kai cartadaga apóstol Pabloga Roma pueblo carcelbi gashami (Ef 3.1, 4.1) Uchilla Asia llaktabi tiyaj Éfeso pueblobi tandanukushka crijkunamu kachashka (Ef 1.1). Jesucristo wacharishka k'ipa sujta chunga ishki (62) wata shinabimi escribishka yuyachin. Kununga Éfeso ña na tiyanchu, ashtanbish Turquía llaktaj pueblogunallami chibiga rikurin. Pabloga kinsa watadami Efesobi kausaga (Hch 20.31).
Kai cartabiga ʻDiosbuj iglillaʼ nishaga wasimunda na parlanchu, ashtan tandanukushka crijkuna gashkadami rikuchin. Shuj yachanagunaga kaibi tiyan: Diosga ñaubamundadi Pai rurungu yuyushka shina ñukuchida ch'ikunyachiga (1.3-14), Diosga Cristondijmi ñukuchimu mushuj kausida kuga (2.1-10), Cristomi tuki ñukuchimu k'uilla kausanada kun (2.11-18), mushujti k'arimada churarij shina churarichun (4.20-32), maragunash taita mamagunash, sirvichun randishkagunash amogunash (6.1-9), ima na allidash ruruj espiritugunan takanukungu Dios kushka takanukungu charishkagunan churarichun yachachin (6.10-18).