13
1 Tukigunami jatun mandujkuna mandushkada kazuna gan;
Dios na churushka mandajkunamaga na tiyanchu,
ña mandagujkunash Pai churashkagunaidimi gan.
2 Shina gakiga mandajkunada maijin k'arinijka Dios churashkagunadami k'arinin.
Maijin shina rurujkunaga llakichishka ganadaga japingagunaidimi.
3 Mandajkunaga allida rurujkunada manchachingujka na tiyungunachu,
ashtangarin na allida rurujkunadami shina rurunga.
¿Mandujkunada na manchushalla kausungu munanguichu?
Allida ruri,
allidami kanmundaga parlanga.
4 Maijin mandujka kambuj allibujmi Diosta sirvij gan.
Shinash na allida kan rurashaga mancharinaidimi gangui;
espadadaga alliidijmaga na apanchu,
paigunaga Diosbujta rurujkuna gashami na allida maijin rurujtaga llakichina gashkada llakichin.
5 Shinushaga mandajkunadaga llakichinallamundaga na kazunachu,
ashtanbish kikinbuj yuyibi,
kazunaga alli gashkamundashmi kazuna gan.
6 Chillamundadimi impuestodash pagajkuna ganguichi;
mandujkunaga Diosbujta rurujkuna gashami p'unllandijta shina mandagunguna.
7 Tukigunamu kunashkadaga kuichi:
mandajkunamu pagana gakiga paguichi,
impuestoda pagana gashaga impuestomunda kuichi;
maijinda kazuna gakish kazichi,
ʻAllimi ganguiʼ nina gakish ʻAllimiʼ nichi.
8 Imadash ama pimush dibijkuna gaichichu,
ashtanbish kaishujkun chaishujkun k'uyanukunaida dibijma shina gaichi;
maijinbish shujkunada k'uyujka mandashkabi nishkada tukidami p'aktachishka.
9 Mandashkagunabiga,
“Ama wainayangui,
ama wañuchingui,
ama shuwangui,
shujbujta ama munangui,”
a nishkagunadash chaishuj mandashkagunadash shujllamu tandachikiga ninmi,
“Shujkunadash kikinda layaidi k'uyungui.”b
10 K'uyida charijka shujtaga millidaga na rurunchu;
shinusha shujkunada k'uyushaga mandashkadaga tukidami p'aktachin.
11 Tuki kaigunadaga maijin p'unllagunabi kausagushkada rikusha yuyarichi,
puñugushkamundash ña jatarina urasmi gan;
crishkalla p'unllagunan rikukiga ñukuchida kishpichinaga ña kuchubimi.
12 Tutaga p'unllayamugunmi,
p'unllash ña chayamugunlladimi;
shinushaga yanamangabi ruranagunamunda anchurisha p'unllabi takanukungu parijarij shina churarishunchiri.
13 P'unllabi purij shina allida rurusha kausashunchi.
Ama maidash gachun mikushunchiri,
ama shingayashunchiri,
piyunbish siririjma pinganaida rurujmash ama gashunchiri,
p'iñanukibi ama churashunchiri,
charij tukuki ama p'iñashunchiri.
14 Chibuj randiga Mandaj Jesucristobi churarij shina gashunchi,
aicha munushkaida rurungujka yuyimaidash ama yuyajkuna gaichichu.