Leele pe daga mbaa Yɛnŋɛlɛ li gbogo konaa mbaa li sɔnni
95
1 Ye pan waa jɔrɔgi yɔgɔrimɔ ni Yawe Yɛnŋɛlɛ li mɛgɛ ni;
waa yuuro koo nayinmɛ ni, mbaa Yɛnŋɛlɛ na li yɛn paa we walaga yɛn konaa we shɔfɔ li sɔnni!
2 Ye pan we kari wa li yɛgɛ sɔgɔwɔ, we sharaga kan li yeri,
waa yuuro koo nayinmɛ ni waa li sɔnni!
3 Katugu Yawe Yɛnŋɛlɛ lo li yɛn Yɛnŋɛlɛ ŋgbɔgɔ ye,
li yɛn wunluwɔ gbɔɔ yarisunndo ti ni fuun ti go na.
4 Tara ti latijuguwo lara ti yɛn li kɛɛ,
yanwira titɔɔnrɔ ti namunjɔye pe yɛn li woolo.
5 Kɔgɔje wi yɛn li woo, lo lùu da;
tara fun lo kɛɛ tunŋgo yi.
 
6 Ye pan we go sogo, we fɔli li yɛgɛ sɔgɔwɔ weli gbɔgɔ,
Yawe Yɛnŋɛlɛ na lì we da, we kanŋguuro kan li nɔgɔ mbeli gbɔgɔ!
7 Katugu lo li yɛn we Yɛnŋɛlɛ le,
we yɛn li woolo mbele li yɛn na kɔrɔsi,
we yɛn paa simbaŋgbelege yɛn, ŋga lo jate li yɛn na kɔnri.
 
Ki kala na, na ye ka li magala li logo nala,
8 yaga ka ye kotoro ti ŋgban ye yɛɛ na, paa yɛgɛ ŋga na kìla pye wa Meriba laga ki na,
paa yɛgɛ ŋga na kìla pye wa Masa laga ki na, wa gbinri wi ni.
9 Wa ki laga ki na, ye tɛlɛye pàa na wa ma wele,
pàa na yɔn ja wa ki lara ti na, ali maga ta pàa na kapyegele ke yan o.
10 Maga yigi fɔ ma saa gbɔn yɛlɛ nafa shyɛn, ki cɛnlɛ woolo pe la kìla kɔ na na;
a mì sho fɔ: «Pe yɛn cɛnlɛ woolo mbele pè wa ma la wa pe kotogo na,
pe fanla koŋgolo ke jɛn.»
11 Ki kala na, wa na naŋgbanwa pi ni, mì wugu ma yo fɔ:
«Pe se ye wa na wogosaga ki ni fyew