MATEO
É Mbamba Fwéñ Mateo a ngá tsili
Mébárán Yesukristo
1
1 Ábá mébárán Yesukristo;
é mwán David,
é mwán Abraam.
2 Abraam a ngá byéñ Isaak,
Isaak ñí ya Jakob,
Jakob ñí ya Judá ya Judá bɔbéñaŋ.
3 Judá bá Tamar bá byéñ Fares ya Zara,
Fares ñí aá byéñ Esrom,
Esrom ñí ya Aram.
4 Aram ñí a ngá byéñ Aminadab,
Aminadab ñí ya byéñ Naasón,
Naasón ñí ya Salmón.
5 Salmón bá Raab bá bá byéñ Booz,
Booz bá Rut bá bá byéñ Obed,
Obed aá byéñ Esaí.
6 Éde,
Esaí a ngá byéñ kéza David.
David bá é miningá a mbé ngéá Urias,
bé ngá byéñ Salomón.
7 Éde,
Salomón a ngá byéñ Roboam,
Roboam ñí ya Abías,
Abías ñí ya byéñ Asa.
8 Éde,
Asa a ngá byéñ Yosafat,
Yosafat ñí ya Yoram,
Yoram ñí aá byéñ Uzías.
9 Éde,
Uzías a ngá byéñ Yotam,
Yotam ñí ya Akas,
Akas ñí ya Ezekías.
10 Éde,
Ezekías a ngá byéñ Manasés,
Manasés ñí ya Amón,
Amón ñí ya Yosías.
11 Éde,
Yosías a ngá byéñ Yekonías ya Yekonías bɔbéñaŋ é tám bé ngá ke ya bɔ́ mikómm á Babilonia.
12 Éde,
bé tɔɔ́ míkómm á Babilonia,
Yekonías a ngá byéñ Salatiel,
Salatiel ñí ya Zorobabel.
13 Ané Zorobabel ñí a ngá byéñ Abiud,
Abiud ñí ya Eliakim,
Eliakim ñí ya Asor.
14 Éde,
Asor a ngá byéñ Zadok,
Zadok ñí ya Akim,
Akim ñí ya Eliud.
15 Éde,
Eliud a ngá byéñ Eleazar,
Eleazar ñí ya Matán,
Matán ñí ya Jakob.
16 Éde,
Jakob a ngá byéñ José,
María nnóm,
María te éñe a ngá byéñ Yesus éñí bá lwée ná Kristo.
17 Édɔ ná,
mimyee mí bot míse atéé ye ébe Abraam akekwíñ ébe David,
mí ne awóm ya mí nii;
atéé ye ébe David akekwíñ é tám bé ngá ke ya bɔ́ á Babilonia,
myá mí ne fe awóm ya mí nii;
atéé ye é tám bé ngá ke ya bɔ́ á Babilonia akekwíñ ébe Kristo,
myá mí ne fe awóm ya mí nii.
Ábyálá Yesus
18 Ábyálá Yesukristo é ngá bɔban aaná:
É tɔɔ́ ná ñiá María bá José bé belé atsiŋŋ álúk,
ve kaa ná bé yemán ané fám ya miningá,
éde bé ngá koan ná a ntɔɔ́ abum amú é nguu Mfúfúp Nsísim.
19 Ve,
nnóm José,
ñí a tɔɔ́ nzósoó mot,
kaa ki ñí ákómo álére osoán á bot été,
ané a ngá kík ná aa lík ñí ásweññ.
20 Ve ñí eé tém mam méte,
véa,
ángel Ntí a ngá yéne ébe éñe á biyéyemm,
eé dzó ñí ná,
“Á José,
é mwán David,
o táa kɔ wɔŋŋ ná o ñɔŋ ñu ngéá María,
amú ná ábum a ne dí,
á ñɔŋ dɔ ya é nguu Mfúfúp Nsísim.
21 Éde,
aa ye byéñ mwán fám,
wa ye fe ñí yo eyola ná Yesus,
amú ná aa ye koro é bot béñ ébe mísémm myeba.”
22 Dzam te áse é ngá bɔban á mfá ye ná é dzálában édí Ntí a ngá dzó ébe nkúlu medzó ná,
 
23 “Dággán,
endúnn ngwan dá ye ñɔŋ abum,
é byéñ fe mwán;
bá ye fe ñí álwée eyola ná Emanuel,”
 
Dá yíli ná,
“Nzamá a ne ya bía.”
 
24 Véa,
niané José a ngá vee óyó,
éde a ngá bɔ amvála ané ángel Ntí a ngá mánan ñí,
á ñɔŋ é miningá weñ.
25 Ve,
eé ndzí ñí áyem ané miningá akekwíñ ané a ngá byéñ mwán fám,
éde a ngá yo ñí eyola ná Yesus.