Kay cartaqa Jesucristopa wawqen Santiagopa qellqasqanmi. Payqa qellqarqa kay pachapi cheqesqa chunka iskayniyoq Israel ayllukunamanmi. Cristoman iñiqkunatam yachachin imaynam kawsayta hinaspa iñisqankutaqa allin ruraywan qawachikunankumanta.

Kay cartaqa soqta parteman rakisqam kanman:

Punta kaq partem willakun iñiqkuna yachaywan huntasqa kananmanta (1:1-8).

Iskay kaq parteñataqmi willakun wakchayaymantawan apuyaymanta, pruebasqa kaymantawan tentasqa kaymanta hinaspa uyarispaqa ruranamanta (1:9-27).

Kimsa kaq parteñataqmi willakun wakchawan apuqa igualla kasqanmanta hinaspa iñispaqa ruraq kanamanta (Stg 2).

Tawa kaq parteñataqmi willakun iñiqkunapa imaynam rimananmanta hinaspa cheqap yachaymanta (Stg 3).

Pichqa kaq parteñataqmi willakun pim Diospa enemigon kasqanmanta (4:1–5:6).

Soqta kaq parteñataqmi willakun pacienciawan mañakunamanta (5:7-20).