Abuku si ara, ‘Esra’ sekupu bukni, yuk Alkitab noutam ara, abuku si ati, huruf, ‘Esra’ sekenyake. Yupu deice nyana ara atonune. Bukni, ‘Lik ninye arye huruf ‘z’ eibikirye, yupu nyana ara, walwal uplyak,’ tenena ati, nunce huruf ‘s’ sekupe. Bukni asi ara, tonok buke.

Minop talak ara, Persia mutuku ninye arye, Israel ninye weik obuka sirya dakikce, ninye weik olamikcuk, yuk Israel ninye ton ara, tapu koubuka Persia mutuku tamubuka bobinamik. Ara, ‘Israel ninye arye, nun mutuku Persia mutuku noutam, nun ikin pil donamsiak’ tenen, ikin pil aruklamikba, Israel ninye arye dolamik. Aminyan talak ara, Persia mutuku ninye deiyoknye, el si Kores, elce Israel ninye taleamuk bukni, elce, “Telebe, winira anggun mutuku koproba tamubuka dabilulume,” nyabuk.

Nyabuka ati, Israel ninye arye Persia mutuku arye batakuka, Yudea mutuku tamubuka binamik. Atalak noutamak ara, Allah el si erena ati, kam ulamle ning obuka, arena deiyoknye, el si Esra, el ap neika Yudea mutuku tamubuka binamik. Ati ara, Esra arye abuku sekuke.