6
1 Dahra cohtaina Jesu yaina sehe ti pʉhtoare noano ño payojaro.
Ti ã ño payochʉ ñʉa paina Cohamacʉre,
mari buhea cʉ̃hʉre ne ni dojomehne masierara.
2 Ti pʉhtoa Jesu yaina ti jichʉ ñʉa tinare dahra cohtaina sehe Jesu yaina jia,
tinare ñʉpoa ño payoeraboca.
à yoaeraro cahmana.
Ti pʉhtoa Jesu yaina ti jichʉ pinihtare tinare dahra cohtaina noano ño payojaro tinare.
à ño payoa dahra cohtaina sehe Jesu yainare,
ti cahĩinare ti coyeare yoadohoa nina.
Ti pʉhtoare Jesu yainare dahra cohtaina jia,
Jesure cahmaerainare ti ño payoriro yʉhdoro Jesu yaina sehere ño payojaro pʉhtoa ti cahĩina ti jichʉ.
Ahri yʉ yahurire buhega.
à jicʉ ahrire dutiga.
Cohamacʉre ño payoa cʉ̃hʉre noano jia cʉ̃hʉre yahuha Paulo
3 Soro jia buheare buheriro mari pʉhtoro Jesucristo ya buheare noaa buheare “Potocã tjira”,
ni tʉho duaerara.
à tʉho duaeraro,
mari ya buheare Cohamacʉre ño payoa buheare cahmaerara.
4 Ã jiro tiro “Masi pahñoriro jija”,
niparota tíre ne masierara.
à masieraro,
tʉho masierariro yoaro seheta tuaro cahma sayo duara tiro.
à yoa Cohamacʉ yare ã nimacanoca sayorucuriro tjira.
Masa tiro yoaro sehe jiina cahma sayoa,
paina ti noano wahachʉ ñʉ tuhtia,
cahma ñʉ duaeraa,
noano mehne jierara.
Tuhsʉ,
painare ñano quiti dahre,
masierapahta masare ñano ni tʉhotura tina.
5 Tina ñaa dihtare tʉhotuina,
potocã jiare ne masieraina ã cahma sayorucuina jira.
à yoa “Cohamacʉ yare buhena niñerure wapatanahca mari”,
ni tʉhotura tina.
6 Mari ya mahanocã mari cjʉaa mehne wahchena,
Cohamacʉre ño payona,
to cahmano seheta yoana,
potocãta noano jina nija.
7 Ahri yahpapʉre masa bajuana ne paye barore na taerahi mari.
à yoa mari yariari baharo wahana ne paye barore naa masieraja mari.
8 Ã jina mari chʉare mari suhti cʉ̃hʉre cjʉana payere cahma namoena tjijihna.
Mari cjʉaro purota wahchejihna mari.
9 Pache pʉa ji duainare watĩno ñaare to yoa dutichʉ tina sehe jiape ñaare yoarucuina jiboca.
à yoaa tina payʉ tahari tʉho masieraina seheta paye barore tuaro cahmaa,
ñaa yoaare duhueraa,
ti basita ñano yʉhdʉra.
à duhueraa pichacapʉ wahaahca tina.
10 Niñerure tuaro cahmaa,
jiape ñaare yoa dʉcara masa.
Cãina niñerure cahĩa,
tuaro cahmaa,
Jesure wacũ tua duhua,
payʉ tahari ñano yʉhdʉra tina.
Cohamacʉ yare yoana ñaare duhuga
11 Mʉhʉ pini Cohamacʉ yairota jira.
à jicʉ ahri ñaare yoai tjiga.
Noaa sehere cahmaga.
Cohamacʉ yare yoaga.
à yoacʉ Jesure wacũ tuaga.
Painare cahĩga.
Ñano yʉhdʉpaihta cʉ̃no pjaga.
à yoa painare noano dero yoaga.
12 Surara cahmachero tuaro to yoariro seheta,
mʉhʉ cʉ̃hʉ Cohamacʉre wacũ tuacʉ to yare tuaro yoaga.
Mʉanopʉ ã jirucuhtiro cjihtore Cohamacʉ beseri jire mʉhʉre.
à jicʉ Cohamacʉre mʉ wacũ tuaare payʉ masare noano yahuhre mʉhʉ.
à jicʉ ñano yʉhdʉpaihta tirore wacũ tua duhui tjiga.
Mʉanopʉ ã jirucuhtiro jiga.
13 Cohamacʉ jipihtinare,
jipihtiare jichʉ yoariro jira.
Jesucristo sehe Poncio Pilatore Cohamacʉ yare noano yahuriro jira.
à jicʉ tina Cohamacʉ,
Jesucristo cʉ̃hʉ ti ñʉrocaroi ahrire mʉhʉre yoa dutiihtja:
14 Mʉhʉre Cohamacʉ to dutirire yoa pahñonocahga.
Jesucristo to tjua tahto pano masa mʉhʉre ñaare ti ne yahusãerahto cjihtore to dutirireta yoarucuga.
15 To quihõriroihta Cohamacʉ Cristore tjua tachʉ yoarohca.
Cohamacʉ noariro,
tiro dihta masare dutiriro jira.
à jiro jipihtina paina pʉhtoa ti bui pʉhtoro jiriro jira tiro.
16 Tiro dihta ne yariaerariro jira.
To si sitea mehne jiriro jira.
To si sitea cahapʉ waha masierara masa.
à yoa tirore masa ne ñʉerare.
Mipʉ cʉ̃hʉre tirore ñʉerara.
Tiro sehere ño payojihna.
à jina “Jipihtia dachoripe tuariro jira tiro”,
nijihna tirore.
Ãta yoajihna.
17 Ahri yahpa macaina pache pʉare õ sehe ni dutiga mʉhʉ:
“Painare yʉhdʉrʉcaja”,
ni ti basi tʉhotuea tjijaro tina.
Ti pache ti cjʉaa pihtia wahaahca.
à jia ti cjʉaa dihtare wahchea tjijaro.
Cohamacʉ sehere tuaro wahchejaro.
Jipihtia pototi mari cahmaare wariro jira tiro.
Tiro sehere wacũ tuajaro tina pache pʉa.
18 Ã jia tina noaa sehere yoajaro pjíro noaare yoaina ti jihto sehe.
à yoa ti cjʉaare waina jijaro.
19 Ti ã yoachʉ mʉanopʉ Cohamacʉ cahai ti ya jiahca.
Ti ya tópʉ jia,
ne butisi.
à jia tópʉ ã jirucuahca tina.
Paulo Timoteore duti batoaha
20 Timoteo,
mʉhʉre Cohamacʉ to cũrire to buhe dutirire noano yoanohbʉ.
Boi ninohbʉ mʉhʉ.
Cãina masa Cohamacʉre cahmaeraina yoaro seheta mahñoare,
tʉho masieraina ya buheare durucurucura.
à durucua “Noano masiina ya buhea jira”,
nimana tina.
à ti ni durucuare tʉho nʉnʉi tjiga.
21 Cãina tí durucuare tʉho nʉnʉina Cristo yare cohãnocare.
Cohamacʉ to cahĩa mehne mʉsare noano yoajaro.