Jizọsu onye-ishi uke k'ọgbandzu ọ̀phúú
8
Waa iphe,
bụkpoo ishi iphemiphe ono,
anyi epfu ono bụ ọwanawa:
anyi nweru ẹgube onye-ishi uke Chileke ono;
onye ọphu nọ anọo l'imigwe l'ẹkutara aba-eze Ọkalibe-kangokọtaru-nụ.
2 Yẹbedua eje ozi uke nkiya l'ẹka Chileke nọ gẹdegede,
bụ iya bụ l'eze-ụlo Chileke ọphu nọ l'imigwe.
Ụlo k'ono ta abụdu nemadzụ gude ẹka mee ya.
Ọ bụro Chileke l'onwiya meru iya.
3 L'iphe,
Chileke họta-doru iphe,
bụkpoo ndu-ishi uke iya bụkwa g'ẹphe nụje iya iphe,
ndiphe nụru iya;
waa g'ẹphe gwejekwaru iya phọ ngwẹja.
Ọo ya bụnu l'ọ gbaru g'onye-ishi uke ọwa-a nweru ngwẹja,
ọo-nọdu egwe.
4 Sụ-a;
ọme Kéreshi ono nọ l'eliphe-a mẹ e te ekwekpọkwanu g'ọ bụru onye uke Chileke;
eshinu ndu bụ uke Chileke kẹ mgboko-a egwejeru Chileke ngwẹja lẹ g'a tụru iya l'ekemu ndu Jiu.
5 Iphe,
ẹphe emeje l'ẹka eegwejeru Chileke ngwẹja lẹ mgboko-a bụkwa iphe yeru ọphu onye-ishi uke k'anyi ono eme l'imigwe;
kẹ mgboko-a bụkwa onyonyo nkiya l'imigwe.
Lẹ teke Mósisu eme g'ọ kpọbe ụlo-ẹkwa,
eegwejeru Chileke ngwẹja ono lẹ teke ndiche bẹ Chileke sụkwaru iya:
“Nyatakwa g'i mekọtakpoepho ụlo ọbu g'ọ dụepho gẹ ya tụru ngu ọnu iya l'eli úbvú phọ.”
6 Obenu lẹ gẹ ọ dụ nta-a bẹ Chileke ziwaru Jizọsu eje ozi uke iya;
mbụ ozi ọphu ọkwa iya kwata ka shii;
eme lẹ kẹ ndu-uke k'ọphunapho.
Nokwaphọ g'ọgbandzu ọphu shi iya l'ẹka o gude gudegbabẹ Chileke yẹle nemadzụ kwata ka akahụ iya ree;
eshinu o shi l'ọgbandzu k'ọwa-a;
kwee anyi ukwe-iphe,
ka ree;
eme l'ọphu o shi l'ọphunapho kwee.
7 Lẹ-a;
ọ -bụ l'ụta ta adụ l'ọgbandzu kẹ mbụ m'o to jekwa iya enwuchi k'agba ndzụ ọzo.
8 Obenu lẹ Chileke tarụ ndu nkiya ụta teke ndiche.
Ọ sụru phẹ:
“Mbọku abyakwa;
nokwa iphe,
Chipfu epfu;
teke mu l'ọnu-ụlo Ízurẹlu
waa ọnu-ụlo Jiuda a-gba
ndzụ ọ̀phúú.
9 Ono taa dụedu g'ọgbandzu
ọphu mu lẹ ndiche phẹ
gbaru teke ono,
mu kpụtaru phẹ
l'ẹka kpụfuta l'alị
Ijiputu ono.
L'e mechakwaaru;
ẹphe mebyia
ọgbandzu mu l'ẹphe;
ọphu mu
eyebaẹduru phẹ ọnu.
Nokwa iphe,
Chipfu
eepfu.
10 Chipfu sụkwapho:
Ọwa-a bụ ọgbandzu
mu l'ụnwu Ízurẹlu
a-gba mẹ o -rwuẹpho
teke ono.
Ekemu mu bẹ mu
a-tụshi ye phẹ
l'egomunggo.
Ọ bụru l'ime ọkpoma
phẹ bẹ mu e-de
iya edede.
Mu abụru Chileke phẹ;
ẹphe abụru ndibe mu.
11 Ọ tọ dụedu onye
ejekwadu ezi nwibe iya;
ọzoo ziahaa nwune
iya sụ iya:
‘Maru Chipfu’.
Noo lẹ g'ẹphe ha a-tụko
maru mu;
nwata mẹ ọgerenya.
12 Mu a-phụru phẹ
obu-imemini l'emeswe,
ẹphe mesweshiru mu.
Ọphu mu anyatabaẹdu
iphe-ẹji,
ẹphe meshiru mu.”a
13 Sụ-a;
eshinu ọgbandzu-ọ̀phúú-a byaru bẹ kẹ mbụ phọ bụakwa akahụ-iphe.
Tẹme iphe,
bụkpoo iphe,
akahụwaa akahụ bya atsụhuwaa mẹe ta adụdu g'ọono-beru;
l'oo-chịhu.