\id 2JN
\h 2 Juan
\toc2 2 Juan
\mt1 Tson Na Jndë Ve Na Tji Juan
\c 1
\s Ntyja ꞌnaanꞌ jñꞌoon na mayuuꞌ yo na
quitsiviꞌntyjii tsꞌan tyje juu
\p
\v 1 Mancö na conintque ja quityquiiꞌ tsꞌian ꞌnaanꞌ Tyoꞌtsꞌon,
macüji tsonva na matscüenönhanꞌ ndëë ꞌoꞌ na conduihoꞌ tmaanꞌ
nnꞌan na icüji jonhoꞌ cüentaaꞌ nquii jon yo ninꞌnque nnꞌan na
conanꞌjon yo ꞌoꞌ. Viꞌntyji ja ꞌoꞌ yo na xoncüeeꞌ tsꞌön, ndoꞌ
min chito xiaꞌntyi ncö, mantyi tsoñꞌen nnꞌan na conanꞌjonhan
ntyja ꞌnaanꞌ juu jñꞌoon na mayuuꞌ.
\v 2 Mayuuꞌ na viꞌntyji jndyi
ja ꞌoꞌ ee juu jñꞌoon na mayuuꞌñeen mꞌaanhanꞌ quiiꞌ nnꞌön ndoꞌ
manchaꞌchen xjen ncꞌoonhanꞌ yo jaa.
\v 3 Nquii tyëëhë
Tyoꞌtsꞌon yo nquii Jesucristo na conduihin jnda jon, macꞌan
ndëëhan na nnanꞌquindaaꞌhin ꞌoꞌ juu naya na conduihan yo juu
na ntyꞌia ro nnꞌan ngiohan, yo ninꞌjuu na conduihan na tajñuaanꞌ
tsꞌonhan. Ncyahan na nanꞌxuanhoꞌ joo nanꞌminꞌ viochen xjen na
cotsamꞌanhoꞌ ntyja ꞌnaanꞌ juu jñꞌoon na mayuuꞌ yo na
conanꞌvengiohoꞌ nnꞌan.
\p
\v 4 Tꞌman incyaahanꞌ na nën jndyi jntyꞌia vendye ntyjehoꞌ na
cotsamꞌanhan ntyja ꞌnaanꞌ juu jñꞌoon na mayuuꞌ chaꞌxjen nquii
tyëëhë Tyoꞌtsꞌon tquen jon jñꞌoon na quintꞌa.
\v 5 Ndoꞌ
nanein ꞌoꞌ ntyjë na viꞌntyjihoꞌ, vaa jñꞌoon na
ninꞌquitsiquiꞌmanꞌ ja ꞌoꞌ na quinanꞌvengiö ntyjë na vantyja
nꞌonhan Jesús. Juu jñꞌoonva chito jñꞌoon xcohanꞌ, majoꞌ
maninjuuntyihanꞌ na jndë tondyehoꞌ xjen na tyeꞌ na condyehoꞌ
ntyja ꞌnaanꞌ Jesucristo.
\v 6 Ndö vaa na itsiꞌmanhanꞌ na viꞌntyjii tsꞌan Tyoꞌtsꞌon, na
vangueeꞌ juu jñꞌoon na iquen jon na icoꞌxenhanꞌ. Ndoꞌ juu
jñꞌoonꞌñeen cüejonhanꞌ chaꞌxjen juu jñꞌoon na tondye
jndyeehoꞌ na quinanꞌvengiö nnꞌan.
\s Nnꞌan na conanꞌviꞌnnꞌan
\p
\v 7 Nndaꞌ matsjö ndëëhoꞌ ngꞌe jndye nnꞌan mꞌan na
comaꞌndyiꞌhan tsonnangue na conduehan na nquii Jesucristo
tyiꞌyuuꞌ na jndyo jon na tsꞌanhin chaꞌxjen nquë. Majoꞌ
minꞌninchen tsꞌan na itsiꞌman juu jñꞌoonvaꞌ, itsiviꞌnnꞌan
tsanꞌñeen nnꞌan. Conduihin tsꞌan na vꞌiiꞌ tsꞌon juu Cristo.
\v 8 Majoꞌ quitquenhoꞌ cüenta na tyiꞌnanꞌviꞌnnꞌan jñꞌoonꞌñeen ꞌoꞌ.
Ee xe nndaꞌ vaa ꞌnan na ntquenonhoꞌ, juu tsꞌian na jndë jntꞌaha,
ntsꞌaahanꞌ na veꞌ jnꞌaanhanꞌ. Quinanꞌchonhoꞌ na quindë ya
ncyꞌonhoꞌ cüenta tsoñꞌen nnon na ntsiquindaaꞌ Tyoꞌtsꞌon ꞌoꞌ.
\p
\v 9 Minꞌninchen tsꞌan na ninꞌcüenoonꞌ juu nchu vaa na
itsiquindyi jñꞌoon na siꞌman Cristo, tyiꞌquitsixuan tsanꞌñeen
ntyja ꞌnaanꞌ nquii Tyoꞌtsꞌon. Majoꞌ minninchen tsꞌan na contjohin
yo jñꞌoonꞌñeen, condui tsanꞌñeen ntyja ꞌnaanꞌ
tyëëhë Tyoꞌtsꞌon ndoꞌ yo jnda nquii jon.
\v 10 Xe na aa
ngueeꞌ tsꞌan na mꞌanhoꞌ na ngitso juu na incyaa juu jñꞌoonꞌ
Tyoꞌtsꞌon, majoꞌ juu jñꞌoon na incyaa juu ntyja ꞌnaanꞌ Cristo,
xe na aa tyiꞌcüejonhanꞌ chaꞌxjen na matsjö ndöꞌ, yajoꞌ min
tyiꞌntixeeꞌhoꞌhin ntꞌaahoꞌ, min tyiꞌninncyahoꞌ tsꞌonhin.
\v 11 Ee
xe na aa ngitso tsꞌan nnon tsanꞌñeen: ꞌUꞌ ntyjë, cüenoonꞌ, xe
na aa ntsꞌaa juu na nndaꞌ, itsijonhin yo juu tsꞌian tyia na
tsixuan tsanꞌñeen.
\s Jñꞌoon na matsꞌia na chu tsonva na tji Juan
\p
\v 12 Jndye jñꞌoon min na icanhanꞌ na quitsjö ndëëhoꞌ, majoꞌ
xiaꞌntyi jñꞌoonminꞌ na macüji nanein. Ee ntyja tsꞌön na
ncjö quintyꞌiahoꞌ, yajoꞌ nnanꞌnën yo ntyjë, ndoꞌ na nndaꞌ,
nninncyaahanꞌ na nën jndyihi.
\p
\v 13 Nque nnꞌan na mantyi icüji Tyoꞌtsꞌon cüentaaꞌ nquii
jon na mꞌanhin ntjoohin, mantyi coninncyahin tsꞌon ꞌnaanhin ndëëhoꞌ.