Te Korin moni hanude te Kraisgo po wali pabo we bidi hani dabe elaluali. Tama te tibo po ola mabo bidi dabe augwaligo ili po weyu tama te hani dabe bidibo tomoba pali. Te bagego augwa tibo po te Korin we bidibolo ola mobadi tama augwaligo Polde haniani dwai posobo po weyu, te aga te Godigo po sela pabo bidi mu menio wai. Tama te bidi Pol gasa digibulu bulude bidibadi agai te posobo po wabo kolesaga ebo po odolama, tama te tibo po ola mabo bagego te Korin we bidi dabego te Krais wali pabo kolesaga dolidali weyu, tama agai e tau sabo po asęna tolali. Aga da te Kraisgo sę ebo bidi mu da weyu, tama agai te sę ebode te boi bidi dabego nogode sali dene dali sęgę dali te tigidali te Polgo augwaliba ola mobao. Aga te Korin buluba ma asaibao wali.

Tama te sogo te Judia tǫ pedaide bidibo te Godigo po wali pabo bage augwali dwagila bidibaso, tama te bidi Pol aga hani bage dali mone sisilama, te augwali magi painu yali. Tama te buku Dąį 8 me 9de, te bidi Polgo te bulu Korin bidi dabe haliga hodolobo po weyu, te sęba mone maiabo po wai dao. Te te bidi Polgo silagasu asęani pasde te e tama po wali, te tibo po sela pabo bidi aposel dabe aselama te bulu Korinde bidiyu, tama augwaligo te bidi Polgo nogi aiyaba elalubo sę eyu, tama agai te Godigo po sela pabo sę emainu te tagala palali bidi nogi aposel sę ebo nogi dolama begela tagalali. Te po wai dao.