Cay Galacia malcaćhu chalapacücunämi allin willacuyta sumä cushicuywan ćhasquïsha cacuyalcäla. Chaypïta mana ancha unaytam juc yaćhachicücuna ćhäpämula “Moisespa camachicuynintam lulananchic salbacunanchicpä” nil. Chaymi cayćhu Pablo Jesuspa puydï caćhannuy cay allin willacuyllaman chalapacul Diospa allinpä licaśha caśhanchicta salbacuśhanchictapis anyapan.

Chaynütacmi limapämanchic Jesusninchicćhu libriña caśhanchicta, jinaman chay libri cayninchicćhu aychanchicpa munayninwan mana aysachicunapä, aśhwanpa cuyacuywan imactapis lulaycunapä, nïtac Moisespa camachicuynincunawan ćhänalächicuyänapäpis. Camacalpulmi nin: “Siñalachicüśha ütac mana siñalachicüśha caypis manam imapäpis bälinchu, aśhwanpa bälin muśhü nunamanña muyuśhanchiccämi” nil.