Wa jɔlɔgɔ ki ni, Yɛnŋɛlɛ li mali woolo pe saga
130
1 Tangala yurugo mbe kari wa Zheruzalɛmu ca.
Mbanla ta wa wegbɔgɔ tijugo ki ni,
Yawe Yɛnŋɛlɛ, mi yɛn nɔɔ yinri mala saga!
2 We Fɔ, na yerege ki logo,
nuŋgbolo jan mala yɛnrɛwɛ gbɔɔ pi logo!
 
3 Yawe Yɛnŋɛlɛ, ndɛɛ ki pye ma yɛn na we kajɔgɔrɔ ti jate,
ambɔ wi jɛn na koro yinwege na?
4 Ɛɛn fɔ mboro wo na, ma maa kapere ti kala yari,
ki kala na leele pe daga mbaa fyɛ ma yɛgɛ!
 
5 Mìlan kɛɛ ki kan Yawe Yɛnŋɛlɛ lo na,
mìlan kɛɛ ki kan lo na kaselege,
na jigi wi yɛn li sɛnrɛ ti na.
6 Yɛgɛ ŋga na ca welefɛnnɛ pe maa yindogo ki singi ki gbɔn,
yɛgɛ ŋga na pe maa lalaaga ki singi ki gbɔn,
mi yɛn na Yawe Yɛnŋɛlɛ li singi lilan saga ma wɛ poro na.
 
7 Yoro Izirayɛli woolo, ye ye jigi wi taga Yawe Yɛnŋɛlɛ li na,
katugu kagbaraga ki ma ta lo yeri;
li ma sɛnwee wi go shɔ pyelɔmɔ lɛgɛrɛ ni.
8 Lo li yaa Izirayɛli woolo pe go shɔ
pe kajɔgɔrɔ ti ni fuun ti ni.