3 Judapa churinkunam karqa Er,

Onan hinaspa Sela.

Paykunapa mamankum karqa Canaan casta Sua sutiyoq runapa churin.

Judapa piwi churin Er sutiyoq runam ichaqa karqa mana allin ruraq chaymi Tayta Dios wañurachirqa.

4 Judapa llumchuynin Tamarmi wachakururqa Judapa churinkunata.

Paykunam karqa Farespiwan Zera.

Judapa llapallan churinkunam karqa pichqa.

5 Farespa churinkunam karqa Hezronpiwan Hamul.

6 Zerapa churinkunam karqa Zimri,

Etan,

Heman,

Calcol hinaspa Darda.

Llapankuqa pichqam karqaku.

7 Carmipa churinmi karqa Acar.

Paymi Israel castaman hatun llakikuyta apaykamurqa Tayta Diospaq rakisqata suwakuruspan.

8 Etanpa churinmi karqa Azarias.

9 Hezronpa churinkunam karqa Jerameel,

Ram hinaspa Quelubai.

10 Rampa churinmi karqa Abinadab,

Abinadabpa churinñataq Naason.

Paymi karqa Judapa mirayninkunapi kamachikuq.

11 Naasonpa churinmi karqa Salma,

Salmapa churinñataq Booz.

12 Boozpa churinmi karqa Obed,

Obedpa churinñataq Isai.

13 Isaipa piwi churinmi karqa Eliab.

Eliabmanñataqmi qatirqa Abinadab,

Abinadabpa sullkanñataqmi karqa Simea.

14 Simeapa sullkanñataqmi karqa Natanael,

Natanaelpa sullkanñataq Radai.

15 Radaipa sullkanñataqmi karqa Ozem,

Ozempa sullkanñataq David.

16 Paykunapa paninkunam karqa Sarviapiwan Abigail.

Sarviapa wawankunam karqa Abisai,

Joab hinaspa Asael,

kimsam paykunaqa karqaku.

17 Abigailmi wachakurqa Ismael casta Jeterpa churin Amasata.

18 Hezronpa churinmi karqa Caleb.

Paypa iskay warminkunam karqa Azubapiwan Jeriot.

Paykunapa wawankunam karqa Jezer,

Sobab hinaspa Ardon.

19 Azuba wañuruptinmi Caleb casarakururqa Efratawan.

Paymi wachakurqa Hurta.

20 Hurpa churinmi karqa Uri,

Uripa churinñataq Bezaleel.

21 Hezronmi soqta chunka watanpiña Maquirpa churinwan casarakururqa,

Maquirmi karqa Galaadpa taytan.

Hezronpa warminmi wachakurqa churin Segubta.

22 Segubpa churinmi karqa Jair,

Jairmi munaychakurqa Galaad law iskay chunka kimsayoq llaqtakunapi.

23 Gesur nacionpa tropankunapiwan Aram nacionpa tropankunam ichaqa Jairpa llaqtankunata dueñochakururqaku.

Dueñochakururqakutaqmi Kenat llaqtatapas llaqtachankunatawan.

Lliwmi karqa soqta chunka llaqtakuna.

Chay llaqtakunapi yachaqkunam karqaku Galaadpa taytan Maquirpa mirayninkuna.

24 Caleb-efrata llaqtapi Hezron wañuruptinmi Hezronpa warmin Abias wachakururqa wawan Asurta.

Asurmi karqa Tecoa llaqtata hatarichiq.

25 Hezronpa piwi churin Jerameelpa churinkunam karqa Ram,

paymi karqa piwi churin,

paymanñataqmi qatirqa Buna,

Orem,

Ozem hinaspa Ahias.

26 Jerameelpa huknin warminmi karqa Atara sutiyoq.

Paymi Onampa maman karqa.

27 Jerameelpa piwi churin Rampa churinkunam karqa Maaz,

Jamin hinaspa Equer.

28 Onampa churinkunañataqmi karqa Samaipiwan Jada.

Samaipa churinkunañataqmi karqa Nadabpiwan Abisur.

29 Abisurpa warminmi karqa Abihail.

Paymi wachakurqa Ahbantawan Molidta.

30 Nabadpa churinkunam karqa Seledpiwan Apaim.

Seledmi wañururqa mana churiyoq.

31 Apaimpa churinmi karqa Isi,

Isipa churinñataq Sesan,

Sesanpa churinñataq Ahlai.

32 Samaipa wawqen Jadapa churinkunam karqa Jeterpiwan Jonatan.

Jetermi wañururqa mana churiyoq.

33 Jonatanpa churinkunam karqa Peletpiwan Zaza.

Paykunam karqa Jerameelpa mirayninkuna.

34 Sesanpa churinkunaqa karqa warmikunallam,

manam qari churinqa karqachu.

Ichaqa kapurqam Jarha sutiyoq Egipto nacionniyoq sirvienten.

35 Sesanmi sirvienten Jarhata casarachirqa warmi churinwan hinaptinmi pay wachakurqa wawan Ataita.

36 Ataipa churinmi karqa Natan,

Natanpa churinñataq Zabad.

37 Zabadpa churinmi karqa Eflal,

Eflalpa churinñataq Obed.

38 Obedpa churinmi karqa Jehu,

Jehupa churinñataq Azarias.

39 Azariaspa churinmi karqa Heles,

Helespa churinñataq Elasa.

40 Elasapa churinmi karqa Sismai,

Sismaipa churinñataq Salum.

41 Salumpa churinmi karqa Jecamias,

Jecamiaspa churinñataq Elisama.

42 Jerameelpa wawqen Calebpa piwi churinmi karqa Mesa,

Mesam karqa Zif llaqtata hatarichiq.

Mesapa sullkanmi karqa Hebronpa taytan Maresa.

43 Hebronpa churinkunam karqa Corey,

Tapua,

Requem hinaspa Sema.

44 Semapa churin Rahanmi karqa Jorcoam llaqtata hatarichiq,

Requempa churinñataqmi karqa Samai.

45 Samaipa churinmi karqa Maon,

paymi Bet-sur llaqtata hatarichirqa.

46 Calebpa compañeran Efam wachakurqa Haranta,

Mosata hinaspa Gazezta.

Haranpa churinpas Gazez sutiyoqmi karqa.

47 Jahdaipa churinkunam karqa Regem,

Jotam,

Gesan,

Pelet,

Efa hinaspa Saaf.

48 Calebpa huknin compañeran Maacam wachakurqa Sebertawan Tirhanata.

49 Wachakurqataqmi Madmana llaqtata hatarichiq Saaf sutiyoq runatapas chaynataq Macbena hinaspa Gibea llaqtata hatarichiq Sevatapas.

Calebpa warmi churinmi karqa Acsa.

50 Calebpa mirayninkuna otaq warmin Efratapa piwi wawan Hurpa churinkunam karqa Quiriat-jearim llaqtata hatarichiq Sobal,

51 Belen llaqtata hatarichiq Salma hinaspa Bet-gader llaqtata hatarichiq Haref.

52 Quiriat-jearim llaqtata hatarichiq Sobalpa churinkunam karqa Haroe sutiyoq runa hinaspa Manahat llaqtapi yachaq parten runakuna.

53 Quiriat-jearim llaqtapi yachaq castakunam karqa Itra casta runakuna,

Fut casta runakuna,

Suma casta runakuna hinaspa Misra casta runakuna.

Paykunamanta miramuqkunam Zora llaqtayoqkuna chaynataq Estaol llaqtayoqkuna.

54 Salmapa churinkunam karqa Belen llaqtayoqkuna,

Netofa llaqtayoqkuna,

Atrot-bet-joab llaqtayoqkuna,

Manahat llaqtapi yachaq parten runakuna hinaspa Zora llaqtayoqkuna.

55 Jabes llaqtapi qellqaqkunapa ayllunkunam karqa Tira casta runakuna,

Simea casta runakuna hinaspa Suca casta runakuna.

Paykunam karqaku Cain castakuna otaq Recab casta runakunapa abuelon Hamatpa mirayninkuna.