Ungbamvu ku nggo Bulu à charr ku
Anu Roma ba
Ure ku me̱me̱
A si Bulu nggo à charr ungbamvu unggo ku (Kye nu 1:1). À charr ku anishirr ni inggurr bi i Abachi yi nu Roma. Igarr imbarr yi i si abangga ba nggo a si si ani Yahuda hen na a kaki ani Yahuda ba nu ugo mu.
Bulu à wo ure ni itu i inggurr bi i anishirr ba Abachi ba nu Roma, na nise kuma nabo kye. Uyirr mi nu umi ku abi ko na angu ba a nise kuma nu Roma kye. A zhinu a si ani Yahuda ba nggo a kaki abiga ni ivi i Pentiko yi nggo, zhinu aba yo a ka zhi nu Urushalima na nga ni bwu inggurr bi i Abachi yi nu Roma (Indu 2).
Bulu à tsarr ba di ani Yahuda na abangga ba nggo a si si ani Yahuda hen, abi na si abi la ure wemi, na zha ikpa ttungo. À da di anishirr a vu sarr ku Are ka Abachi Uni wre wa.
Bulu à tsi ango ku abangga ba nggo a ta bre ungbanvu ku di a bu na iga imbarr yi ssuzzu zizi na aki ka nggurr bi ambarr ka tuku ni ingbingbru i abi yi.
Are ka nggo a charr ka nu ungbamvu unggo ku, tuku ankla ka nggo a charr ka nggo
Ure ku me̱me̱ 1:1-17
Ila ure i anishirr yi tuku ikpa ttungo i Kristi yi 1:18—5:21
Ukyekye ku Kristi ku u du inta i ba ila ure inggurr 6:1—8:39
Inkindirr yi nggo Abachi à ssu zu ku ani Yahuda 9:1—11:36
Uzirr ku abiga 12:1—15:13
Ure ku ikikre ku 15:14—16:27