Te haniani tibo po ola mabo bage pedalama tama Jisasde nogi posobo dwai po weyu bidali. Mebago te agade te tiwai po pusali, aga te isi bidi ma te noma bidi tiwai naga asai dao, aga tigi mu elalubeo. Tama e pas tomode te bidi Jon, te Jisas dali polobadu bidali bidi, agai bomo elama tama Jisasde genuai po si wali. Te Jisas da, te Godigo Ogwa mu dao, te Godigo sa muani bidi Krais mu dao. Tama gasa po me wali, te Jisas e tǫde bidibadi aga da olo bidi dabe tiwai bidiyu, tama agai tigi mu elaluyu bidali. Tama Jongo dago te Godigo bomai po dabe wali peyu, tama dena hasi we bidi dali dwagi yai homu eyu godolo ebo kolesaga yao, agai te po me e pas tomode ola mani.