Siete yoadohoinare beseha Jesu yaina
6
1 Tí dachorire Jesu yaina payʉ wahaha.
Wiho mejeta ti ã waharo wato,
cʉ̃ curua macaina judio masa jipahta,
pa sehepʉ masa bajuaina griego ya durucuina jiha.
à jia tina tóita masa bajuaina hebreo ya durucuinare õ sehe ni tʉhotu,
nureha:
“Dachoripe masare yoadohoare ti witichʉ,
mari griego ya durucuina wapewahya numia sehere daacã waro wara”,
ni tʉhotu,
nure cohtaha.
2 Ti ã nurechʉ masia,
Jesu cũrina,
doce jiina sehe jipihtina Jesu yainare ti cahapʉ pjiroca,
õ sehe ni yahuha tinare:
—Sã Cohamacʉ yare buheina jija.
Tíre duhu,
masare yoadohoare witiborina sã jirucuchʉ tó wahaerara.
3 Mʉsa sã coyea,
siete mʉare,
paina noaina ti niinare Espíritu Santo to dutirire yoainare,
noano tʉho masiinare macaga.
Tinare ahri dahraare cũga mʉsa.
4 Wiho mejeta sã sehe dachoripe Cohamacʉre sini mʉja,
Cohamacʉ yare painare buhenahca —ni yahuha tina Jesu to cũrina.
5 Ti ã nichʉ tʉhoa,
“Jai.
Ãta yoajihna”,
niha tina jipihtina Jesu yaina.
Baharo Estebãre Cristore wacũ tuarirore,
Espíritu Santo to dutiare yoarirore beseha tina.
à jichʉ Felipere,
Prócorore,
Nicanore,
Timore,
Parmenare,
Nicola cʉ̃hʉre Jesu yainare yoadohohtinare beseha tina.
Nicola sehe Antioquía macariro,
judio masʉno jierariro,
judio masa ya buheare cahmano,
tina mehne sãariro jiha.
6 Tinare bese tuhsʉ,
ti beserinare Jesu cũrina cahai na wihiha tina.
Ti ã na wihichʉ ñʉa,
tina Jesu cũrina sehe tinare Cohamacʉre sini payo tuhsʉ,
ti dapu poca bui ti wamomacarine duhu payoha.
7 Ã yoa Jesu yaina painapʉre Cohamacʉ yare yahu site pahñoa wahaha.
à jia Jerusalẽpʉ jiina paina Jesu yaina payʉ waha namoha.
Sacerdotea cʉ̃hʉ payʉ Jesu yaina wahaha.
Paina Estebãre ñahaha
8 Ã yoa cʉ̃iro masare yoadohoare witi cohtariro Estebã sehe Cohamacʉ to noano yoariro ji,
Cohamacʉ tuaare cjʉariro jiha.
à jiro tiro Cohamacʉ tuaa mehne yoa ño mʉjaha masa ti ñʉrocaroi.
9 Wiho mejeta judio masa buheri wʉhʉ macaina tirore ñʉ tuhti,
to yahuchʉ,
tirore soro ni cohtaha.
Tina soro ni cohtaina “Cahamaca ji,
wijarina cjiri”,
wama tiri curua macaina sehe jiha.
à jia Cirene macaina,
Alejandría macaina,
Cilicia macaina,
ã jichʉ Asia macaina cʉ̃hʉ jiha tina.
10 Tirore soro ni cohtapahta,
Espíritu Santo to masia mehne Estebã to durucu mihnichʉ,
tina to buheare ti dohse soro ni yʉhtiboare wacũ bocaeraha.
11 Ti soro ni yʉhtiboare wacũ bocaeraa,
tina painare mahño dutia,
wapaha tinare.
Ti ã mahño dutichʉ õ sehe ni yahusãmaha tina:
—Ahriro Cohamacʉre,
ã jichʉ Moise cjirore Cohamacʉ to cũri dutia cʉ̃hʉre to ñano durucuchʉ sã tʉhohi —ni yahusãmaha tina mahñoina Estebãre.
12 Ti ã nichʉ tʉhoa masa,
judio masa buheina,
bʉcʉna cʉ̃hʉ tiro mehne suaha.
à jia tina Estebãre ñaha,
ti pʉhtoa cahapʉ naaha tirore.
13,14 Ã yoaa tina painare mahño dutiha:
—Ahriro dachoripe Cohamacʉ wʉhʉre,
to dutia cʉ̃hʉre ñano durucuriro jira.
Tʉhohi sã tirore to õ sehe nichʉ:
“Jesu Nazare macariro Cohamacʉ wʉhʉre cohã,
ã yoa Moise dutiri cjiri,
marine to yahu cũri cjirire cohtotarohca”,
nihre Estebã sã tʉhochʉ —ni mahño yahusãmaha tina.
15 Ã jia jipihtina tói dujiina Estebãre noano ñʉroca õ,
to wʉhdʉare ñʉha tina.
Anjo yoaro sehe bajuha to wʉhdʉa.