Kay libroqa Lucaspa qellqasqanmi karqa. Kay libropa qallariyninqa Lucaspa qellqasqan evangeliopa qatiqnillanmi. Kay libropim tarinchik Jesuspi punta iñiqkunaqa Chuya Espiritupa yanapasqan kaspanku iñiyninkumanta hukkunamanpas willakusqankumanta. Chaytam rurarqaku Jerusalenmanta qallarispa huklaw nacionkunaman.

Kay libroqa kimsa parteman rakisqam kanman:

Punta kaq partem willakun Jesucristopa hanaq pachaman hoqarikusqanmanta hinaspa Jerusalenpi punta iñiqkunapa vidanmanta (1:1–8:3).

Iskay kaq parteñataqmi willakun Palestina lawpi qallarispa huklaw nacionkunaman Evangeliopa mirasqanmanta (8:4–12:25).

Kimsa kaq parteñataqmi willakun Apostol Pablopa viajasqankunamanta (13-28): Punta viajeman lloqsisqanmanta (13:1–14:28), Jerusalenpi Apostol Pablo ancianokunawan huñunakusqanmanta (15:1-35), iskay kutipi viajeman lloqsisqanmanta (15:36–18:22), kimsa kutipi viajeman risqanmanta (18:23–21:16) chaynataq Cesarea llaqtapi hinaspa Roma llaqtapi Pablo preso kasqanmanta (21:17–28:31).