Teyuitɨwamete wa'ukiyari. Kanari 'atahaikatɨ mawɨkɨ ke'utakwikarieni. Rawiri nɨawarieya.
12
Yawé ketaneutawikweitsitɨa,
teɨteri 'aixɨa memɨtekahu mepumaweri,
mepumaweri 'ena kwiepa teɨteri heitseriemekɨ memu'uwa.
2 Meteyu'itaiyatɨwetɨ xeikɨa 'amekaniu'uwani yunaitɨ,
'aixɨa mete'uxaxatatɨtɨ kwitɨwata 'axamekaniutiyuaneni.
3 Yawé,
'ekɨ mɨkɨ teɨteri pepɨwareuyehɨani
memɨte'itawa meta memɨteyukananaima,
4 mɨpaɨ memutiyuane:
«Taniukikɨ tekatenayu'iwakuni,
tanenikɨ xeikɨa tekaneuta'ɨka.
Nixewitɨ tame pɨkatatsikema».
5 Yawé mɨpaɨ kanaineni:
«Hikɨ nekananukukemɨkɨ,
memɨ'uximatɨarie nekaniwatawikweitsitɨamɨkɨ,
tixaɨtɨ mɨkarexeiya mɨnanaimariekɨ,
mɨreuyehɨwa mɨtiuka'eniwakɨ».
6 Yawé niukieya kani'itiyaka,
pɨrata 'aixɨa mɨ'itɨarie hepaɨ pɨ'ane,
tepɨa 'aixɨa mɨwati'itɨariwatsie 'atahutamexɨa kanikwaxiyarieka.
7 Yawé,
'ekɨ pepɨtatsi'ɨwiyani
'ekɨ yuheyemekɨ tahetsie pepɨnuaka 'ikɨ teɨteri mɨyamemɨtatsiyuriekɨ,
8 tsepa 'axamemɨte'u'iyari kwiepa meyuwaɨkatɨ memɨxuawe,
tsepa 'axamɨti'ane waɨkawa mɨtitamɨirirɨme.