Vwel de ba nɔ̂ng yere Simɛyɔn
19
Masâ sesek o hê ba ha gaba e ra yerê Simɛyɔn.
Bak o wo yére Simɛyɔn na rùhup yɛ wà sé e tê wo BeYuda.
2 Wa kaba yi e Bɛɛr-Sheba,
na Sheba,
na Molada,
3 na Hazar-Shuwal,
na Bala,
na Ɛzɛm,
4 na Ɛltɔlat,
na Bɛtul,
na Hɔrma,
5 na Ziklak,
na Bet-Markabɔt,
na Hazar-Susa,
6 Bet-Lɛbawɔt tanga Sharukɛn — mwa bapomo mo ba sé kuru na vɛ batat tanga nebapomo mɛn.
7 Bahak a vemo:
Ayin,
na Rimɔn,
na Ɛtɛr tanga Ashan — bapomo banaas tanga nebapomo mɛn a vemo.
8 E rwa batin,
bak o wa nára wɛ pere wɔ e Baalat-Bɛɛr tanga Ramat-Nɛgɛf.
Bak vwel o wò rùhup BeSimɛyɔn à wane.
9 Bak vwêl BeSimɛyɔn wa sè e ji vwêl BeYuda,
yaga vwêl Yuda ha sé rey o,
ha dal pyɛ de yɛn e simo.
Vwel de ba nɔ̂ng yerê Zɛbulun
10 Masâ sesek o hê tat ha gaba e vwɔ̂ yerê Zɛbulun na rùhup yɛ.
Bak vwel o mwɛn wà wul Sarit.
11 Yi e hwomo,
yɛnɛ̂ vwel o ha tút wɔ e bak ta vɔk e Marala,
ha wɔ̀ ra Dabɛshɛt,
ko ha wɔ̀ ra nɛk de wa sé e hagât Yɔknɛyam.
12 Ko ha to yi e Sarit arɔng wɔ e bak rak,
ha kwey e bak vwêl Kislot-Tabor,
ha to pere vɔk e Daberat,
ha tút mɛ̀ vɔk e Yafiya.
13 Yi e hwomo,
ha nára hɛ vɔk e Gat-Hɛfɛr na Ɛtkazin e rwa rak,
ha pere mɛ̀ wɔ e Rimɔn,
e kwɔn de ha doyo kwɔɔl vɔk e Neya.
14 Yi e hwomo,
yɛnɛ̂ vwel o ha to doyo vɔk e Hanatɔn,
ha tala hɛ e nɛk Ifta-Ɛl.
15 Bak vwel o wa wuna na Katat,
na Nahalal,
na Shimrɔn,
na Idala tanga Bet-Lɛhɛm.
Mwa bapomo mo ba sé kuru na vɛ baba tanga nebapomo mɛn.
16 Bapomo vane na nebapomo mɛn ba sé e ji bak vwel de ba nɔ̂ng yerê Zɛbulun na rùhup yɛ.
Vwel de ba nɔ̂ng yerê Isakar
17 Masa na sesek hê naas ha gaba e vwɔ̂ yerê Isakar na rùhup yɛ.
18 Bak vwel o mwɛn wa wuna na Yɛzrɛɛl,
na Kɛsulɔt,
na Shunɛm,
19 na Hafarayim,
na Shiyɔn,
na Anaharat,
20 na Rabit,
na Kishiyɔn Ɛbɛs,
21 na Rɛmɛt,
na Ɛn-Ganim na Ɛn-Hada tanga Bet-Pazɛs.
22 Yɛnɛ mo ha to wɔ̀ ra rak Tabor,
na Shahazima tanga Bet-Shɛmɛsh,
ko ha tala hɛ e Yɔrdan,
Mwa bapomo mo ba sé kuru na vɛ batyiimin na nebapomo mɛn.
23 Bapomo vane na nebapomo mɛn ba sé e ji bak vwel de ba nɔ̂ng yerê Isakar na rùhup yɛ.
Vwel de ba nɔ̂ng yerê Ashɛr
24 Masâ sesek o hê tungun ha gaba e vwɔ̂ yerê Ashɛr na rùhup yɛ.
25 Yɛnɛ̂ bak vwel o mwɛn ha wuna na Hɛlkat,
na Hali,
na Bɛtɛn,
na Akshaf,
26 na Alam-Mɛlɛk,
na Amat tanga Mishal,
ko ha wul Karmɛl e bak ta na Shihor-Libnat arɔng.
27 Yi e hwomo,
ha doyo vɔk e bak rak wɔ e Bet-Dagɔn,
ko ha wɔ̀ ra bak vwêl BeZɛbulun na nɛk Ifta-Ɛl,
ha re nuyel wɔ e rwa bato wɔ̀ sɛ̀ mɛ Bet-Ɛmɛk na Nɛyɛl.
Ha to tá wɔ e Kabul e bak bato,
28 na Hɛbrɔn,
na Rehop,
na Hamɔn tanga Kana pere wɔ wul mɛ gbɔng repomô Sidɔn.
29 E hwomo yɛnɛ̂ vwel o ha to doyo vɔk e Rama,
ko ha pere wɔ sɛ̀ gbɔng repomô Tur de ba gwɔrɔ na jwâ-pomo.
E bama mo,
ha doyo vɔk e Hosa,
ko ha wɔ tala hɛ e Gworep Tē.
Ha to wuna na Mahalap,
na Akzip,
30 na Uma,
na Afɛk tanga Rehop.
Mwa bapomo mo ba sé kuru baba na vɛ baba mwa na nebapomo mɛn.
31 Bapomo vane na nebapomo mɛn ba sé e ji bak vwel de ba nɔ̂ng yerê Ashɛr na rùhup yɛ.
Vwel de ba nɔ̂ng yerê Naftali
32 Masa mo hê tyiimin ha wɛrɛ e vwɔ̂ yerê Naftali na rùhup yɛ.
33 Yɛnɛ̂ vwel mɛn ha yi e Hɛlɛf,
vɔk e cɔgɔ̂t ouk e Zaananim,
ha re nuyel vɔk e Adami-Nɛkɛp na Yabneel pere wɔ sɛ̀ mɛ Lakum,
ko ha tala hɛ e Yɔrdan.
34 E hwomo,
yɛnɛ̂ vwel o ha to doyo vɔk e bak ta vɔk e Aznɔt-Tabor,
ha to nára hɛ yi e hwomo vɔk e Kukɔk,
ha wɔ̀ ra bak vwêl BeZɛbulun e rwa batin,
bak vwêl BeAshɛr e rwa ta,
na Yuda wo Yɔrdan e rwa rak.
35 Bapomo mɛn de ba gwɔrɔ vɛ na jwâ-pomo vɛ à,
Zidim,
na Zɛr,
na Hamat,
na Rakat,
na Kinɛrɛt,
36 na Adama,
na Rama,
na Hazor,
37 na Kɛdɛsh,
na Ɛdirɛi,
na Ɛn-Hazor,
38 na Yirɔn,
na Migdal-Ɛl,
na Hɔrɛm,
na Bet-Anat tanga Bet-Shɛmɛsh.
Mwa bapomo mo ba sé kuru na vɛ shabatat mwa na nebapomo mɛn.
39 Bapomo vane na nebapomo mɛn ba sé e ji bak vwel de ba nɔ̂ng yerê Naftali na rùhup yɛ.
Vwel de ba nɔ̂ng yerê Dan
40 Masa mo hê taama ha gaba e vwɔ̂ yerê Dan na rùhup yɛ.
41 Yɛnɛ̂ bak o mwɛn ha wuna na Zora,
na Ɛshtawɔl,
na Ir-Shɛmɛsh,
42 na Shaalbim,
na Ayalɔn,
na Itla,
43 na Ɛlɔn,
na Timna,
na Ɛkrɔn,
44 na Ɛltɛkɛ,
na Gibɛtɔn,
na Baalat,
45 na Yehut,
na Bene-Berak,
na Gat-Rimɔn,
46 na Me-Yarkon tanga Rakɔn mwa a bak vwel de wa gwɔrɔ Yafo.
47-48 Bapomo vane mo na nebapomo mɛn ba sé e ji bak vwel de ba nɔng yerê Dan na rùhup yɛ.
Ko vwel o hê yerê Dan ha hywit ɛ yi e vwɔ mɛn.
Yaga ano,
yɛn a sogo,
ba nára hɛn,
ko ba wɔ̀ to como na Lɛshɛm.
Yɛn a sey ɛ hɛ,
yɛn a wey na bemat o,
ha tɛ́ ɛ mɛn,
ko yɛn a sangal ɛ.
Yɛn kwong ba vɛ̌ sege a hɛ rezâ Lɛshɛm,
ko ba tâng hɛ à Dan e ra rezâ dâ yere mɛn.
Yɛnɛ̂ gâs vwel o
49 Jeng de ba ga yɛnɛ gâs vwel o,
ko BeIsrayɛl ba nɔ̂ng Yɔshuwa Nun bak o hwak e tē mɛn.
50 Sede remo de Dagwi Darwey a kana nɔng nu,
yɛn a nɔng ɛ repomo de a rangal rɛ,
rɛ à Timna-Sɛrak,
e bak berahwôl Ɛfrayim.
A to lɔk rɛ,
ko a sangal ɛ.
51 Bebak vwel a vemo de ba gas a yére BeIsrayɛl yi na masâ sesek.
A sé e Ɛlɛyazar,
piris,
na Yɔshuwa Nun,
tanga bedanelɔ rùhup yére BeIsrayɛl de ba gas vɛ e rwi bûk sangâl Dagwi Darwey e Shilo.