Rijsishkagunada saludashkamunda
16
1 Ñukuchij pani Febedash alli gashkamunda japibaichi;
paiga Cencreas pueblobi tandanukushka crijkunada ayudajmi.
2 Diosbujlla gajkunapura gashka shina,
Mandaj Jesusta crij gashkamunda alli japichunmi mañani;
paiga taugagunada shinaidi ñukaidadikish allida ruragami.
Chimunda imalladash kangunajta ministiki ayudabanguichi.
3 Jesucristobujta ñukan igulda ruraj Aquiladash Prisciladasha ʻAlli gashka gachunʼ nibanguichi.
4 Wañunada na manchushalla ñukamundami paigunaj kungadadi p'itishtashka gangau gagaguna,
paigunada ʻDiosolopaiʼ nishaga na ñukallash ninichu,
ashtanbish na israelgunapura tuki iglillagunabishmi ʻDiosolopaiʼ ninguna.
5 Shinaidi paigunaj wasibi tandanukushka crijkunadash ʻAlli gashka gachunʼ nibanguichi.
Ñuka k'uyashka wauki Epenetodash ʻAlli gashka gachunʼ nibanguichi;
Asia llaktabiga paimi Cristoda kallari crij gan.
6 Mariadash ʻAlli gashka gachunʼ nibaichi;
paimi kangunamu pachun ruruj gashka.
7 Ñukaj llaktallamundadi shinaidi carcelbish ñukan gaj Andronicodash Juniastash ʻAlli gashka gachunʼ ninmi,
nibanguichi.
Paigunaga Dios agllasha kachashkagunapura manchanaidi ʻAlliʼ nishkaguna shinaidi ñukadash ñaubushadimi Cristoda crigaguna.
8 Manduj Jesusta crij ñuka k'uyashka Ampliatoda ʻAlli gashka gachunʼ nibanguichi.
9 Cristobujta ñukuchin igulda ruraj Urbanoda,
ñuka k'uyashka Estaquistash ʻAlli gashka gachunʼ nibanguichi.
10 Cristoda alli crij gashkada rikuchimuguj Apelesta shinaidi Aristobuloj familiagunadash ʻAlli gashka gachunʼ ninmi nibanguichi.
11 Ñukaj llaktallamundadi Herodionda shinaidi Manduj Jesusta crij Narcisoj familiagunadash ʻAlli gashka gachunʼ nibanguichi.
12 Mandajbujta ruruj Trifenadash Trifosadash shinaidi Mandajmu pachun trabajaj k'uyashka Persida-dash ʻAlli gashka gachunʼ nibanguichi.
13 Mandaj agllashka ʻAlliʼ nishka Rufoda shinaidi paibuj mama ñukakish mama shina gajtash ʻAlli gashka gachunʼ nibanguichi.
14 Asincritoda,
Flegonteda,
Hermesta,
Patrobasta,
Hermasta shinaidi tuki paigunan gaj crij waukigunadash ʻAlli gashka gachunʼ nibanguichi.
15 Shinaidi Filologoda,
Juliadash,
Nereoda paibuj panidash,
Olimpastash tuki paigunan gaj Diosbujlla gajkunadash ʻAlli gashka gachunʼ nibanguichi.
16 Kaishujkun chaishujkun ñawi ichibi alli yuyin muchusha ʻAlli gashka ganguichiʼ ninukichi.
Cristoj tuki iglillagunamundami kangunada ʻAllilla gashka gachunʼ ninguna.
17 Wauki paniguna,
kangunamu yachachishkagunada ch'ikun ch'ikun yuyarinukuchun pandachingu munujkunamunda yuyinlladi gabaichi,
paigunamunda laduyachunmi mañani.
18 Paigunaga ñukuchij Mandaj Cristobujta na rurujkunachu,
ashtangarin kikinbuj iksallabi yuyaringuna.
K'uilla uyanaidi shimigunada rimarishami imash na yachujkunada uma pillunguna.
19 Kanguna kazujkuna gashkadaga tukigunami yachi chayan;
kanguna shina gashkamunda kushiyanimi.
Shina gashash allida rurungajka yuyisapaidi gachun,
na allida rurungujka imash na yachuj shina gachunmi munani.
20 K'uilla kausida kuj Diosga ñalla Satanasta vincishami kangunaj chakibi saruchun churunga.
Ñukuchida Mandaj Jesucristo kushka alligunaga kangunan gachun.
21 Ñukan igulda ruraguj Timoteosh shinaidi ñukaj llaktallamundadi Lucio,
Jasonbish,
Sosipaterbish ʻAllilla gashka gachunʼ ningunami.
22 Ñuka kai cartada escribiguj Terciosh Mandajbuj shutibi kangunada ʻAllilla gashka gachunʼ nini.b
23 Shinalladi ñukamush tuki tandanukushka crijkunamush paibuj wasibi sakirichun mañachij Gayosh,
kai pueblobuj kuchkida tandachij Erastosh,
shinaidi wauki Cuartoshmi ʻAllilla gashka gachunʼ ninguna.c
Tukuchingu Diosta ʻAlliminguiʼ nishkamunda
25 Alli Shimida ñuka parlushka shina,
Jesucristomunda yachachishka shina,
kai pachada narij rurashkamunda pacha pakalla charigushkada pish na yachushkada rikuchishka shinami Dios kangunada jinchiyachingu pudin;
chimunda Paidaga ʻAlliminguiʼ nishunchi.
26 Kununga chi pakashkagunadaga rikuchishkami gan;
Dios nishkada parlujkuna escribishka shina,
tuki ratugama kausaj Dios mandashka shinami,
Diosta crisha kazuchun tuki llaktamundagunamu yachi chayachishka gaga.
27 Tukida yachuj shujlla Diostaga Jesucristomundami ima uragamash ʻK'uilladimi ganguiʼ nishka gachun.
Shina gachun.