Jesu yaina ti yoahtore yahuha Pedro
5
1 Mipʉre Jesu yaina cahmachuina pʉhtoare yahuihtja.
Yʉhʉ Jesu yaina pʉhtoro jija.
Mʉsa cʉ̃hʉ ti pʉhtoa tjira.
Mʉsare yʉ yoaro sehe pʉhtoa jiinare ahrire yahui tai nija yʉhʉ.
Cristo to ñano yʉhdʉrire ñʉriro cjiro jicʉ,
mʉanopʉ Cristo mehne yʉhdʉhtiro jicʉ ahrire mʉsare yahuihtja:
2 Cohamacʉ yaina oveja yoaro sehe jira.
Mʉsa sehe ovejare ñʉ wihboina yoaro sehe jira.
Tinare Cohamacʉ mʉsare to cũrinare mʉsa yaina masare noano ñʉ wihboga.
à yoana Cohamacʉ to cahmariro seheta noano yajeripohna tia mehne tinare ñʉ wihboga.
à tinare ñʉ wihbona,
“Sã ñʉ wihbori wapa niñerure wapatanahca”,
niena tjiga mʉsa.
Wahchea mehne tinare ñʉ wihboga.
Wahchea mehne tinare ñʉ wihboga.
3 Ã ñʉ wihbona tinare ñano dutipena tjiga.
à jina noano yoaga mʉsa Jesu yaina mʉsare ti ñʉ cũhto sehe.
4 Mʉsa ã yoana Cristo jipihtinare marine ñʉ wihboriro to tjua tachʉ pʉhtoro to pisari soro noano si siteri sorore mʉsare to waboriro seheta tiro mʉsare noaare to wahtore cjʉanahca.
Tí mʉsa cjʉahti ne pihtisi.
à jina tiro mehne yʉhdʉnahca mʉsa.
5 Tinare yʉ dutiriro seheta mʉsa wahma yapia cʉ̃hʉ tinare mʉsa pʉhtoare yʉhtiina jiga.
à yoa mʉsa mehne macainare jipihtinare ño payoa mehne yoadohoga.
Õ sehe nina Cohamacʉ yare ti joari pũi:
“Masare yʉhdʉrʉca duainare Cohamacʉ ñʉ tuhtira.
Painare ño payoina sehere ‘Wiho jiina jija’,
ni tʉhotuina sehere noano yoara tiro”,
nina to yare ti joari pũi.
6 Ã jina Cohamacʉ tuariro mʉsare to dutichʉ “Wiho jiina jija” ni,
tirore ño payoga.
Mʉsa ã yoachʉ to quihõri pja jichʉ mʉsare paina ño payoahca to dutiro mehne.
7 Tiro mʉsare pjíro tʉhotu ñʉ wihbora.
à jina ne pjíro tʉhotuena tjiga mʉsa sehe.
8 Ã yoa wacũ masi jinohbʉ.
Mʉsare ñʉ tuhtiriro watĩno yairo suariro to maca chʉro seheta mʉsare ñano yʉhdʉchʉ yoa duara.
à yoa mʉsare ñano yoa dutira.
9 Jipihtiropʉ ahri yahpapʉre paina Jesu yainare ñano yʉhdʉchʉ yoa,
ñano yoa dutira watĩno.
Tíre masina,
tirore yʉhtiena tjiga.
à jina Cristore tuaro wacũ tuaga mʉsa.
10 Ã yoa mahanocã mʉsa ñano yʉhdʉri baharo Cohamacʉ mʉsare yoadohorohca.
Mʉsare noaina jichʉ yoarohca.
Tirore mʉsa wacũ tua namochʉ,
tirore mʉsa ne duhuerachʉ yoarohca mʉsare.
Tiro jipihtia dachoripe mʉanopʉ Cristo mehne mʉsa jihtore mʉsare cũriro jira.
Tiro Cohamacʉ jira jipihtinare pja ñʉriro.
11 “Jipihtia dachoripe tiro tuariro jira”,
ni ño payojihna tirore.
Ãta yoarucujihna.
Noa duti batoaha Pedro
12 Ahri pũcãre mahari pũcãre mʉsare yʉ waroca duachʉ Silvano sehe yʉhʉre joabasahre.
Tiro Jesu yairo yʉ coyeiro,
Jesu yare ã yoarucuriro jira,
yʉ tʉhotuchʉ.
Mʉsare noano yahu duaja.
à jicʉ “Ahri buhea potocãta Cohamacʉ mʉsare to cahĩa buhea jira”,
ni yahucʉ mʉsare ahri pũre joarocaja.
à jina ahri buheare ne duhuena tjiga mʉsa.
13 Mʉsare to yaina cjihtire to beseriro seheta Jesu yaina Babilonia macaina cʉ̃hʉre besea tiri jire Cohamacʉ.
Tina sehe mʉsare noa dutira.
Marco yʉ macʉ yoaro sehe jiriro cʉ̃hʉ mʉsare noa dutira.
14 Mʉsa mehne macainare noano mehne piti bocasiniga.
Jipihtina Jesucristo yaina noano jiga mʉsa.