Yesu ꞌana tomuliyao site tuwelo ꞌaigeda ꞌoidiyega sanina Madiu, ma sanina heluwena Libai. Tauna gwama Yudiyaina, ma hesi meLoma ꞌiꞌabiꞌabihetedi ma takesi meYudiya ꞌoidiyega ꞌihehegogonedi meLoma weyahidi. Bewa lamuna meYudiya Madiu siheꞌipiꞌipiyeya, ma hesi Yesu Madiu ꞌiꞌatemuyamuyaeya, ta ꞌibwauweya, ta ꞌimuliyeya; ma muliyetega Yesu tetelina ꞌileleya ma ꞌihepwaileya ꞌabehega tauna tuwa Mesaiyaina. Mesaiya ꞌana bui ꞌena Gilisi ꞌoinega beno Keliso, ta ꞌana nuwasabwalena beno Toꞌabihetena. Tauna Mesaiyaina meYudiya siloloyamweya to tuta ꞌoina ꞌilatuma ma ꞌiꞌabihetedi.

Yehoba ꞌina loina ꞌana sanapu wete buki bewa ꞌalona ꞌimiyamiya.