K'ipa CORINTIOS
2 de Corintiosbi kallari parluguna
Kai cartadash apóstol Pabloga Corinto pueblobish Acaya llaktabish tandanukushka crijkunamu kachasha, Jesucristo wacharishka k'ipa pichka chunga kanchis (57) wata shinabimi escribishka yuyachin.
Chibi kausaj crijkunaga Pabloda piñachijkuna gashka. Kai k'ipa cartabiga paigunada jinchida, na pakasha rimashkami rikurin. Pabloga paiguna ama llagmusha engañajkunada crichun, paibuj shamunada parijasha chapachun escribiga. Shuj yachanagunaga kaibi tiyan: Diosbuj alligunada japishkamunda taugaguna Paida ʻDiosolopaiʼ ningaguna (1.8-11), perdonasha alli kushiyachisha ayudanamunda (2.5-11), Cristoj randi parlachun kachushkaguna ganchi (5.11-21), kushilla kujtaga Dios k'uyujmi (9.6-15), Diosbuj ruri pudinaga na ruri pudijkunabimi tukida alli p'aktachichin (12.7-10).