Eepfu gẹ Jizọsu mee ọhumalenya
16
Ndu Fárisii mẹ ndu Sadusii bya agbabẹru Jizọsu ọ́nyà opfu g'ẹphe gude nmata iya.
Ẹphe bya asụ iya g'o menaarụ phẹ iphe-ọhumalenya,
shi l'imigwe.
2 O yeeru phẹ iya ọnu sụ phẹ:
“Ọobujeru teke ọ bụ l'ụzenyashi bẹ akpaminigwe charu roboo;
unu asụ l'echele iya bẹ mbọku a-dụkwaa ree.
3 Teke ọ bụkwanu l'ụtsu bẹ unu hụmaru g'igwe dụ rogoro rogoro;
tẹme erwurwu dụ iya;
unu asụ l'igwe e-dzekwa ọ-lwa-boroboro ntanụ-a.
Sụ-a;
eshinu unu amajẹchaaru epfu gẹ mbọku a-dụ mẹ unu -lee ẹnya l'akpaminigwe;
?dẹnu g'o gude ọphu unu adụdu ike kọo iphe,
ọ bụ;
mbụ iphe,
emegbaa l'ọgbo nta-a?
4 Ọgbo nta-a pakpọkwaru njọ.
Ẹphe te ekwedu nọpyabe l'ẹka Chileke.
Ẹphe achọ iphe-ọhumalenya;
ọle ọ tọ dụkwanu iphe-ọhumalenya ọzo,
eemeru phẹ;
gbahaa iphe,
meru Jiona.”
O pfuchaa nno;
ọ parụ phẹ haa l'ẹka ono;
ọ bụru iya atụgbu.
Ụta, Jizọsu ata ndu etsoje iya nụ
5 No iya;
ndu etsoje iya nụ bya erwua azụ eze-ẹnyimu ono azụ iya ọphuu bya anyata l'ẹphe zọharu egude buredi.
6 Jizọsu sụ phẹ:
“Unu letakwa ẹnya;
unu kwabẹkwa ẹnya g'iphe-ekoje-buredi kẹ ndu Fárisii mẹ kẹ ndu Sadusii te emebyi unu.”
7 Ẹphe pfuaharu nwibe phẹ sụ:
“Ọ kwa kẹle anyi te egudedu buredi-a.”
8 Jizọsu maẹrupho iphe,
ẹphe epfu bya asụ phẹ:
“Oo-wa!
Ekwekwe k'unu apaa nwanshịi!
?Bụ gụnu bẹ o gude unu nọdu epfugbaa l'unu te egudedu buredi?
9 ?Toko dokwaphọ unu ẹnya?
Teke mu gude ishi buredi ise keeru ụnu nemadzụ iri l'ẹbo l'ụkporo ụmadzu iri;
?bụ nkata-eevu-iphe ole bẹ unu tụtu-jiru l'iphiriba iya?
10 Tọo ?unu ta anyatakwarụpho k'ishi buredi ẹsaa ono,
mu gude keeru ụnu nemadzụ iri onoya?
?mẹ nkata-eevu-iphe ole,
unu tụtu-jikwaruphọ l'iphiriba iya?
11 ?Dẹnu g'o gude ọphu unu amadụ l'ọ tọ bụdu opfu buredi bẹ mu epfuru unu teke ono,
mu sụru unu g'unu kwabẹkwa ẹnya g'iphe-ekoje-buredi ndu Fárisii mẹ kẹ ndu Sadusii te emebyi unu ono?”
12 Ọ bụru iya bụ l'ẹphe amaru l'ọ tọ bụdu iphe-ekoje-buredi bẹ ọ kwata epfu sụ g'ẹphe kwabẹkwa ẹnya iya;
l'iphe,
oopfu g'ẹphe kwabẹkwa ẹnya iya bụ iphe,
ndu Fárisii ezi yẹe kẹ ndu Sadusii.
Pyịta akọ onye Jizọsu bụ
13 Ọ bụru iya bụ lẹ Jizọsu phẹ abya erwua mkpụkpu,
nọgbaa lẹ Sizariya Filipayi.
Ọ jịahaa ndu etsoje iya nụ sụ phẹ:
“?Bụkpoo onye bẹ ndiphe asụjekpoo lẹ mụbe Abụbu-Ndiphe bụ?”
14 Ẹphe sụ iya:
“Ọ dụru ndu sụru l'ị bụ Jiọnu ọphu shi emeje baputizimu;
ndu asụ l'ị bụ Elayịjia;
tẹme ọ dụru ndu sụru l'ị bụ Jieremaya;
ndu sụ l'ị bụ onye lanụ lẹ ndu mpfuchiru Chileke.”
15 Ọ sụ phẹ:
“Unubẹdua;
?unu sụkwanuru lẹ mu bụ onye?”
16 Sayịmonu Pyịta sụ iya:
“Ọo ngu bụ Kéreshi ọbu,
bya abụru Nwa Chileke;
mbụ Chileke ọphu nọ ndzụ.”
17 Jizọsu sụ iya:
“Ẹhu-ụtso bẹ a gọru nụ gụbe Sayịmonu nwa Jiona!
L'ọ tọ bụkwa amadụ meru g'ị maru ọkpobe-opfu ono.
Ọ kwa Nna mu,
bu l'imigwe.
18 Sụ-a;
iphe,
mu akafụaru ngu bụ;
ọo ngu bụ Pyịta.
Ọ bụru l'eli mkpuma-a bẹ mu a-kpụ Chịochi mu.
Ọphu ọ dụdu m'obeta ọ bụru anwụhu a-dụ ike emebyi ya nụ.
19 Mu a-nụ ngu ire-igodo k'ẹka Chileke bụ eze.
Ọo ya bụ;
iphe,
bụ iphe,
i keru ẹgbu lẹ mgboko-a bẹ a gbẹakwaa l'imigwe kee ẹgbu.
Iphe,
bụ iphe,
ị tọru l'ẹgbu lẹ mgboko-a bẹ a gbẹakwaa l'imigwe tọo l'ẹgbu.”
20 O pfuẹbe nno bya akaru phẹ g'ọ tọ dụkwa onye ọzo,
ẹphe e-pfuru l'ọo ya bụ Kéreshi ọbu.
Epfupfu mbụ, Jizọsu epfu lẹ ya e-je iphe-ẹhuka nwụhu
21 No iya;
ọ bụru teke ono bẹ Jizọsu watarụ epfuru ndu etsoje iya nụ gẹ ya e-gude jee Jierúsalẹmu;
ya ejee iphe-ẹhuka,
dụ igwerigwe.
Ọ bụru l'ẹka ndu bụ ọgerenya;
waa ndu-ishi uke Chileke;
waa ndu ezije ekemu bẹ ya e-je iphe-ẹhuka ono.
Ẹphe eworu iya megbua.
O -rwua lẹ mbọku k'ẹto iya;
ya eteta dzụru ndzụ ọzo.
22 Pyịta bya ekuchi iya ekuchi baaharụ iya mba sụ iya:
“Tụswekwa Nnajịuphu!
Te epfuẹkwa ẹgube ono!
Ẹgube ọwa-a ta abyakwa l'anwụru ngu!”
23 Jizọsu bya aghaa ẹnya bya asụ Pyịta:
“Gbẹshi mu l'iphu gụbe Obutuswe ono.
Nta-a bẹ iime g'ị bụru ụpfu adụ mu l'ọkpa;
kẹle iphe,
ịiri ta abụdu uche Chileke;
ọo uche nemadzụ bẹ ịiri.”
Etso Jizọsu
24 Tọbudu iya bụ;
Jizọsu sụ ndu etsoje iya nụ:
“Onye ọ dụ g'o tsoru mu g'onye ono mịa onwiya ẹnya;
vuta oswebe ọnwu nkiya bya etsoru mu.
25 Kẹle onye eme g'ọ dzọo onwiya ndzụ l'e-tuphakwa ndzụ iya etupha.
Onye gudekwanụ opfu ẹhu mu tuphaa ndzụ iya lẹ mgboko-a e-nwekwanụru ndzụ ojejoje.
26 Lẹ-a;
?bụ gụnu bụ urwu,
nemadzụ ritaru mẹ o -nwekọtachaaru iphemiphe,
nọ lẹ mgboko-a;
tuphakwanaa ndzụ iya?
Ọ tọ dụkwa iphe,
nemadzụ egude agbata ndzụ iya mẹ o -tuphahụwaa.
27 Kẹle Abụbu-Ndiphe a-bya ekpee ndiphe ikpe.
Ọ -nọdu abya l'oogude ùbvù,
egbu nwịinwii gẹ Nna iya egbu.
Teke ono yẹle ụnwu-ojozi-imigwe iya aswịru;
l'ọo-bya apfụa onyemonye ụgwo g'iphe,
o meru gbaru.
28 Sụ-a;
gẹ mu gbukwaaru iya unu tororo;
ọ dụkwaru ndu harụ pfụru l'ẹka-a,
ata yịdu nwụhu;
gbahaa l'ẹphe hụmaadaru teke Abụbu-Ndiphe a-bụru eze;
gude ùbvù;
waa ike,
dụ biribiri egbu nwịinwii abya.”