Cristo to yare buhe duti to cũrina ti dahraare yahuha Paulo
4
1 Õ sehe ni tʉhotuga mʉsa yʉhʉre Apolo cʉ̃hʉre:
“Tina sehe Cristore dahra cohtaina jira.
à jia masa ti masierari cjirire Cohamacʉ yare buheina jira”,
ni tʉhotuga mʉsa sãre.
2 Dahra cohtaina ti pʉhtoro to dutiro seheta yoa cohtara.
3 Wiho mejeta yʉhʉre mʉsa yahuwajapachʉta ã tʉhotunocaja yʉhʉ.
Paina pʉhtoa yʉhʉre ti yahuwajachʉ cʉ̃hʉre ã tʉhotunocaja yʉhʉ.
Yʉ yoaare ñʉna “Ahri noaa jira.
Ahri ñaa jira”,
ni masierara mʉsa.
Yʉhʉ cʉ̃hʉ masʉnota jija.
à jicʉ yʉ yoaare noano masi pahñoeraja yʉhʉ cʉ̃hʉ.
4 “Cristo yare yʉ yʉhdʉrʉcari yʉhʉre mariahna”,
ni tʉhotumaja yʉhʉ.
Yʉ õ sehe ni tʉhotupachʉta buhiri tia jisiniboca yʉhʉre.
Mari pʉhtoro Cristo dihta yʉ yoaare ñʉno,
noano masina.
5 Ã jina mari pʉhtoro to tjua tahto pano masare ñano ni yahuwajaena tjiga mʉsa.
Tiro tjua taro masa ti yoarire,
panopʉ paina ti masierari cjirire Cristo masichʉ yoarohca.
à jiro mari yoa duarire,
mari tʉhotuare tiro masichʉ yoarohca.
à yoaro to yare yoainare Cohamacʉ “Noano yoare mʉsa”,
ninohca.
6 Yʉ coyea,
yʉhʉ Apolo mehne sã buheri cjirire yahuhi yʉhʉ mʉsare buhecʉ tacʉ,
sãre mʉsa ñʉ cũhto sehe.
à yahuhi yʉhʉ Cohamacʉ to yare ti joari pũi to niriro seheta quihõno mʉsa yoarucuhto sehe.
à yoana mʉsa mehne macainare cʉ̃no potori ño payoga.
Cʉ̃iroreta ño payoena tjiga.
7 Mʉsa sehe paina yʉhdoro noaina jierara.
Masi yʉhdʉrʉcaina jierara mʉsa.
Cohamacʉ mʉsare to wari cjiri dihtare cjʉara mʉsa.
à cjʉana mʉsare to yahuri cjiri dihtare masina mʉsa.
¿Mʉsa mʉ sʉro cjʉaina,
mʉsa mʉ sʉro masiina jierapanahta,
dohse yoana “Masi pahñoina jija”,
nijari mʉsa?
à nina “Sã mʉ sʉro masija sã”,
niborina seheta yoara mʉsa.
8 Mʉsa sehe “Cohamacʉ yare masi pahñoja sã.
Sãre yaba waro dʉhsaerara”,
nimana mʉsa.
Tuhsʉ,
mʉsa cahai sã jierachʉ mʉsa õ sehe ni tʉhotumana:
“Pʉhtoa yoaro sehe masiina jija sã”,
ni tʉhotumana mʉsa.
Potocãta Cohamacʉre masi pahñoina pʉhtoa yoaro sehe masiina mʉsa jichʉ mʉsare noabiaboa.
Mʉsa ã jichʉ mʉsa mehne sã cʉ̃hʉ pʉhtoa yoaro sehe masiina jiboa.
9 Õ sehe ni tʉhotuja yʉhʉ pinihta:
Sãre Jesu to yare buhe dutiro cũno,
masape doca macari curua cũre sãre.
Paina ti wajãhtina yoaro sehe ñʉna masa sãre.
Ahri yahpa macaina masa,
anjoa cʉ̃hʉ wapanañoina yoaro sehe ñʉna sãre.
10 Cristo yare sã buhechʉ ñʉa “Tʉho masieraina jira”,
ni ñʉna masa sãre.
à jia Cristo yare sã yoachʉ ñʉa,
sãre ñʉ tuhtira.
Mʉsa sehere ñʉa,
“Noano masiina jira”,
ni tʉhotumana masa.
“Cohamacʉre wacũ tuaeraina jira”,
ni tʉhotumana masa sãre.
Mʉsa sehere ñʉa,
“Noano wacũ tuaina jira”,
ni tʉhotumana tina.
Mʉsa sehere masa ño payora.
Sã sehere tina ne ño payoerara.
11 Sã sehe mipʉre ñano yʉhdʉina,
jʉca baaina,
ñahma yapioina,
ñano suhti maeraina,
wʉhʉse maeraina jija.
Tuhsʉ,
paina sãre ño payoeraa,
sãre ñano yoara.
12 Ã yoa sã tuaro dahraja.
Tuhsʉ,
paina sãre ñano ni ti durucupachʉta sã sehe tinare “Noano jiga”,
nija sã.
à yoana paina sãre ñano ti yoapachʉta ã tʉhotunocaja sã.
13 “Ñano yoaina jira”,
sãre ti nipachʉta sã sehe noano mehne tinare yoaja.
Panopʉ,
mipʉ cʉ̃hʉre ñaa wete tiina yoaro sehe masape curuari doca macari curua yoaro sehe ñʉna masa sãre.
14,15 Mʉsare noaa buheare buhe mʉhtacʉ mʉsa pʉcʉ yoaro seheta wahai yʉhʉ.
Payʉ mʉsare Cristo yare buheina ti jipachʉta mʉsare buhe mʉhtariro cʉ̃irota jija yʉhʉ.
à jiriro jicʉ mʉsare bʉo tichʉ yoai tai ahrire joai nieraja yʉhʉ.
Yʉ pohna warore,
yʉ cahĩinare yʉ dutiboriro seheta mʉsare noano mehne duticʉ tacʉ ahrire joaja yʉhʉ.
16 Ã jicʉ ahrire mʉsare tuaro mehne dutii tai nija yʉhʉ.
Yʉhʉre ñʉ cũga mʉsa.
17 Ahrire yoa duticʉ tacʉ mʉsa cahai Timoteore warocahi.
Tiro yʉ cahĩriro mari pʉhtoro Jesu yairo jira.
à jiro Cristo yare yoarucura tiro.
Cristo yare mari yoahtire jipihtina Jesu yaina cahapʉ buhei yʉhʉ.
Timoteo tíre mʉsare wacũrucuchʉ yoarohca.
à jicʉ Cristo yare yʉ yoariro seheta mʉsa ñʉ cũhto sehe Timoteore warocahi yʉhʉ.
18 Timoteore yʉ warocachʉ cãina mʉsa mehne macaina pʉhtoa ji duaina õ sehe nimana:
“Paulo marine cuiro,
mari cahapʉ tasi”,
ni tʉhotumana tina.
19 Cohamacʉ cahmachʉ mʉsa cahapʉ michapucacãta sʉihca.
à sʉcʉ pʉhtoa ji duainare mʉsa mehne macainare ti durucua quihõno jichʉ masiihtja yʉhʉ.
à yoa Cohamacʉ tuaare potocãta ti cjʉachʉ cʉ̃hʉre masiihtja yʉhʉ.
20 “Cohamacʉ sã pʉhtoro jira”,
mari ni yahupachʉta to yare mari yoaerachʉ tí mari ã nimari cjiri yaba cjihti jierara.
Cohamacʉ to tuaa mehne to cahmano sehe yoa masija.
Tí pinihta wiho waro jierara.
21 ¿Mʉsa cahapʉ mʉsare buhiri dahrehtiro mʉsare tuhtihtiro yʉ wahachʉ cahmajari mʉsa yʉhʉre?
¿O mʉsare cahĩriro mʉsare wahchehtiro yʉ wahachʉ cahmajari mʉsa yʉhʉre?
¿Dohse jiriro yʉ wahachʉ cahmajari mʉsa?