Paulo tirore ti yahusãrire Romapʉ yahuro wahaha
27
1 Paulore Italiapʉ dohoria mehne warocaa taa,
tirore paina mehne ti peresu yoarina mehne Julio wama tirirore cũre tina.
Julio cien surara pʉhtoro jiro,
to ya curua “César yaina surara”,
wama tire.
2 Ã jina Adramitio wama tiro macaria dohoriai samui sã.
Tia Asiapʉ wahahtia jire.
Samu tuhsʉ,
tia mehne wahai.
Aristarco Tesalónica wama tiri maca macariro sã mehne wahare.
Tesalónica Macedonia yahpai jira.
3 Pa dachoi sã Sidõpʉ sʉi.
Tópʉ sʉro Julio Paulore noano yoare.
à yoaro Paulore tó mehne macaina cahapʉ ñʉno waha dutire.
à jiro Paulo mehne macaina tirore to cahmaare ti wachʉ “Noanohca”,
nire Julio.
4 Dohoria mehne sã pahãchʉ tuaro wihnono sãre pa sehepʉ wãroca pjohõre.
à jina Chipre wama tiri nʉco dʉcataroi poto bʉhʉsehei wahai sã.
5 Pʉ Ciliciare yʉhdʉa,
Panfilia cʉ̃hʉre yʉhdʉa,
Mira wama tiri macapʉ Licia yahpai jiri macapʉ wahã sʉi.
6 Tópʉ sʉna,
Alejandríapʉ tariare,
Italiapʉ wahahtiare dohoriare bocai.
à jiro sãre tiapʉ surara pʉhtoro naare.
7 Payʉ dachori pjiro dero waha,
“Nu wapʉoca” ni,
waha,
Gnido wama tiri maca potoi sʉi sã.
Tópʉ sʉ yʉhdʉa,
wihnono tuaro wã,
sã waha duariroi sãre wãrocaerare.
à jina sã cõ bʉhʉsehepʉ majare paa wahai.
à jina Creta wama tiri nʉco to dʉcatari pahrẽ sehe sã pahãa waha,
Salmo wama tiri ñoacare yʉhdʉai sã.
8 Tópʉ yʉhdʉ,
tí nʉco dʉhtʉ cahai waha,
“Nu wapʉoca” ni,
waha,
Noari Pitamaha wama tiropʉ wahã sʉi.
Pitamaha Lasea wama tiri maca cahapʉ jira.
9 Tópʉ yoari pja sã jiri baharo,
sã wahahto sehe cuabiare.
à jiro ti chʉ duhuri dacho bose nʉmʉ yʉhdʉri baharo,
Paulo tinare õ sehe ni yahure:
10 —Tʉhoga mʉsa.
Chʉ duhuri dacho bose nʉmʉ baharo mari wahachʉ marine minihto cuabiara.
Ahria dohoria,
dohoria macaa,
mʉsa pache cʉ̃hʉ mari mehne macaina cʉ̃hʉ mari butiboca wahana —nire Paulo.
11 Wiho mejeta surara pʉhtoro dohoria pʉrore tʉhoro,
oturiro cʉ̃hʉre tʉhoro,
Paulo to yahua sehere tʉho duaerare waha duaro.
12 Ti pahsari pitamaha noari pitamaha puhiro jichʉ ti pahsari pitamaha jierare.
To ã jiri pitamaha jichʉ dohoria macaina payʉ waha dua,
Fenicepʉ yoja duamare.
Fenice Creta wama tiri nʉco macari pitamaha jiro,
wihnono to tariropʉ sʉ̃ mʉja taro sehepʉ cõ bʉhʉsehepʉ,
poto bʉhʉsehepʉ cʉ̃hʉre ñʉroca,
wihnono tachʉ noano dʉcatari maca jire.
To ã jiri pitamaha jichʉ masia tina tópʉ cʉ̃ puhiro ji duamare.
Pjiri mapʉ wihnono, coro pjíro taha
13 Ã yoa sur sehe pjiroca wihnono ta dʉcare.
“Michare noari dacho mari wahahti dacho jira”,
ni tʉhotumaha tina.
à ni tʉhotua tina comaa tañore tʉã wahcõ,
Creta nʉco dʉhtʉ caha cahai yojai sã.
14 Wiho mejeta baharo curero wihnono noreste wama tiri wihnono tuaro wãre.
15 Ã jiro dohoriare wihnono tuaro wahã wihire.
Wihnono to wãrʉcarore waha masierana,
majare paha,
wihnono mehne wahai sã.
16 Cauda wama tiri nʉcocã cahapʉ sur sehepʉ waha,
tí nʉcocã sãre mahanocã dʉcatare.
“Marine nu wapʉoro wahara”,
nina tóre pjiria dohoria macaria mahariacã bʉsocare noano waja payo dʉhtei sã.
17 Tiare dohoriai sã waja payo dʉhteri baharo pjiria dohoriapʉ pjiri da mehne tina wahma ñaha payore.
Sirte wama tiri padʉre “Dohoria doca wahã sʉri”,
nia cui nire tina.
à jia tina co turure ti duhu miori baharo dohoria dihtare wihnono wãrocare.
18 Wihnono,
coro mehne tuaro tare.
Pa dacho cʉ̃hʉre wihnono mʉnanota tjoa to tachʉ ñʉa tina ti pachere diapʉ dureroca ño tuhsʉ pahãa wahai sã.
19 Pa dacho dohoria macaare diapʉ cohãre tina ti basi.
20 Payʉ dachori ñichua dachori jichʉ,
sʉ̃ dacho macariro ñahpichoha poca cʉ̃hʉ ne bajuerare.
à jiro tuaro wihnono tare.
à jina “Minia wahaja mari.
à jina yariaa wahanahca”,
ni tʉhotumai sã.
21 Ã jia tina yoari pja ti chʉ duhuri baharo Paulo ti pano ducu,
õ sehe ni yahure tinare:
—Pano mʉsare yʉ yahuchʉ tʉhoerare mʉsa.
“Cretapʉ jiina mari wahachʉ cua nica”,
yʉ nichʉ tʉhoerare mʉsa.
Yʉhʉre tʉhona,
ahria macaa jipihtiare boeraboa mʉsa.
22 Wiho mejeta mipʉ mʉsare yahuja.
Cuiena tjiga.
Jipihtina mari yʉhdʉnahca.
Ahria dohoria dihta marine wahtiabasarohca.
23 Micha ñamine Cohamacʉ yairo anjo yʉhʉre bajuahre.
Cohamacʉ yairo jija yʉhʉ.
à jicʉ tirore dahra cohtariro jija yʉhʉ.
Anjo sehe yʉ cahai taro,
õ sehe ni yahuhre:
24 “Paulo,
cuiecʉ tjiga.
Jipihtina bui pʉhtorore mʉ yoari cjirire mʉhʉre yahuro cahmana.
Cohamacʉ noariro jira.
à jiro tirore mʉ siniriro seheta mipʉre mʉhʉ mehne macaina cʉ̃hʉre yoadohorohca”,
nihre yʉhʉre anjo.
25 Ã jina cuiena tjiga mʉsa.
Anjo yʉhʉre to niriro seheta waharohca.
Cohamacʉre wacũ tuaja yʉhʉ.
à jicʉ to yahuriro seheta “Potocã tjira”,
ni tʉhotuja yʉhʉ.
26 Wiho mejeta marine nʉcopʉ wihnono wãroca,
cohãnohca —ni yahure Paulo tinare.
27 Cʉ̃ ñami pʉa somana baharo pjiri ma Adriático wama tiri mai wihnono sãre tuaro wãre.
Tí pjare ñami dacho macai dohoria macaina mʉa sehe “Dʉhtʉ cahapʉ jija mari”,
ni tʉhoture tina.
28 Ã ni tʉhotua nʉcʉri taño comaa tañore yuta da mehne dʉhte,
duhuroca mio,
quihõre.
Treinta y seis metro waro cʉãre.
Mahanocã waha,
quihõre tjoa.
Tí pjare veintisiete metro waro cʉãre.
29 Ã jia tãare “Doca wahã sʉri”,
nia dohoria oturopʉ pititia tañori comaa tañorine yuta dari mehne dʉhte,
duhuroca miore diapʉ.
à jia “Cjero bohreajaro” ni,
tuaro sinire tina.
30 Dohoria macaina mʉa sehe duhtimare.
Tina mahariacãre dohoria macariare diapʉ waja boro,
dohoria quenoi comaa tañorine ti boroboriro seheta yoare tina mahariacãre “Marine ñʉri”,
nia.
31 Wiho mejeta Paulo surara pʉhtorore,
to surara mehne yahure:
—Ahrina mʉa mahariacã bʉsocai ti wahachʉ mʉsa yarianahca —nire Paulo.
32 To ã nichʉ tʉhoa surara sehe mahariacãre dʉhtea darire yihso ta,
tiare cohãre.
33 Bohreahto panocã Paulo tinare tuaro chʉ dutire.
—Pʉa somana waro ne chʉerare mʉsa.
34 Ã jina mipʉre chʉna taga.
Tuaro mʉsare chʉ dutija.
Mʉsa cati duana chʉga.
Jipihtina mʉsa yʉhdʉnahca —nire Paulo tinare.
35 To ã niri baharo Paulo pãore na,
jipihtina ti pano Cohamacʉre “Noana” ni,
duhu payo,
tíre chʉ dʉcare tiro.
36 To ã chʉchʉ ñʉa tina cuiro marieina waha,
jipihtina tina cʉ̃hʉ chʉre.
37 Sã jipihtina doscientos setenta y seis masa dohoriapʉ jii sã.
38 Tina jipihtina yapia waha “Ahria dohoria nʉcʉ nica” ni,
payʉ trigo chʉare diapʉ cohãre.
Dohoria padʉropʉ doca pja sʉha
39 Bohreachʉ dohoria macaina mʉa nʉcore ñʉa,
“Õ sehe wama tiri nʉco jira ahri nʉco”,
ni ñʉ masierare.
Wiho mejeta tina pari tucũi padʉro jichʉ ñʉa,
“Mari tí tucũpʉ wahana,
tópʉre doca pja sʉboca padʉroi”,
nire tina.
40 Ã nia,
comaa tañorine dʉhtea darire yihso taroca mioha.
Oturi pjĩ dʉhtea dari cʉ̃hʉre yihso tanocare tina.
Ti ã yoari baharo dohoria queno macari suhtirore wahcõ dapore poto wihnono wãrocachʉ cahmaa.
41 Wiho mejeta dohoria queno sehe pa padʉropʉ caha sʉ,
nʉja masierare.
à jiro oturore tuaro pahcõri cjã wahcõchʉ tia oturo wahtia wahare.
42 To ã wahachʉ ñʉa õ sehe nire surara:
—Ahria minichʉ mari peresu yoaina dʉhtʉ cahapʉ ba wahã sʉ duhtinocaahca.
à jina tinare wajã pahñonocajihna —nire surara.
43 Wiho mejeta surara pʉhtoro sehe Paulore wajã duaeraro,
jipihtina peresu jiinare wajã dutierare.
à jiro jipihtina ba masiinare surara pʉhtoro poto dʉhtʉ cahapʉ ba wahã sʉ dutire.
44 Ã jia paina dohoria macaa pjĩni wahti sitea pjĩni mehne bora ñoja,
tí pjĩni bui pisa ba nʉjare.
Sã tó sehe yoana sã jipihtina dʉhtʉ cahai wahã sʉi.