4
1 Jesucristo jipihtina bui pʉhtoro,
tjua tahtiro,
catiinare,
yariaina cʉ̃hʉre buhiri dahre dutihtiro to ñʉrocaroi mʉhʉre õ sehe ni yahuihtja.
Cohamacʉ cʉ̃hʉ to ñʉrocaroi õ sehe ni yahuihtja mʉhʉre.
2 Dachoripe masa ti tʉho duachʉ ti tʉho duaerachʉ cʉ̃hʉre Cohamacʉ yare yahuga.
à yahucʉ masa ti ñaa yoari buhirire masichʉ yoaga tinare.
à yoa ti ñaa yoarire “Yoa namoena tjiga”,
ni yahuga tinare.
Noaa sehere yoa dutiga.
à buhecʉ ne suaerariro,
pumerariro jiga mʉhʉ.
à jicʉ ne painare buhe duhui tjiga.
3,4 Baharo,
pa tehepʉre masa noaa buheare tʉho duasi.
à tʉho duaeraa ti cahmano seheta yoaa,
ti tʉho ji coaa dihtare buheinare cahmaahca tina.
à jia mahñoa buheare payʉ buheinare cjʉaahca.
Tina ã yoaa noaa buhea sehere cohã,
ã ti buhemacanocarire tʉho nʉnʉahca.
à jicʉ noaa buheare buhe duhui tjiga mʉhʉ.
5 Mʉhʉ cʉ̃hʉ ã jicʉ dachoripe tʉho masiriro jiga.
Ñano yʉhdʉpaihta cʉ̃no pjaga.
à yoacʉ noaa buheare ã buherucuga.
Cohamacʉ mʉhʉre to yoa dutirire yoa pahñonocahga mʉhʉ.
6 Yʉhʉ Cohamacʉ yare yʉ yoari buhiri yʉ yariahto mahanocã dʉhsara.
à jicʉ mahaa dachoricã catisiniihca.
à jicʉ mipʉre mʉhʉre dutija.
7 Yʉ yariahto panocã ahrire yahuihtja:
Jesu noaa buheare yʉhʉre buhe dutiro to cũrire noano buhe sohtori tihi.
To dutiare noano yoa pahñonocahi.
à jicʉ ñano yʉhdʉpaihta tirore ne wacũ tua duhuerahi.
8 Mipʉre Cohamacʉ yare yʉ yoari wapare mʉanopʉ wihboro nica.
à jiro mari pʉhtoro buhiri dahre dutiro quihõno yahuriro to tjua tahti dachoi to yare yʉ yoari wapare warohca yʉhʉre pʉhtoro to pisari soro uru mehne ti yoari sorore yʉhʉre to waboriro seheta.
Paina cʉ̃hʉre to tjua tahtore cohtainare tirore cahĩinare to yare ti yoari wapare warohca Jesu.
Paulo yahu namoha Timoteore
9 Yʉ cahapʉ cjero ñʉi taga mʉhʉ.
10 Dema ahri yahpa macaa jipihtiare tuaro cahmano yʉhʉre yoadoho duaeraro yʉhʉre cohã wahcãa wahahre Tesalónicapʉ.
Crescente cʉ̃hʉ Galacia yahpapʉ wahahre.
à yoa Tito Dalmaciapʉ wahahre.
11 Luca dihta yʉhʉ mehne jira.
Marco yʉhʉre noano yoadohohtiro jira Cristo yare yʉ buhechʉ.
à jicʉ tirore na tahga mʉhʉ.
12 Ã yoa Tíquicore Efesopʉ warocahi.
13 Õpʉ tacʉ,
yʉ bui sãari suhtirore,
Troai Carpo ya wʉhʉi yʉ cũri suhtirore na tahga.
à yoa sohõ jia tjuri joaa tjuri cʉ̃hʉre na tahga.
Sohõ jia cahsari joaa cahsari pinihtare tuaro cahmaja yʉhʉ.
à jicʉ tí cahsari cʉ̃hʉre na tahga.
14 Alejandro comaare dahrariro yʉhʉre ñabiaro yoare.
à jiro to ã yoari buhiri Cohamacʉ tirore buhiri dahrerohca.
15 Tiro Alejandro mari buheare tuaro ñʉ yabire.
à jicʉ tiro mʉhʉre “Ñano yoari” nicʉ,
tirore ñʉcʉ noano wacũ masiga.
16 Masare beserirore peresu yoa dutirirore yʉ yoarire,
yʉ buheri cʉ̃hʉre tirore yʉ coã yahuchʉ ne cʉ̃iro baro Jesu yairo yʉhʉre yoadohoerare.
Jipihtina yʉhʉre yoadohoeraa cohã wahcãa wahahre.
Ti ã cohãpachʉta yʉhʉre ti cohãri buhiri Cohamacʉ buhiri dahrero tjijaro.
17 Yʉ ã wahapachʉta Cohamacʉ yʉhʉre yoadohohre.
à jiro to buheare yʉ noano yahuhti cjihtire to tuaare wahre yʉhʉre,
jipihtina judio masa jieraina tí buheare ti tʉhohti cjihtire.
à jiro yʉhʉre ñano ti yoa duapachʉta yʉhʉre ti wajãborirore yʉhdʉchʉ yoare mari pʉhtoro suaina yayare yʉhʉre to yʉhdʉchʉ yoaboriro seheta.
18 Jipihtina yʉhʉre ñano yoainare yʉhdʉrʉcaro,
yʉhʉre yoadohorohca mari pʉhtoro.
à jiro mʉanopʉ pʉhtoro to sʉho jiropʉ yʉhʉre ji dutiro yʉhʉre yʉhdʉchʉ yoarohca tiro.
à jina “Tiro noa yʉhdʉariro,
tua yʉhdʉariro jira”,
nijihna mari jipihtia dachoripe.
Ãta nijihna.
Paulo noa dutiha Timoteo cahai jiinare
19 Prisca,
Aquila,
Onesíforo ya wʉhʉ macaina cʉ̃hʉ noajaro.
20 Erasto Corintoi tjuahre.
Trófimo Miletoi dohatia wahahre.
à jicʉ tirore tói cũhi yʉhʉ.
21 Puhiro pano cjero taga mʉhʉ.
Eubulo,
Pudente,
Lino,
Claudia cʉ̃hʉ,
jipihtina paina Jesu yaina mehne mʉhʉre noa dutira.
22 Mari pʉhtoro Jesucristo mʉhʉ mehne jirohca.
à jiro Cohamacʉ to cahĩa mehne mʉsare jipihtinare noano yoajaro.