\id 2PE Cakchiquel Sur Occidental files 1989 \h 2 PEDRO \toc1 Re rucaꞌn carta re xutzꞌibaj can re apóstol San Pedro \toc2 2 Pedro (2 P) \mt Re rucaꞌn carta re xutzꞌibaj can re apóstol San Pedro \c 1 \s Re nabey tak tzij chin re carta reꞌ \p \v 1 Yen Simón Pedro, jun rusamajel re Jesucristo, y chukaꞌ yin jun ru-apóstol rejaꞌ. Ticꞌuluꞌ cꞌa re carta reꞌ re can ivichin-va yex ntzꞌiban-a, roma can junan kaniman\x * \xo 1.1 \xt Hch. 11:17; Ef. 4:5.\x* y kayiꞌon kánma cha re Jesucristo. Quireꞌ kabanon roma re Dios xuban cha re Jesucristo re manak rumac, y xcom koma yoj re yoj aj-maquiꞌ chin yojrucol chach re kamac. \v 2 Can-ta qꞌuiy utzil\x * \xo 1.2 \xt 1 P. 1:2.\x* xticꞌul chiyixnojel riqꞌuin re Dios y re Kajaf Jesucristo. Y chukaꞌ re ivánma can-ta otz nunaꞌ roma itaman rach re Dios y re Kajaf Jesús. \s Re quicꞌaslen re quiniman chic re Jesucristo \p \v 3 Y ja re poder re cꞌo riqꞌuin re Dios jareꞌ re yaꞌyom-pa chaka ronojel re nicꞌatzin chin nijalataj re kacꞌaslen.\x * \xo 1.3 \xt Jn. 17:3.\x* Y chin chukaꞌ nakacꞌuaj jun cꞌaslen otz chach rejaꞌ, ruyiꞌom-pa re nicꞌatzin chaka, roma kataman chic rach re xvayon kachin. Y rejaꞌ xojrayoj riqꞌuin re namalaj rukꞌij y riqꞌuin re ru-poder. \v 4 Rejaꞌ xusuj ronojel reꞌ chaka, y reꞌ camas nem y camas rajkalen. Roma yojcolotaj-pa chach re itzel tak rayibal re jecꞌo vovaꞌ chach re ruchꞌulef, roma chireꞌ nipo-va re etzelal. Rejaꞌ can nujal re kacꞌaslen\x * \xo 1.4 \xt 2 Co. 3:18.\x* chin yojoc anchaꞌl rejaꞌ. \v 5 Mareꞌ tak yex re iniman\x * \xo 1.5 \xt 1 P. 3:7.\x* chic re Jesucristo, otz che nikꞌalajin re ru-poder re Dios pan icꞌaslen. Y tak xkꞌalajin-yan re ru-poder re Dios pan icꞌaslen, otz che nitamaj\x * \xo 1.5 \xt 2 P. 3:18.\x* más chij re jeꞌtzꞌiban can chupan re ruchꞌabal re Dios. \v 6 Y tak itaman chic re tzꞌiban can chupan re ruchꞌabal re Dios, nicꞌatzin chukaꞌ che man tiyaꞌ kꞌij cha re mac.\x * \xo 1.6 \xt Hch. 24:25.\x* Y tak xixtiquir-yan che man niya-ta kꞌij cha re mac, can rucꞌamon che yixcochꞌon.\x * \xo 1.6 \xt Stg. 1:3.\x* Y tak xixcochꞌon-yan, can rucꞌamon che nicꞌuaj jun cꞌaslen anchaꞌl nrajoꞌ re Dios.\x * \xo 1.6 \xt 2 P. 3:11.\x* \v 7 Y tak icꞌuan chic re cꞌaslen anchaꞌl nrajoꞌ re Dios, rucꞌamon chukaꞌ che yeꞌjoꞌ re hermanos. Y tak yeꞌjoꞌ chic re hermanos, otz chukaꞌ che yeꞌjoꞌ\x * \xo 1.7 \xt 1 Jn. 4:21.\x* conojel vinak. \p \v 8 Y vo xa yex cꞌo ronojel reꞌ iviqꞌuin, can nitamaj más rach re Kajaf Jesucristo. Y re icꞌaslen xtivachin y cꞌo rajkalen. \v 9 Pero vo xa cꞌo jun manak ronojel re otz tak banabal reꞌ riqꞌuin, rumistan chic che rejaꞌ jeꞌchꞌajon\x * \xo 1.9 \xt He. 9:14; 1 Jn. 2:9.\x* chic-a re rumac. Xa ndoc jun vinak anchaꞌl moy, o ndoc jun vinak re man can-ta naj nitzuꞌun. \v 10 Y mareꞌ, hermanos re xixvayox\x * \xo 1.10 \xt He. 3:1.\x* y xixchaꞌ roma re Dios, can titijaꞌ ikꞌij che quixcꞌueꞌ riqꞌuin rejaꞌ. Y can nojel tiempo tibanaꞌ ronojel reꞌ, chin quireꞌ man yixtzak-ta. \v 11 Vo xa quireꞌ niban, can xquixcꞌul chilaꞌ chicaj riqꞌuin re Kajaf Jesucristo re nicola kachin chach re kamac, y ja rejaꞌ re nibano gobernar\x * \xo 1.11 \xt 2 Ti. 4:8.\x* chin ronojel tiempo. \p \v 12 Mareꞌ yen man jun bey xquintane-ta chubixic chiva, astapaꞌ yex can itaman y chukaꞌ can ibanon-va confiar-iviꞌ\x * \xo 1.12 \xt 1 P. 5:12; 2 P. 3:17.\x* riqꞌuin re katzij chꞌabal cꞌo iviqꞌuin. \v 13 Chinoch yen, camas rucꞌamon che yiximpaxabaj can, roma cꞌa cꞌo caꞌe-oxeꞌ kꞌij nucꞌaslen. \v 14 Y yen can ntaman chic che xaxe chic caꞌe-oxeꞌ kꞌij nucꞌaslen cꞌo,\x * \xo 1.14 \xt Dt. 4:21, 22; 31:14; 1 R. 2:2, 3.\x* roma quireꞌ sekresan\x * \xo 1.14 \xt Hch. 20:23.\x* chinoch roma re Kajaf Jesucristo. \v 15 Pero yen can nintaj nukꞌij chin nimban can re jun carta reꞌ, chin quireꞌ astapaꞌ yin quiminak chic, yex can xteꞌka chiꞌcꞌoꞌx ronojel re jeꞌmbin can chiva chupan re jun carta reꞌ. \s Re xeꞌtzꞌeto re ru-poder re Jesucristo \p \v 16 Tak yoj xkatzijoj chiva che re Kajaf Jesucristo cꞌo ru-poder, man xkatzꞌuc-ta-ka. Y chukaꞌ xkabij chiva che re Jesucristo xtipa chic jun bey, reꞌ man jeꞌkatzꞌucun-ta-ka. Roma yen y re nicꞌaj chic vichibil, can xkatzꞌat che re Jesucristo camas nem y camas ru-poder.\x * \xo 1.16 \xt Mr. 9:2; Lc. 9:28.\x* \v 17 Y xkatzꞌat tak xyaꞌ rukꞌij roma re Dios, re Rutotaꞌ. Y xkacꞌaxaj chukaꞌ re xbex cha roma re namalaj Dios re cꞌo rukꞌij, re Dios xubij: Jareꞌ re Nucꞌajol, y yen camas ninjoꞌ\x * \xo 1.17 \xt Mt. 3:17; 17:5; Mr. 1:11; 9:7; Lc. 3:22; 9:35.\x* y yinquiꞌcot riqꞌuin, xchaꞌ. \v 18 Yoj can man jeꞌkatzꞌucun-ta-ka re xkabilaꞌ chiva. Xa can xkatzꞌat-va ronojel. Can xkacꞌaxaj\x * \xo 1.18 \xt Ex. 3:5; Jos. 5:15.\x* tak re Dios xchꞌo-pa chilaꞌ chicaj, xkacꞌaxaj tak xojcꞌueꞌ riqꞌuin re Jesucristo chireꞌ pa rueꞌ re lokꞌolaj loma. \p \v 19 Y reꞌ más nuban chaka che can katzij-va re tzꞌiban can chupan re ruchꞌabal re Dios, y nubij che can qꞌuiy cosas re xqueꞌbanataj. Y camas rucꞌamon che nakayaꞌ pa cuenta re ruchꞌabal re Dios, roma chach re ruchꞌulef cꞌo jun kꞌokoꞌm. Pero re ruchꞌabal re Dios can anchaꞌl jun kꞌakꞌ re nisekresan.\x * \xo 1.19 \xt 2 Co. 4:4.\x* Y can takayaꞌ pa cuenta re ruchꞌabal re Dios. Roma xteꞌka re kꞌij che re jun anchaꞌl nema-chꞌumil ndoc pa tak kánma, y can nusekresaj chukaꞌ re kánma. \v 20 Y yex tiene que nitamaj nabey che man jun vinak nitiquir nibin\x * \xo 1.20 \xt Ro. 12:6.\x* andex nubij re ruchꞌabal re Dios, vo xa mana-ta re Espíritu Santo nitaꞌo richin. Roma chupan re chꞌabal reꞌ jeꞌtzꞌiban-va can re xqueꞌbanataj. \v 21 Y can jacꞌa re Espíritu Santo re xbin\x * \xo 1.21 \xt 2 Ti. 3:16.\x* chique re rusamajelaꞌ re Dios re xeꞌcueꞌ ajuer can, tak xquibij re xqueꞌbanataj. Rejeꞌ can jeꞌchaꞌon roma re Dios y man quion-ta rejeꞌ xeꞌtzꞌucu-ka re xquibij. \c 2 \s Re vinak re mana-ta re niquicꞌut \p \v 1 Re ajuer can, jecꞌo achiꞌaꞌ xeꞌcꞌueꞌ chiquicojol re nuvinak israelitas re nibex profetas chique, xquibij che jeꞌtakom-pa roma re Dios chin niquitzijoj re ruchꞌabal re Dios, pero man quire-ta. Y quireꞌ chukaꞌ chiꞌicojol yex vocame. Jecꞌo vinak xqueꞌbecꞌulum-pa,\x * \xo 2.1 \xt Dt. 13:1; Mt. 24:11.\x* y xtiquibij che ja re ruchꞌabal re Dios niquicꞌut, y xa man katzij-ta. Roma xa quinaꞌoj rejeꞌ re yeꞌquibilaꞌ y man jun nenaben tak yeꞌquibila-apo chiꞌicojol. Y re vinak reꞌ hasta man xtiquinimaj-ta che re Ajaf xcom chin xutoj quimac. Xa ja rejeꞌ mismo re yeꞌyiꞌo tijoj-pokonal pa quiveꞌ. Man xtiquinabej-ta tak xtipa pa quiveꞌ. Cꞌaja tak xtiquinaꞌ xa pa kꞌakꞌ chic jecꞌo-va. Y chukaꞌ re yeꞌtzekelben quichin cꞌa chireꞌ xqueꞌbeka-va. \v 2 Y je qꞌuiy re xqueꞌtzekelben quichin roma re cꞌaslen quicꞌuan, astapaꞌ re jun cꞌaslen reꞌ xa man utzulaj cꞌaslen-ta. Y mareꞌ quitzij rejeꞌ tak xtiyokꞌ\x * \xo 2.2 \xt Hch. 19:9.\x* re katzij bey y re utzulaj chꞌabal richin re Dios, roma jecꞌo-apo iviqꞌuin. \v 3 Y re vinak reꞌ roma camas niquirayij re mero, xtiquibij che can chin-va re Dios re enseñanza niquiyaꞌ, y man quire-ta. Xaxe chin niquilisaj mero chiꞌikꞌaꞌ.\x * \xo 2.3 \xt 1 Ti. 6:5; Tit. 1:11.\x* Y re vinak yeꞌbano quireꞌ can xqueꞌqꞌuis, roma can ajuer rubin can re Dios che xtuyaꞌ castigo pa quiveꞌ. Y re castigo reꞌ can xtipo-va chiquij. \p \v 4 Roma re Dios, pero ni xe-ta re ángeles\x * \xo 2.4 \xt Job 4:18; Jud. 6.\x* man xeꞌrucuy-ta tak xeꞌmacun. Xa xeꞌruchꞌakij chupan re lugar chin tijoj-pokonal. Xeꞌruchꞌakij chupan re lugar chin kꞌokoꞌm.\x * \xo 2.4 \xt Ap. 20:2, 3.\x* Chireꞌ jeꞌyiꞌon-va, quiyaben re kꞌij tak xtiban juzgar pa quiveꞌ. \v 5 Y chukaꞌ re Dios man xeꞌrucuy-ta chic re vinak re xeꞌmacun ajuer can. Xa xuban che xpa jun job pa quiveꞌ re can manak tzꞌetal-va, re nibex diluvio cha. Roma re quicꞌaslen re vinak reꞌ man choj-ta chach re Dios. Pero xeꞌrucol re Noé\x * \xo 2.5 \xt Gn. 7:1.\x* y je vukuꞌ chic vinak más. Y ja re Noé re xsekresan chique re vinak re andex rubanic nicꞌuax jun cꞌaslen choj chach re Dios. \v 6 Y re Dios can man xucuy-ta chic chukaꞌ quimac re jecꞌo pa tenemit Sodoma y Gomorra. Xa xubij che queꞌqꞌuis, y can quire-va xbanataj. Rejaꞌ xeꞌruqꞌuis re tenemit reꞌ riqꞌuin kꞌakꞌ,\x * \xo 2.6 \xt Gn. 19:24.\x* y can xe chic quichajil xcꞌueꞌ can. Chin quireꞌ tiquitamaj re vinak re yeꞌcꞌueꞌ can, che vo xa man choj-ta quicꞌaslen xtiquicꞌuaj chach re Dios, xtika chukaꞌ jun namalaj castigo pa quiveꞌ rejeꞌ. \v 7 Re Dios can xeꞌruqꞌuis-va re caꞌeꞌ tenemit xquibiniꞌaj Sodoma y Gomorra. Pero xucol-pa\x * \xo 2.7 \xt Gn. 19:16.\x* chach re castigo reꞌ re jun ache choj rucꞌaslen re xubiniꞌaj Lot. Re Lot can ju-va xunaꞌ ránma roma xeꞌrutzꞌat re nicꞌaj chic vinak che xquicꞌuaj jun itzel cꞌaslen. \v 8 Y re jun ache choj rucꞌaslen reꞌ xcꞌueꞌ chiquicojol re vinak reꞌ. Y roma kꞌij-kꞌij xucꞌaxaj y xutzꞌat re etzelal xeꞌquibanalaꞌ re vinak, rejaꞌ camas xkꞌaxo\x * \xo 2.8 \xt Sal. 119:53, 136, 158.\x* re ránma roma reꞌ. \v 9 Re Ajaf can rutaman yeꞌrucol re jeꞌacꞌayon jun cꞌaslen anchaꞌl nrajoꞌ rejaꞌ. Tak can jecꞌo pa jun tijoj-pokonal chin yeꞌtojtobex, rejaꞌ yeꞌrucol.\x * \xo 2.9 \xt Sal. 34:17; 1 Co. 10:13.\x* Jacꞌa re vinak re man quicꞌuan-ta jun cꞌaslen choj, re Ajaf xa cꞌaja tak xtapon re kꞌij jareꞌ tak xtuban juzgar pa quiveꞌ. \p \v 10 Y reꞌ can nucꞌut-va che re vinak yeꞌbano itzel tak rayibal\x * \xo 2.10 \xt 2 P. 3:3.\x* re nika chiquivach rejeꞌ, xa can cꞌaja tak xtapon re kꞌij jareꞌ tak xtiban juzgar pa quiveꞌ roma re Dios, roma xabanchique autoridades yeꞌquitzelaj. Man yeꞌqꞌuex-ta y chukaꞌ man niquixibij-ta-quiꞌ chin niquiban xabanchique cosa. Rejeꞌ can man jun quikꞌij chukaꞌ niquiban chique conojel vinak. Man niquixibij-ta-quiꞌ chin niquibij itzel tak tzij chiquij re camas quikꞌij. \v 11 Jacꞌa re ángeles astapaꞌ camas qui-poder y qꞌuiy cosas yeꞌtiquir niquiban, pero man jun bey niquicꞌutuj-ta jun castigo cha re Dios\x * \xo 2.11 \xt Jud 9.\x* chiquij re cꞌo itzel tak banabal yeꞌquiban. Rejeꞌ neꞌquibij cha re Ajaf re andex yeꞌquibanalaꞌ, pero man niquicusaj-ta itzel tak tzij tak neꞌquibij cha re Ajaf. \p \v 12 Pero re vinak re man niquixibij-ta-quiꞌ yeꞌchꞌo chiquij re camas quikꞌij, can anchaꞌl je chicop\x * \xo 2.12 \xt Jud. 10.\x* roma man niquinojij-ta baꞌ. Y astapaꞌ jun cosa re man jun bey kꞌaxnak pa quiveꞌ, itzel yeꞌchꞌo chij. Y riqꞌuin re itzel tak banabal quireꞌ, niquivayoj castigo pa quiveꞌ y cꞌa chupan re castigo reꞌ xqueꞌbeka-va. Anchaꞌl niquicꞌalvachij re chicop tak yeꞌbetzꞌam-pa chin yeꞌquimisas.\x * \xo 2.12 \xt Jer. 12:3.\x* Y yoj nakabij che otz rubanic chique. \v 13 Y re vinak reꞌ xtiquicꞌul rajal\x * \xo 2.13 \xt Is. 3:11; Ro. 2:8, 9; Fil. 3:19; 2 Ti. 4:14.\x* re quibanabal. Jacꞌa vinak reꞌ re yeꞌbano che can che pakꞌij che chakꞌaꞌ jecꞌo chupan re etzelal, y can jabal niquinaꞌ tak niquiban quireꞌ. Re vinak reꞌ can je anchaꞌl tzꞌil re cꞌo chij jun tziak, y can je yiꞌoy qꞌuex. Y can iviqꞌuin chukaꞌ xtiquimol-va-quiꞌ y xqueꞌvaꞌ iviqꞌuin, xaxe chin yixquikꞌol. Y jabal niquinaꞌ tak quireꞌ niquiban. \p \v 14 Y xabanchique ixok niquitzꞌat, can jareꞌ niquijoꞌ yeꞌcꞌueꞌ riqꞌuin. Man yeꞌtiquir-ta niquiyaꞌ can rubanic re mac. Niquiban chukaꞌ chique re can cꞌamaje-na kas tiquiban confiar-quiꞌ riqꞌuin re Dios che yeꞌmacun. Jabal quitaman ronojel rach kꞌaloj, chin niquimol qꞌuiy mero. Rejeꞌ can xtika-va re castigo pa quiveꞌ. \v 15 Y can quiyiꞌon chic can re cꞌaslen choj. Can jeꞌsatzanak-va. Y can quicꞌuan re cꞌaslen re xucꞌuaj re jun ache profeta re xcꞌueꞌ ajuer can xubiniꞌaj Balaam,\x * \xo 2.15 \xt Nm. 22; Ap. 2:14.\x* rucꞌajol re ache xubiniꞌaj Beor. Re Balaam can nurayij re mero, astapaꞌ can riqꞌuin itzel tak banabal nuchꞌac-va. \v 16 Y roma re etzelal nrajoꞌ nuban re Balaam, xbex cha che man otz-ta re nunojij. Y can ja re ruquiej re xchꞌo-pa cha.\x * \xo 2.16 \xt Nm. 22:21, 23, 28.\x* Y astapaꞌ jun quiej man nitiquir-ta nichꞌo, re ruquiej re Balaam xchꞌo-pa cha anchaꞌl nichꞌo jun vinak, chin che man chic xuya-ta kꞌij cha che noꞌrbanaꞌ re itzel tak banabal re runojin che nuban. \p \v 17 Y re vinak re jeꞌsatzanak, can je anchaꞌl alaxbal-yaꞌ re je chakeꞌj chic. Chukaꞌ can je anchaꞌl nube\x * \xo 2.17 \xt Jud. 12.\x* re jeꞌrucꞌamom-pa cakꞌikꞌ. Re vinak reꞌ can jeꞌyaben-va roma re lugar can xak y camas kꞌokoꞌm\x * \xo 2.17 \xt Jud. 13.\x* chin tijoj-pokonal. Y chin nojel tiempo xqueꞌba chireꞌ. \v 18 Y can niquibananej che cꞌo qꞌuiy naꞌoj quiqꞌuin, pero rion tzij re man jun quijkalen yeꞌquibilaꞌ. Y chin yeꞌquikꞌol re xa cꞌa baꞌ queꞌcolotaj-pa chiquicojol re jeꞌacꞌayon itzel tak cꞌaslen,\x * \xo 2.18 \xt Hch. 2:40.\x* niquibilaꞌ chique che otz yeꞌquibanalaꞌ re itzel tak rayibal. \v 19 Niquisujlaꞌ chique che vo xa yeꞌquitzekelbej, can yeꞌoc-va libre,\x * \xo 2.19 \xt Ga. 5:13.\x* pero ni xe-ta rejeꞌ mismo man je libre-ta. Roma astapaꞌ niquisuj chique re nicꞌaj chic che yeꞌoc libre, rejeꞌ xa man je libre-ta, roma xa jeꞌkejnak pa rukꞌaꞌ re etzelal.\x * \xo 2.19 \xt Jn. 8:34; Ro. 6:16.\x* Y kataman jabal che re jeꞌchꞌacatajnak xa can jeꞌkejnak pa quikꞌaꞌ re chꞌacayon quichin. \v 20 Y xabanchique vinak rutaman chic rach re Kajaf Jesucristo re nicola kachin chach re kamac, rejaꞌ can colotajnak chic chach re etzelal chin re ruchꞌulef. Y vo xa nunem chic-riꞌ jun bey chupan re cꞌaslen re ancheꞌ elinak-va-pa, nika chic jun bey pa rukꞌaꞌ re etzelal. Y mareꞌ re rucꞌaslen re vinak reꞌ, más cꞌayef\x * \xo 2.20 \xt Mt. 12:45; Lc. 11:26; He. 10:26, 27.\x* xtuban que chach re xuban tak cꞌamaje-na tunimaj re Jesucristo cheꞌ. \v 21 Roma más-ta otz che man-ta jun bey xutamaj re andex rubanic jun cꞌaslen choj chach re Dios.\x * \xo 2.21 \xt Lc. 12:47; Jn. 9:41.\x* Roma xa yeꞌruyaꞌ chic can re lokꞌolaj tak mandamientos re xeꞌruyaꞌ re Dios cha. \v 22 Y vovaꞌ can katzij-va che nibanataj anchaꞌl nubij jun tzij: Re tzꞌeꞌ noꞌrtijaꞌ chic-pa re xuxa-yan can.\x * \xo 2.22 \xt Pr. 26:11.\x* Y vovaꞌ can nibanataj chukaꞌ anchaꞌl nubij jun chic tzij: Re ak astapaꞌ jabal atinisan chic-a, noꞌrquichaꞌ chic-pa-riꞌ jun bey pa chꞌabak. \c 3 \s Tak xtipa re Ajaf \p \v 1 Jareꞌ re rucaꞌn carta re nintak-a chiva yex hermanos re camas yixinjoꞌ, yex re can nirayij-va niban re nrajoꞌ re Dios. Y chupan re nabey carta can ximban chiva che quixnojin jabal,\x * \xo 3.1 \xt 2 P. 1:13-15.\x* y quireꞌ chukaꞌ nimban chiva chupan re rucaꞌn carta reꞌ. \v 2 Can teꞌka chiꞌcꞌoꞌx jabal re quibin can re rusamajelaꞌ re Dios re xeꞌcꞌueꞌ ajuer can, re xbex profetas chique. Man timistaj\x * \xo 3.2 \xt Jud. 17.\x* re quibin can rejeꞌ chij re xtibanataj. Y chukaꞌ man queꞌmistaj re mandamientos re xkacꞌut yoj chivach, y reꞌ jeꞌyiꞌon can pa kakꞌaꞌ yoj re yoj apóstoles roma re Kajaf re nicola kachin chach re kamac. \p \v 3 Y re nabey ninjoꞌ ninataj chiva vocame ja re nichꞌo chiquij re vinak re xqueꞌpa chupan re ruqꞌuisibal tak kꞌij, re xa can xe re niquirayij rejeꞌ re niquiban.\x * \xo 3.3 \xt 1 Ti. 4:1; 2 P. 2:10.\x* Vinak re xa can xtiquitzꞌabej re nubij re ruchꞌabal re Dios. \v 4 Re vinak reꞌ xtiquibilaꞌ: Vo xa can rubin can re Jesucristo che nipa, ¿ancheꞌ cꞌa cꞌo-va jun señal che can nipo-va?\x * \xo 3.4 \xt Is. 5:19; Jer. 17:15; Ez. 12:22.\x* Roma desde que tak je quiminak-a re kate-kartaꞌ can man jun cosa re jalatajnak-ta chach re ruchꞌulef. Can anchaꞌl tak xban re ruchꞌulef, can cꞌa quireꞌ rubanon vocame, xqueꞌchaꞌ. \v 5 Re vinak reꞌ can niquiban anchaꞌl xa man quitaman-ta re xuban re Dios ajuer can. Nabey re Dios can xubij-va che ticꞌueꞌ re rocaj,\x * \xo 3.5 \xt Sal. 33:6.\x* y xubij chukaꞌ che tikꞌalajim-pa re ruchꞌulef\x * \xo 3.5 \xt Gn. 1:6; He. 11:3.\x* pa yaꞌ. Y reꞌ can nucꞌut-va chakavach che re ruchꞌulef pa yaꞌ cꞌo-va. \v 6 Pero jun kꞌij re yaꞌ reꞌ xqꞌuiy roma re jun namalaj job xuban re nibex diluvio cha, y re vinak re jecꞌo chach re ruchꞌulef re man xquinimaj-ta re Dios, xeꞌqꞌuis roma re yaꞌ.\x * \xo 3.6 \xt Gn. 7:11, 21-23; 2 P. 2:5.\x* \v 7 Y re Dios can rubin che re ruchꞌulef y re rocaj re yeꞌkatzꞌat vocame, can xqueꞌqꞌuis chupan re kꞌij tak re Dios xtubij che tika re kꞌakꞌ pa quiveꞌ.\x * \xo 3.7 \xt Mt. 25:41; 2 Ts. 1:8; He. 1:11.\x* Y reꞌ jecꞌo can chin re kꞌij tak rejaꞌ xtuban juzgar pa quiveꞌ re vinak re man otz-ta quicꞌaslen chach rejaꞌ. \p \v 8 Pero yex hermanos re camas yixinjoꞌ, nimbij chiva che man timistaj che riqꞌuin re Dios, jun kꞌij anchaꞌl jun mil junaꞌ y jun mil junaꞌ anchaꞌl jun kꞌij.\x * \xo 3.8 \xt Sal. 90:4.\x* \v 9 Re Ajaf xa nipa-yan. Y man rumistan-ta, anchaꞌl niquinojij re nicꞌaj chic vinak, che camas qꞌuiy tiempo tibo-va y manak rutzijol che nipa, man quire-ta. Rejaꞌ camas nicochꞌon ránma kaqꞌuin, y man nrajo-ta che cꞌo-ta jun nicom chupan re rumac.\x * \xo 3.9 \xt Ez. 18:23; Hab. 2:3; Ro. 2:4; He. 10:37.\x* Y mareꞌ can cꞌa ruyiꞌon kꞌij chaka chin nitzolaj-pa kánma riqꞌuin re Dios. \p \v 10 Y re Ajaf can xtipo-va chupan re kꞌij re rubin can. Y anchaꞌl nuban jun elekꞌom tak ndoc pa jun jay,\x * \xo 3.10 \xt Mt. 24:43.\x* man jun atamayon jampaꞌ neꞌka. Can quireꞌ chukaꞌ tak xtipa re kꞌij chin re Ajaf. Y re rocaj can xtijulu y can xtipokꞌolaj tak xtiqꞌuis. Re jeꞌcusan chin jeꞌbanalon ronojel cosas can xqueꞌjeno pa kꞌakꞌ y xqueꞌqꞌuis. Re ruchꞌulef reꞌ y ronojel re jecꞌo chach, xqueꞌcꞌat\x * \xo 3.10 \xt Ap. 20:11.\x* chukaꞌ. \p \v 11 Can xtiparox ronojel reꞌ, y mareꞌ yex camas nicꞌatzin che nicꞌuaj jun cꞌaslen chꞌajchꞌoj,\x * \xo 3.11 \xt 1 P. 1:15.\x* jun cꞌaslen re nika chach re Dios. \v 12 Can-ta niyabej-apo re kꞌij chin re Dios, y can-ta nirayij che napon-yan-ta re kꞌij reꞌ. Tak re rocaj xtijulu pa kꞌakꞌ y xtiqꞌuis.\x * \xo 3.12 \xt Sal. 50:3.\x* Y re jeꞌcusan chin jeꞌbanalon ronojel cosas, can xqueꞌyiꞌar\x * \xo 3.12 \xt Mi. 1:4.\x* pa rurep re kꞌakꞌ. \v 13 Jacꞌa yoj re kaniman re Jesucristo, ja re cꞌacꞌa rocaj y re cꞌacꞌa ruchꞌulef re kayaben,\x * \xo 3.13 \xt Is. 65:17.\x* roma jareꞌ re rusujun can re Dios. Y chireꞌ man jun etzelal cꞌo y ronojel otz. \p \v 14 Mareꞌ hermanos re iyaben ronojel reꞌ, can titijaꞌ ikꞌij che manak-ta tzꞌil cꞌo pa tak ivánma, y chukaꞌ manak-ta imac yixeꞌruvila-ka re Ajaf.\x * \xo 3.14 \xt Fil. 1:10.\x* Y chukaꞌ re ivánma can-ta otz nunaꞌ roma iniman chic rejaꞌ. \v 15 Y teꞌka chiꞌcꞌoꞌx che re Kajaf cꞌamaje-na tipa, roma rejaꞌ camas nicochꞌon ránma\x * \xo 3.15 \xt Ro. 2:4; 1 Ti. 1:16; 1 P. 3:20.\x* kaqꞌuin y mareꞌ ruyiꞌon kꞌij chique conojel che yeꞌcolotaj-ta chach re quimac. Y can quireꞌ chukaꞌ rutzꞌiban-a re hermano Pablo chiva, can anchaꞌl re naꞌoj xuyaꞌ re Dios cha rejaꞌ y yoj camas nakajoꞌ re Pablo. \v 16 Y chupan ronojel re ru-cartas rejaꞌ cꞌo tzij quireꞌ yeꞌrubij y cꞌayef chin che yeꞌkꞌax pa kaveꞌ. Y mareꞌ jecꞌo vinak re mana-ta rubixic niquiban, roma ja quireꞌ niquijoꞌ niquiban. Rejeꞌ manak can-ta naꞌoj quiqꞌuin y chukaꞌ man can-ta quibanon confiar-quiꞌ riqꞌuin re Dios. Y mareꞌ re Dios can xtuyaꞌ re castigo pa quiveꞌ, roma can quireꞌ chukaꞌ niquiban riqꞌuin re nicꞌaj chic tzij re jecꞌo chupan re ruchꞌabal re Dios re tzꞌiban can. \p \v 17 Mareꞌ nimbij chiva yex hermanos re camas yixinjoꞌ: Can tichajij re icꞌaslen roma itaman chic che xqueꞌpa vinak re xqueꞌkꞌolo ivichin. Can tichajij\x * \xo 3.17 \xt Mt. 7:15; 16:6, 11; Fil. 3:2; Col. 2:8; 2 Ti. 4:15.\x* re icꞌaslen chin man quixkꞌolotaj pa quikꞌaꞌ re vinak re quicꞌuan jun itzel cꞌaslen. Chin quireꞌ yex re can ibanon confiar-iviꞌ riqꞌuin re Dios man xqueꞌtiquir-ta chivij. \v 18 Pa ruqꞌuixel che xqueꞌtiquir-ta chivij, xa can titamaj más chij re Kajaf Jesucristo re nicola kachin chach re kamac. Y can-ta xtiqꞌuiy\x * \xo 3.18 \xt Ef. 4:15; 1 P. 2:2.\x* más pa tak kánma re utzil re kacꞌulun riqꞌuin rejaꞌ. Y rejaꞌ xtucꞌul-ta rukꞌij\x * \xo 3.18 \xt Ro. 11:36.\x* vocame y nojel tiempo. Amén.