Pol ghe pitila ia oia uru ngai etikirighi nau ghe tokatoka tale ale mata voovoo. Pilimon taita ateva ghe tokatoka eKolosae, me ghe aiesoaala masi kiukiu nau ghe nongola ta Pol, me tale isaa o nau, ia kateva namuu tale ale manga ateva okae. Kateva tau ngai uungu karika ghe tokatoka tale aloannaane, ta tale aloannaane Pilimon, ararina ateae ta Onesimas, ghe ilou vulila vauna ateva. Ghe soula Pol, me ghe aiesoaala ta Iesu. Pol ghe pitipitila ta Pilimon tani ue va esungiaa oghi Onesimas tani mene oghi lao etana, me ghe kolomila Pilimon tani kkaluaa Onesimas me tani mene aikoloainia, arongona ta karika va gheeleiaaira avalua o taumattu ngatoa tale isaa o nau. Emulina tale isaa o voto, katoa la aaiesoaa va Onesimas ghe katevala ta namu ngatoa tale ale manga ateva eIpises.