ᒋᓴᔅ ᑲ ‍ ᐅᓂᔅᑲᑦ ᓂᐳᐅᓂᒡ ᐅᒡ
Matthew 28.1-10 (Easter Sunday Year A)
28
ᐃᔅᐱ ᒪᒃ ᑲ ‍ ᐎᒪᐱᔨᒡ ᐊᓂᔭ ᐊ ‍ ᐊᔭᒥᐊᐅᒋᓯᑲᔨᒡ,
ᐊᓐ ᒪᒃ ᐊᑎ ᐸᑕᐸᒡ ᒪᕆ ᒪᒃᑕᓕᓐ ᑭᔭ ᒪᕆ ᒋ ‍ ᓂᑐᐛᐸᑎᒧᒡ ᐊᓂᔭ ᒋᐱᐃᒋᐛᐱᔪᐤ᙮
2 ᓯᔅᒋᑯᒡ ᒪᒃ ᒋ ᒥᔅᑎ ‍ ᑯᐃᐧᑯᓐ,
ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓇᒪ ᒂ ᐸᒋ ‍ ᔭᓯᔨᒋ ᒋᒋᒋᓯᑯᒡ ᐅᒡ,
ᒂ ‍ ᐃᒐᑎᑎᐱᓇᔨᒋ ᐊᓂᔭ ᐊᓯᓂᔭ ᐊᓐᑕ ᐃᔎᑕᒥᒡ ᐅᒡ ᒂ ᐊᑎ ‍ ᑕᑎᐱᔨᒋ ᐊᓐᑕ᙮
3 ᒧᔭᒻ ᒪᒃ ᐊ ‍ ᐛᔅᑕᐱᔨᒡ ᑲ ᐃᔅᐱᔅ ‍ ᒋᐧᑲᔭᔅᑐᐛᒡ ᐊᐅᑯᓐ ᑲ ‍ ᐃᓯᓇᑯᓯᑦ ᐊᓐ ᐊᓐᒋᓐ ᐃᔅᐱ ᐛᒋ ‍ ᓄᑯᓯᑦ,
ᑭᔭ ᐅᑦ ᐊᐱᒋᑕᐅᓇ ᑕᐱᔅᑯᓐ ᑯᓐ ᑲ ᐃᔅᐱᔅ ‍ ᐛᐱᓯᑦ ᐊᐅᑯᓐ ᑲ ‍ ᐃᓯᓇᑯᓂᔨᒋ᙮
4 ᐊᓐᒡ ᒪᒃ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᒋᐱᐃᒋᐛᐱᔪᐤ ᐊ ᐃᔅᐱᔅ ‍ ᑯᔅᑕᒋᒡ,
ᒋ ‍ ᓇᓇᒥᐱᔪᒡ ᒋ ‍ ᐸᒋᓯᓄᐅᒡ ᒪᒃ ᐊᑯ ᒧᔭᒻ ᐊ ‍ ᓂᐱᒡ ᑲ ‍ ᐃᓯᓇᑯᓯᒡ᙮
5 ᐊᑯ ᐊᓐ ᐊᓐᒋᓐ ᒂ ‍ ᐃᑕᑦ ᐊᓂᔭ ᐃᔎᐛ,
“ᐊᑲᐎᔾ ᑯᔅᑕᒋᒄ,
ᒋ ‍ ᒋᔅᒐᔨᒥᑎᓇᐛᐤ ᐊ ‍ ᓇᓂᑐᐛᔨᒪᒄ ᒋᓴᔅ ᐊᓐ ᑲ ‍ ᒋᔅᑕᔎᑕᑭᓄᐅᑦ᙮
6 ᓇᒪ ᑕᐤ ᐅᑕ,
ᐛᔅ ᒋ ‍ ᐅᓂᔅᑲᐤ ᒧᔭᒻ ᑕᓐ ᑲ ‍ ᐃᔅᒋᔄᑦ ᒐ ‍ ᐃᑎᑦ᙮
ᐸᑐᑕᒄ ᐸᒋ ‍ ᑭᓄᐛᐸᑎᒺᐧᒄ ᐊᓐᑕ ᑲ ‍ ᐱᒥᓯᒪᑭᓄᐅᑦ᙮
7 ᐎ ᒋᓯᐱᔨᒄ ᒪᒃ ᐎᑎᒧᒪᐧᑯ ᐅᒋᔅᒋᓄᐊᒧᐛᑭᓇ,
ᐊᒋ ‍ ᐅᓂᔅᑲᑦ ᓂᐳᐅᓂᒡ ᐅᒡ,
ᐊᓄᒡ ᒪᒃ ᓂᑲᓐ ᐃᑐᑕᐤ ᑲᓕᓕᒡ ᐊᑯᑕ ᐊᓐᑕ ᒐ ‍ ᐛᐱᒪᒄ᙮
ᐎ ᒋᔅᒋᓯᒄ ᒪᒃ ᐅ ᑲ ‍ ᐃᑎᑎᑯᒡ᙮”
8 ᐊᓐᒡ ᒪᒃ ᐃᔎᐅᒡ ᒋ ‍ ᐎᐎᐸᔨᑐᐅᒡ ᐊᓐᑕ ᒋᐱᐃᒋᐛᐱᒡ ᐅᒋ ᐊ ‍ ᓴᒋᓯᒡ ᑭᔭ ᐊ ‍ ᒧᒋᒐᔨᑕᒡ,
ᒂ ‍ ᐎᑎᒧᐛᒡ ᐊᓂᔭ ᒋᔅᒋᓄᐊᒧᐛᑭᓇ᙮
9 ᓯᔅᒋᑯᒡ ᒪᒃ ᒋ ᐅᒋ ‍ ᓂᒋᔅᑯᐛᐅᒡ ᒋᓴᓴ ᐊᑯ ᒂ ‍ ᐃᑎᑯᒡ,
“ᐎ ᒋᔭᒪᔨᑎᒧᒄ᙮”
ᐊᑯ ᒂ ‍ ᐅᒋᒋᐧᑯᓂᐱᔪᐅᒡ ᐊ ‍ ᑕᔨᒋ ᒂ ‍ ᒪᑯᓂᒺᒡ ᐅᓯᑎᔪᐛ ᐊᑯ ᒂ ‍ ᓄᒋᔅᑐᐛᒡ᙮
10 ᐊᑯ ᒋᓴᔅ ᒂ ‍ ᐃᑕᑦ,
“ᐊᑲᐎᔾ ᑯᔅᑕᒋᒄ,
ᐎᑎᒪᐧᑯᒡ ᓂᐧᑲᓂᓯᒡ ᑲᓕᓕᒡ ᒐᒋ ᐃᑐᑕᒡ,
ᐊᑯᑕ ᐊᓐᑕ ᒐ ‍ ᐛᐱᒥᒡ᙮”
ᑕᓐ ᑲ ‍ ᐃᑎᓱᒪᑭᓄᐎᒡ ᐊᓐᒡ ᒋᐱᐃᒋᐛᐱᔪᐤ ᑲ ‍ ᓂᓇᑭᑐᐛᔨᑕᒡ
11 ᒪᒂᒡ ᒪᒃ ᐊᓐᒡ ᐃᔎᐅᒡ ᐊ ‍ ᐃᔅᐱᓯᒡ ᐊ ᐎ ‍ ᐎᑎᒧᐛᒡ ᐊᓂᔭ ᒋᔅᒋᓄᐊᒧᐛᑭᓇ,
ᐱᔅᒐ ᐊᓐᒡ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᒋᐱᐃᒋᐛᐱᔪᐤ ᒋ ‍ ᐃᑐᑕᐅᒡ ᐊᓐᑕ ᐅᑕᓇᒡ,
ᒂ ‍ ᐎᑎᒧᐛᒡ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᒥᓯᐛ ᑕᓐ ᑲ ᐃᓯ ‍ ᐛᐸᑕᒡ ᐊ ‍ ᐃᔅᐱᔨᒡ᙮
12 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᐃᔪᐛ ᒂ ‍ ᒪᒧᐎᒡ ᐊᑯ ᒂ ‍ ᐎᔭᔨᑕᒡ ᑕᓐ ᒐ ‍ ᐃᑎᒡ᙮
ᒋ ᒥᔅᑎ ‍ ᒥᔭᐅᒡ ᒪᒃ ᓱᓇᔭᔪᐤ ᐊᓂᔭ ᐊᓯᒪᑭᓂᓴ᙮
13 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᒂ ‍ ᐃᑕᒡ ᐊᓂᔭ ᐊᓯᒪᑭᓂᓴ,
“ᒐ ‍ ᐃᑕᑯᒡ ᐊᐛᓐᒋ,
ᑕᐱᔅᑲᒡ ᒪᒂᒡ ᑲ ‍ ᓂᐸᔭᒡ ᐅᒋᔅᒋᓄᐊᒧᐛᑭᓐᒡ ᒋᒧᑦ ᒋ ᐸᒋ ‍ ᓂᑐᐛᐸᑎᒧᐛᐅᒡ ᐊᓂᔭ ᐎᔭᔪᐤ,
ᐊᑯ ᒂ ‍ ᔅᑐᑕᐛᒡ᙮
14 ᐸᑕᒐ ᒪᒃ ᐅᔭ ᐊᓐ ᒋᓴᐅᒋᒪᐤ,
ᓂᑭ ‍ ᓴᐧᑯᒋᒪᓇᓐ ᐊᑲ ᒋᔨᐛᐤ ᒐᒋ ᐊᑕᒪᔨᒥᑯᐅᔭᒄ,
ᒋᑭ ‍ ᒥᔪᐱᔨᐃᑎᓇᓐ ᐊᑲ ᒐᒂᓐ ᒐᒋ ᐃᑐᑕᑯᐅᔭᒄ᙮”
15 ᐊᑯ ᐊᓐᒡ ᐊᓯᒪᑭᓂᓯᒡ ᒂ ‍ ᐅᑎᓇᒡ ᐊᓂᔭ ᓱᓇᔭᔪᐤ,
ᐊᐅᑯᓐ ᒪᒃ ᒂ ‍ ᐃᑎᒡ ᐊᓂᔭ ᑲ ‍ ᐃᑎᓱᒪᑭᓄᐎᒡ᙮
ᐅ ᒪᒃ ᑎᐸᒋᒧᐅᓐ ᐊᐅᑯᓐ ᑲ ᐃᓯ ‍ ᑎᐸᒋᒧᔅᑐᐛᑭᓄᐎᒡ ᒍᐤ ᐃᔪᒡ ᐅ ᒪᒂᒡ ᑭᔭ ᐊᓄᒡ ᑲ ‍ ᒋᓯᑲᒡ ᐊᔅᒄ ᐊᐅᑯᓐ ᐊ ‍ ᐃᑕᑭᓄᐎᒡ᙮
ᒋᓴᔅ ᑲ ‍ ᐛᑎᓱᒪᑦ ᒥᓯᐛ ᐅᒋᔅᒋᓄᐊᒧᐛᑭᓇ
Matthew 28.16-20 (Trinity Year A)
16 ᐊᑯ ᐊᓐᒡ ᐸᐃᑯᓴᑉ ᒋᔅᒋᓄᐊᒧᐛᑭᓐᒡ ᒂ ‍ ᐃᑐᑕᒡ ᐊᓐᑕ ᐊᓂᔭ ᐱᔅᑯᑎᓇᔪᐤ ᑲᓕᓕᒡ ᑲ ‍ ᑎᑯᓂᔨᒡ ᐊᓐᑕ ᑲ ‍ ᐃᑎᑯᒡ ᒋᓴᓴ ᒐ ‍ ᐃᑐᑕᒡ᙮
17 ᐃᔅᐱ ᒪᒃ ᐎᔭᐱᒪᒡ,
ᒋ ‍ ᐊᔭᒥᐊᔅᑐᐛᐅᒡ ᐊᑎ ᐱᔅᒐ ᐊᓐᑕ ᐊ ‍ ᑎᓯᒡ ᐊᒋ ‍ ᐊᓏᑕᒡ᙮
18 ᐊᑯ ᒂ ‍ ᓇᑎᑯᒡ ᒋᓴᓴ ᒂ ‍ ᐃᑎᑯᒡ,
“ᓂᒋ ‍ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮
19 ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᒐ ‍ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ,
ᒐ ‍ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ‍ ᐸᔭᒋᓯᔨᒋ ᐊᒐᒂ᙮
20 ᑭᔭ ᒐ ‍ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ‍ ᐃᑎᓱᒥᑎᑯᒡ᙮
ᒧᔅ ᒪᒃ ᒋᑭ ‍ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”