Warma kasqaykumantaraqmi

llumpayta ñakarichiwarqaku.

2 Warma kasqaykumantaraqmi

llumpayta ñakarichiwarqaku

aswanqa manapunim

ñoqaykutaqa vencewarqakuchu.

3 Ñoqaykutaqa azoteruwaptinkum

wasallaykupas matakurun.

Yapusqa surcokuna

hinaraqmi rikurirun.

4 Tayta Diosqa allin ruraq

kasqanraykum libraykuwanku.

Mana allin ruraqkunapa

watawasqankumantam libraykuwanku.

5 Sion llaqtata cheqniqkunaqa

penqaypiyá kachunku.

Sion llaqtata cheqniqkunaqa

llapallankuyá lluptichunku.

6 Wasipa hawanpi wiñaq

qora hinayá kachunku.

Manaraq rachuruchkasqa chakiruq

qora hinayá kachunku.

7 Chay qorakunaqa

rutuqpa makinmanpas manam huntanchu.

Gamilla hoqariqpa marqayninmanpas

manam haypanchu.

8 Manam pipas ninqachu

chay hoqariqkunataqa:

“Tayta Diosyá bendecisunkichik” nispaqa.

“Tayta Diospa bendecionnintam

qamkunapaq mañakuniku” nispaqa.