3
1,2 Ã yoa mʉsare yoari pja ñʉerana mʉsare tuaro tʉho duana tíre wacũna,
Timoteore mʉsa cahapʉ warocai.
Tiro mari coyeiro Jesu yairo Cohamacʉre dahra cohtariro jiro,
sã mehne noaa buheare buheriro jira.
à jina tirore warocai Jesucristore noano mʉsa wacũ tuahti cjihtire,
mʉsa wahchehti cjihti cʉ̃hʉre.
Tirore warocana sã sahsero Atena wama tiri macai tjuai.
3 Mʉsa ñano yʉhdʉpanahta Jesu yare mʉsa cohãerahto cjihtore warocai sã Timoteore.
Jesu yaina jina ñano yʉhdʉnahca mari.
Tíre masina mʉsa.
4 Mʉsa mehne tó panopʉre jisinina mari ñano yʉhdʉhtoreta yahu tuhsʉi mʉsare.
à jina sã niriro seheta mari ñano yʉhdʉi.
Tíre mʉsa noano masina.
5 Ã jicʉ mʉsare yoari pja ñʉeracʉ mʉsare tuaro tʉho duai.
à jicʉ Jesure mʉsa wacũ tuarire masii tai Timoteore warocai yʉhʉ.
“Watĩno mʉsare ñano yoa dutiri” nicʉ,
“Mʉsare sã buheri cjirire mʉsapʉ duhuri” nicʉ,
tirore warocai yʉhʉ.
6 Ã yoa mipʉre Timoteo mʉsa cahapʉ jiriro sã cahapʉ tju wihihre.
à tju wihiro noaa quitire sãre yahure tiro.
Jesure mʉsa noano wacũ tuaare,
painare mʉsa cahĩa cʉ̃hʉre tiro yahure sãre.
à ni tuhsʉ sãre mʉsa noano wacũrire,
mʉsare sã ñʉ duariro seheta mʉsa cʉ̃hʉ tuaro sãre mʉsa ñʉ duarire yahure sãre tiro.
7 Ã jina sã coyea,
mipʉre sã ñano yʉhdʉpanahta mʉsa Jesure noano wacũ tuachʉ tʉhona sã wahcheja.
8 Jesure mʉsa noano wacũ tuarire to yare mʉsa cohãerarire tʉhona noano yajeri sãaja sã.
9 Mʉsare ã ni tʉhotuna,
Cohamacʉ to ñʉrocaroi sã tuaro wahcheja.
à wahchena Cohamacʉre “Noana”,
nija sã.
10 Dacho cʉ̃hʉre,
ñamipʉ cʉ̃hʉre Cohamacʉre sinija sã mʉsare sã ñʉhti cjihtire.
Jesu yare mʉsa noano masi pahñochʉ yoa duaja sã noano mʉsa tirore wacũ tua namohto sehe.
11 Cohamacʉ mari Pʉcʉ to basi,
mari pʉhtoro Jesu cʉ̃hʉ sãre ti yoadohochʉ cahmaja sã mʉsa cahapʉ sã wahahto sehe.
12 Ã yoa mari pʉhtoro Jesu jipihtina mʉsa mehne macainare,
jipihtina paina cʉ̃hʉre cahĩ namochʉ yoajaro mʉsare.
Mʉsare sã cahĩriro seheta tuaro cahĩ namochʉ yoajaro mʉsare.
13 Mʉsare noano to yoadohochʉ,
buhiri marieina,
ñaa marieina jinahca mʉsa,
Cohamacʉ mari Pʉcʉ to ñʉchʉ.
Mari pʉhtoro Jesu jipihtina to yaina buhiri marieina mehne ahri yahpapʉ tjua taro ã jiina jichʉ yoajaro mʉsare.