ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ
ᓗᒃ
ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
ᓗᒃ ᐊᓐ ᑲ ‍ ᒥᓯᓇᐊᐧᒃ ᐅᔭ ᒥᔽᒋᒧᐅᓂᔪᐤ ᒋ ‍ ᐎᒐᐛᐤ ᑈᓚ ᐊ ‍ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᒋ ‍ ᓂᑐᐧᑯᐃᓱᐤ ᐅ ᓗᒃ᙮ ᐊᓐᑕ ᐊᓂᔭ ᓂᔅᑎᒻ ᓇᐤ ᐊ ‍ ᐃᔨᒥᑕᑭᓄᔨᒋ ᐊ ‍ ᒋᒋᐱᔨᒡ ᐅ ᒥᔽᒋᒧᐅᓐ ᐎᑎᒻ ᓗᒃ ᐊᒋ ‍ ᒥᓯᓇᐊᐧᒃ ᐅᔭ ᒥᔽᒋᒧᐅᓂᔪᐤ ᒐᒋ ᒋᔅᒐᔨᑎᒪᐧᒄ ᑕᓐ ᐊᓐ ᑲ ‍ ᐃᑎᑦ ᑭᔭ ᑕᓐ ᑲ ‍ ᐃᔅᒋᔄᑦ ᒋᓴᔅ ᒪᒂᒡ ᑲ ‍ ᑕᑦ ᐊᓐᑕ ᐃᔅᕋᐃᓪ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮ ᐊᑯᑕ ᐅ ᐊᑐᐎᔅ ᐛᑕᑭᓄᔨᒋ ᑕᓐ ᑲ ‍ ᐃᑎᑦ ᒋᓴᔅ ᑭᔭ ᑕᓐ ᑲ ᐊᑎ ‍ ᐃᑎᔅᑲᑐᒥᑭᓂᔨᒡ ᑕᓐ ᑲ ‍ ᐃᑎᑦ ᑭᔭ ᑕᓐ ᑲ ‍ ᐃᔅᒋᔄᑦ᙮ ᐊᔨᒧᑕᔪᐤ ᑭᔭ ᒋᓴᔅ ᑕᓐ ᐊᔅᐱᔅ ᓴᒋᐊᑦ ᒥᓯᐛ ᐊ ‍ ᐃᑎᔅᑲᓇᓯᔨᒋ ᑭᔭ ᒥᓯᐛ ᐊ ᐃᓯ ‍ ᐃᔨᒥᔨᒋ ᐊᐛᔪᐛ᙮ ᓇᒪ ᒥᒄ ᐊᓂᔭᔪᐛ ᑲ ‍ ᐛᔪᑎᓯᔨᒋ ᒪᒃ ᑲ ‍ ᒋᔅᑕᔨᑕᑯᓯᔨᒋ ᐅᒋ ᓴᒋᐊᐤ ᒋᓴᔅ᙮ ᐊᔪᐤ ᐊᓂᔭᔪᐛ ᑲ ‍ ᒋᔅᑎᒪᑎᓯᔨᒋ ᑭᔭ ᐊᑲ ᒥᔪ ‍ ᒋᔅᒐᔨᒪᑭᓄᔨᒋ ᒋ ‍ ᓴᒋᐊᐤ᙮