Mʉsa mehne macainare yoadohoga
6
1 Yʉ coyea,
cʉ̃iro mʉsa mehne macariro to ñaare yoachʉ ñʉna,
Cristore noano wacũ tuaina jina niji siaroca dero tirore yoadohoga noaare pari turi to yoahto cjihto sehe.
à yoana mʉsa cʉ̃hʉ “Ñaare goa pjari”,
nina noano yoaga.
2 Mʉsa mehne macaina ti ñano yʉhdʉchʉ cʉ̃hʉre yoadohoga tinare.
Mʉsa ã yoana Cristo to dutiro seheta yoana nina mʉsa.
3 Cʉ̃iro wiho jiriro jiparota “Painare yʉhdʉrʉcaja”,
ni tʉhoturo,
to basi mahñoa dihtare tʉhoturiro jira.
4 Cãina mʉsa sahsero mʉsa yoarire “Ahri noaa jira.
Ahri ñaa jira”,
ni masiga.
à masina mʉsa yoari noaa jichʉ mʉsa basi wahchenahca.
à jina “Painare yʉhdʉrʉcaja”,
nisi mʉsa.
à nierana painare mʉsa yʉhdʉrʉcari mehne wahchesi mʉsa.
5 Ã jiro Jesu yairo to mʉ sʉro Cohamacʉ yare yoara.
Pairo masʉno tirore tíre yoadoho masierara.
6 Ã jina noaa buheare buherirore paye baro mʉsa cjʉaare tirore waga mʉsa to yahuare tʉhoina.
7 Toari masʉno ñaa yaparire toaro ñaa dichare cjʉarohca.
Noaa yaparire toaro noaa dichare cjʉarohca.
(Tó seheta mari cʉ̃hʉ ñaare yoana ñaare cjʉanahca.
à jiro mari ñari buhiri buhiri dahrerohca.
Noaare yoana noaare cjʉanahca.
à jina noano jinahca.)
à jina “Sã ñaare yoachʉ Cohamacʉ sãre buhiri dahresi”,
ni tʉhotuena tjiga.
Ñaare yoaina Cohamacʉre bʉjʉpeina jira.
Cohamacʉre bʉjʉpeinare buhiri dahrerohca tiro.
8 Mari ñaare goa pjana,
tíre yoana,
tí mehneta yarianahca.
à jina pichacapʉ wahanahca.
Espíritu Santo sehe to cahmaare mari yoachʉ tiro marine jipihtia dachoripe mʉanopʉ jirucuchʉ yoarohca.
9 Ã jina noaare yoana tíre pumena tjijihna mari.
Cohamacʉ to quihõri pja jichʉ noaare cjʉanahca mari pumerana.
10 Ã jina jipihtinare mari ñʉinape noano yoajihna mari.
Mari coyea Jesu yaina pinihtare paina yʉhdoro noano yoajihna.
Paulo yahu batoaro, noa duti batoaha
11 Bʉjʉa letrari mehne yʉ wamomaca waro mehne mʉsare yʉ joarocarire ñʉga mʉsa.
12 Mʉsare circuncisiõre yoa dutiina masa tinare ño payochʉ cahmana.
Cristo crusai to yariari buheare mari buheri buhiri masa ñano yoara marine.
Ti ã yoachʉ ñʉa ahrina mʉsare circuncisiõre yoa dutira “Judio masa ya buhea sehere yoaja”,
nia.
à ti yoa dutichʉ judio masa tinare ñano yoaeraboca.
à jia circuncisiõre yoa dutira.
13 Mʉsare circuncisiõre yoa dutiina sehe Cohamacʉ to dutiri cjirire yoa pahñoerara.
à jia circuncisiõre mʉsare ti yoa dutiri baharo mʉsa yʉhtichʉ ñʉa,
judio masa tinare mʉsare dutiinare ño payoboca.
Ti ã ño payohti cjihtire mʉsare circuncisiõre yoa dutira tina.
14 Mari pʉhtoro Jesucristo crusai yariariro ya buhea dihtare jipihtinare wahchea mehne yahu duaja.
Ne paye buheare ã ni yahu duaeraja.
à crusai to yariachʉ ahri yahpa macaa ñaare watĩno yʉhʉre yoa dutiro bihoerara.
à yariaro tí ñaare yʉhʉre cahmaerachʉ yoare tiro.
15 To ã yoachʉ Cristo Jesu yaina mari jichʉ circuncisiõre mari yoachʉ ne yaba cjihti jierara.
Circuncisiõre mari yoaerachʉ cʉ̃hʉre ne yaba cjihti jierara marine.
Wiho mejeta pari turi masa bajuaina yoaro sehe,
Cohamacʉ cahmano seheta yoaina,
marine to cohtotachʉ pinihta wiho waro jierara.
16 Jipihtina ahri yʉ buherire yoaina,
Cohamacʉ yaina waro jina,
cuiro marieno noano jiga mʉsa.
à jina Cohamacʉ to pja ñʉa mehne jiga mʉsa.
17 Mari pʉhtoro Jesure dahra cohtariro yʉ jiri buhiri yʉ pjacʉre cami tija yʉhʉ.
Yʉ ã jiriro jichʉ mipʉre paina yʉhʉre cariboea tjijaro.
18 Yʉ coyea mari pʉhtoro Jesucristo mʉsare jipihtinare to cahĩa mehne noano yoajaro.
Ãta yoajaro.