Josiaspa chulin Joacim^a tawa wataña Juda lädup mandacünin cayaptinmi,

Neriaspa chulin Baruc isquirbila willacü Jeremias nishanta.

Chaynu isquirbiyaptinmi Baructa Jeremias nin:

2 “Israelpa Tayta Diosninmi caynu nin:

Am Barucmi,

3 niyanqui:

‘¡Ay,

imañamá yaꞌapa bïdallá!

Sumä llaquisha cayaptïpis Tayta Dios mas ñacaytalämá uycamanpis.

Waꞌaylla-waꞌayal illacäśhañamá cayá;

manañamá jawcayayta taliycüchu’ nil.

4 Ñatac yaꞌa Tayta Diosmi śhalcachishäcäta pampaman muyüchí;

lantaśhäcätapis tilälú.

Chaynümá jinantin allpäćhu lulaycuśhä.

5 Am,

¿sumäcunactalächun ashiyanquipis?

Amaña ashiycuychu.

Cay jinantin allpämanmá mana allincäta ćhächimuśhä.

Amtañatacmi ichá mayta liptiquipis cawsayniyütalä quïdaycachishayqui.

Yaꞌa Tayta Diosmari niyá” nil.