—Ñam chayamuchkanña horno hina rupachkaq punchawqa,

chay punchawpiqa llapallan hatunchakuq runakunapas chaynataq llapallan mana allin ruraq runakunapas lenguachkaq ninapim kañasqa kanqaku.

Chaynaqa chay punchaw hamuqmá paykunataqa kañarunqa manaña imaniraqllapas puchunankukama.

2 Sutiy respetaqkunapaqmi ichaqa inti qespimuchkaq hina rikuripamusunkichik allin ruraq runa,

chaynapim qamkunaqa intipa rupayninwan sanoyachkaq hina paypa sanoyachisqan kankichik.

Qamkunaqa kusikuymantam pawaykachankichik kanchanmanta lloqsiq vaca uñakuna kusikuchkaq hinaraq.

3 Chay alistasqay punchawpim sarupankichik mana allin ruraq runakunata,

paykunaqa rikurirunqa sarupasqaykichik uchpa hinañam.

Chaynatam nin Llapallan Kamachiq Tayta Dios.

4 —Qamkunaqa yuyariychikyá serviqniy Moisesman Horeb Orqopi yachachikuyniykuna kamachisqaymanta,

paymanmi kamachirqani decretoykunatawan leyniykunata.

Chaykunataqariki yachachirqani Israel casta llapallan runakunapaqmi.

5 —Manaraq ñoqa Tayta Diospa punchawniy chayamuchkaptinqa ñoqam kachamusqaykichik ñoqamanta willakuq Eliasta.

Chay hamunay punchawqa kanqa manchakuypaq hatu-hatun punchawmi.

6 Paymi tayta-mamakunatapas churi-wawankunawan allinyanachinqa,

mana chayna kaptinqa hamuspaymi nacionninkuta pasaypaqta castigarusaq —nispa.