ZHEZU WI TUNŊGO KI GBƐGƐLƐMƐ KALA
3.1–4.13
Zhan Batisi wìla ki yari ma yo Zhezu wila paan
3
1 Tibɛri Sesari wi wunluwɔ pi yɛlɛ kɛ ma yiri kaŋgurugo wolo li na,
kìla yala Pɔnsi Pilati wo wìla pye gboforonɛri Zhude tara ti go na.
A Erɔdi wo cɛn Galile tara to go na.
Erɔdi wi ndɔ Filipu wo la cɛn Iture naa Tirakoni tara to go na.
A Lisaniya wo cɛn Abilɛni tara to go na.
2 Annɛ naa Kayifu poro pàa pye saraga wɔfɛnnɛ teele wele.
Ki sanga wi ni,
a Yɛnŋɛlɛ li sɛnrɛ tì si gbɔn Zakari wi pinambyɔ Zhan wi na,
maa ta wa gbinri wi ni.
3 Kì kaa pye ma,
a Zhan wi nɛɛ Zhuridɛn gbaan yɔn cara ti yanri,
naga yari leele pe kan na pe piin fɔ:
«Ye ye kapere ti jɛn,
yeri yaga,
ye ye yɛɛ kan pe ye batize.
Pa Yɛnŋɛlɛ li yaa ye kapere ti kala yaga ye na.»
4 Ko la pye ma,
paa yɛgɛ ŋga na ki yɛn ma yɔnlɔgɔ wa Yɛnŋɛlɛ yɔn sɛnrɛ yofɔ Ezayi wi sɛwɛ wi ni ma yo fɔ:
Lere wa magala yɛn na yinrigi wa gbinri wi ni na yuun fɔ:
Ye we wi konɔ li gbegele,
yoo kombigile ke sinzin!
5 Yanwira gbunlundɛrɛ ti ni fuun ti yaa ka yinyin.
Yanwira ti ni fuun konaa tinndiye pe ni fuun,
ti yaa ka yaari mbe yɔn yala.
Konɔ kurusara ti yaa ka sinzin!
Lara nda si yɔn yala,
ti yaa ka yɔn yala!
6 Kona,
Yɛnŋɛlɛ li yɛn na we shoo yɛgɛ ŋga na,
lere pyew wi yaa kaga yan.
7 Janwa wìla pye na paan Zhan wi kɔrɔgɔ wi ta wila pe batize.
A Zhan wi nɛɛ pe piin fɔ:
«Yoro mɛɛrɛ pire nda yɛɛn,
ambɔ wìgi naga ye na ma yo ye mbe ya shɔ Yɛnŋɛlɛ li naŋgbanwa mba pila paan pi kɛɛ?
8 Ɛɛn fɔ,
kapyere nda ti yaa ki naga mbe yo yè ye tangalɔmɔ pi kanŋga,
yaa to piin.
Yaga kaa ki yuun wa ye nawa po ni cɛ fɔ:
‹We tɛlɛ yɛn Abirahamu› mbege yan ndɛɛ kiti se ka kɔn ye na.
Katugu mila ki yuun naga finligi ye kan fɔ ki sinndɛɛrɛ nda yɛɛn,
Yɛnŋɛlɛ li mbe ya mberi kanŋga ti pye Abirahamu wi setirige piile.
9 Pè gbɔnlɔgɔ ki lɛ makɔ tire ti na mberi ninde ti kɔɔnlɔ mberi jaanri.
Tige ŋga fuun ki woro na pire jɛndɛ sɛni,
pe yaa ki kɔɔnlɔ mbege wa wa kasɔn mbege sogo
10 Kona,
a janwa wì suu yewe ma yo fɔ:
«Yiŋgi we daga mbaa piin?»
11 A wì si pe pye fɔ:
«Deere shyɛn ka pye lere wa yeri,
wi daga mbe nuŋgba kan ka woro ŋa yeri wi yeri.
Yaakara ka si pye ŋa yeri,
wi daga mbege pye ma fun.»
12 Ali nizara shɔfɛnnɛ pèle la pan Zhan wi kɔrɔgɔ fun wi pe batize.
A pè suu pye fɔ:
«We Nagafɔ,
yiŋgi we daga mbaa piin?»
13 A Zhan wì si pe pye fɔ:
«Yɔn ŋga pè naga ye na,
yaga ka yaraga ka shɔ wa yeri mbe toro ko na.»
14 A sorodasheele pèle suu yewe fun ma yo fɔ:
«Woro fun,
yiŋgi we daga mbaa piin?»
A wì si pe pye fɔ:
«Yaga ka penjara shɔ lere yeri fanŋga na,
nakoma mboo jɛ mbe yo wì kapege pye siri shɔ.
Ɛɛn fɔ,
sara ŋa yaa taa wo mbe yala ye ni.»
15 Leele pàa pye na Kirisi wi panga ki singi,
a pe ni fuun pe nɛɛ pe yɛɛ yewe wa pe nawa,
na kaa pye Zhan wo ma wi yɛn Kirisi we.
16 A Zhan wì si pe ni fuun pe pye fɔ:
«Mì wo ye batize tɔnmɔ ni,
ɛɛn fɔ,
lere wa wa na paan,
wo fanŋga ko wɛ mi wogo ko na.
Mii daga yɛrɛ mbe fɔli mboo sawira manda ti sangala.
Wo wi yaa ka ye batize Yinnɛkpoyi lo naa kasɔn ni.
17 Wi teli wi yɛn wi kɛɛ.
Wi yaa ka shɔlɔ ke fɛ mbe ke fooro ti wɔ ti yɛ jɛnŋɛ wi ni,
mbe si jɛnŋɛ wi gbogolo mboo le wa wi bondo wi ni.
Ɛɛn fɔ,
wi yaa fooro to sogo wa kasɔn ŋga ki se ka figi fyew ko ni.»
18 Zhan wìla pye na leele pe nari kagala lɛgɛrɛ kele yɛgɛ ni ma naa,
ma ta na Yɛnŋɛlɛ li Sɛntanra ti yari pe kan.
19 Zhan wìla pye na gboforonɛri Erɔdi wi yɛgɛ sɛnrɛ yuun,
katugu Erɔdi wìla wi ndɔ jɔ Erodiyadi wi shɔ wi yeri maa tɛgɛ,
ma nuru naa ma kapere lɛgɛrɛ ta yɛgɛ pye.
20 A wì si nuru naa ma ka taga wi kapere ti na,
ma Zhan wi le kaso.
Zhan wìla Zhezu wi batize
21 Naa leele pe ni fuun pàa kaa batize ma kɔ,
a Zhezu fun wì si batize.
Naa wila kaa na Yɛnŋɛlɛ li yɛnri sanga ŋa ni,
a naayeri wì si yɛngɛ.
22 A Yinnɛkpoyi lì si tigi wi na wire cɛnlɔmɔ ni paa ketenɛ yɛn.
A magala là si yiri wa yɛnŋɛlɛ na ma yo fɔ:
«Mboro ma yɛn na Pinambyɔ ŋa wìlan ndanla jɛŋgɛ we.
Ma kala lìlan ndanla fɔ jɛŋgɛ.»
Zhezu tɛlɛye pe mɛrɛ ti nda
23 Sanga ŋa ni Zhezu wìla wi tunŋgo ki lɛ,
wìla ta paa yɛlɛ nafa ma yiri kɛ yɛn.
Leele pàa pye naa jate paa Zhozɛfu pyɔ yɛn.
Zhozɛfu wo to wo lawi ŋa Eli.
24 Eli to wo lawi ŋa Matati.
Matati to wo lawi ŋa Levi.
Levi to wo lawi ŋa Mɛlishi.
Mɛlishi to wo lawi ŋa Zhanayi.
Zhanayi to wo lawi ŋa Zhozɛfu.
25 Zhozɛfu to wo lawi ŋa Matatiyasi.
Matatiyasi to wo lawi ŋa Amɔsi.
Amɔsi to wo lawi ŋa Nahumu.
Nahumu to wo lawi ŋa Ɛsili.
Ɛsili to wo lawi ŋa Naŋgayi.
26 Naŋgayi to wo lawi ŋa Maati.
Maati to wo lawi ŋa Matatiyasi.
Matatiyasi to wo lawi ŋa Semeyi.
Semeyi to wo lawi ŋa Zhozɛki.
Zhozɛki to wo lawi ŋa Zhoda.
27 Zhoda to wo lawi ŋa Zhowana.
Zhowana to wo lawi ŋa Ereza.
Ereza to wo lawi ŋa Zorobabɛli.
Zorobabɛli to wo lawi ŋa Salacɛli.
Salacɛli to wo lawi ŋa Neri.
28 Neri to wo lawi ŋa Mɛlishi.
Mɛlishi to wo lawi ŋa Adi.
Adi to wo lawi ŋa Kosamu.
Kosamu to wo lawi ŋa Elimadan.
Elimadan to wo lawi ŋa Ɛri.
29 Ɛri to wo lawi ŋa Zhezu.
Zhezu to wo lawi ŋa Eliyezɛri.
Eliyezɛri to wo lawi ŋa Zhorimu.
Zhorimu to wo lawi ŋa Matati.
Matati to wo lawi ŋa Levi.
30 Levi to wo lawi ŋa Simeyɔn.
Simeyɔn to wo lawi ŋa Zhuda.
Zhuda to wo lawi ŋa Zhozɛfu.
Zhozɛfu to wo lawi ŋa Zhonamu.
Zhonamu to wo lawi ŋa Eliyakimu.
31 Eliyakimu to wo lawi ŋa Meleya.
Meleya to wo lawi ŋa Mena.
Mena to wo lawi ŋa Matata.
Matata to wo lawi ŋa Natan.
Natan to wo lawi ŋa Davidi.
32 Davidi to wo lawi ŋa Izayi.
Izayi to wo lawi ŋa Zhobɛdi.
Zhobɛdi to wo lawi ŋa Bowazi.
Bowazi to wo lawi ŋa Salimɔ.
Salimɔ to wo lawi ŋa Naasɔ.
33 Naasɔ to wo lawi ŋa Aminadabu.
Aminadabu to wo lawi ŋa Adimɛ.
Adimɛ to wo lawi ŋa Arini.
Arini to wo lawi ŋa Ɛsirɔn.
Ɛsirɔn to wo lawi ŋa Farɛsi.
Farɛsi to wo lawi ŋa Zhuda.
34 Zhuda to wo lawi ŋa Zhakɔbu.
Zhakɔbu to wo lawi ŋa Izaki.
Izaki to wo lawi ŋa Abirahamu.
Abirahamu to wo lawi ŋa Tara.
Tara to wo lawi ŋa Nakɔri.
35 Nakɔri to wo lawi ŋa Seruki.
Seruki to wo lawi ŋa Arago.
Arago to wo lawi ŋa Falɛki.
Falɛki to wo lawi ŋa Hebɛri.
Hebɛri to wo lawi ŋa Sala.
36 Sala to wo lawi ŋa Kayinamu.
Kayinamu to wo lawi ŋa Arifazadi.
Arifazadi to wo lawi ŋa Sɛmu.
Sɛmu to wo lawi ŋa Nowe.
Nowe to wo lawi ŋa Lamɛki.
37 Lamɛki to wo lawi ŋa Matusala.
Matusala to wo lawi ŋa Enɔki.
Enɔki to wo lawi ŋa Zharɛdi.
Zharɛdi to wo lawi ŋa Maleleyɛli.
Maleleyɛli to wo lawi ŋa Kayina.
38 Kayina to wo lawi ŋa Enɔsi.
Enɔsi to wo lawi ŋa Sɛti.
Sɛti to wo lawi ŋa Adama.
Adama to wo lawi ŋa Yɛnŋɛlɛ le.